རང་གི་བདེ་ཐང་གི་ཆེད་དུ་མཉམ་འཇོག་བྱེད་དགོས་པ་འགའ།
སྤེལ་དུས 2018-02-14
ཡོང་ཁུངས། མཚོ་སྔོན་བོད་ཡིག་གསར་འགྱུར།
རྩོམ་པ་པོ། སྒྲོལ་མས་བསྒྲིགས།
ཐ་མག་གི་ཉེས་དམིགས།
ཐ་མག་འཐེན་པ་ནི་ལུས་ཕུང་ལ་ཤིན་ཏུ་གནོད་པའི་གོམས་གཤིས་མི་ལེགས་པ་ཞིག་རེད།ཐ་མག་གི་དུ་བའི་ནང་དུ་གནོད་ལྡན་དངོས་རྫས་སྟོང་ཕྲག་ལྷག་ཡོད་ཅིང་། དེ་ལས་ཉི་ཀུའུ་ཏེན་དང་། དུ་དྲེག་གི་སྣུམ། དབྱང་གཅིག་ཐཱན་འགྱུར་བཅས་ཀྱི་གནོད་པ་ཆེས་ཆེ་བ་ཡིན།
ཐ་མག་འཐེན་པ་ནི་རང་ཉིད་ཀྱི་གློ་བ་མིར་སྦར་བ་ཡིན།
གསོ་རིག་གི་ཞིབ་འཇུག་ཅིག་ལས། ཐ་མག་འཐེན་ན་སྙིང་དང་གློ་བ། ཕོ་བ་དང་རྒྱུ་མ། དབང་རྩ། མཆིན་པ། མཁལ་མ། ཁྲག་རྩ་སོགས་ལ་ཚད་མི་འདྲ་བའི་གནོད་སྐྱོན་ཐེབས་སྲིད་ཟེར། དུས་ཡུན་རིང་བོར་ཐ་མག་འཐེན་ན་གློ་ཡུའི་ཡན་ལག་གི་གཉན་ཚད་དང་། དབུགས་འཚང་བ། གློ་བའི་དབུགས་སྐྲངས། ཁྲག་ཤེད་མཐོ་བ། སྙིང་ནད། ཕོ་བ་སྨུག་པོའི་ནད་སོགས་སློང་སྲིད་པར་མ་ཟད། ད་དུང་གློ་བའི་འབྲས་དང་ཁ་འབྲས། མིད་པའི་འབྲས་སོགས་འབྲས་སྐྲན་ངན་པར་འགྱུར་སྲིད།