ཇི་ལྟར་བྱས་ཏེ་ཕྲུ་གུ་དམར་འབྱར་གཉིད་ཁུག་པའི་གོམས་གཤིས་ཡག་པོ་འཇགས་པ་བྱེད་དགོས་སམ།
སྤེལ་དུས 2018-05-17
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ། སྒྲོལ་མས་བསྒྲིགས།
གཉིད་ཁུག་ཐབས་གང་འདྲ་ཞིག་ནི་རྒྱུན་ལྡན་ཡིན་ནམ།
ཕྲུ་གུ་དམར་འབྱར་ལ་ཉིན་ལྟར་གཉིད་ཁུག་པའི་དུས་ཡུན་ཆུ་ཚོད་16དགོས་པ་དང་ཆུ་ཚོད་2ནས་4བར་གཉིད་སད་ཐེངས་རེར་འོ་མ་ཐེངས་རེ་སྟེར་དགོས་ལ་ཟླ་བ་1ནས་3བར་གྱི་དམར་འབྱར་གྱི་ཆ་སྙོམས་གཉིད་ཁུག་ཡུན་ཆུ་ཚོད་15ཟིན་གྱི་ཡོད། ཟླ་བ་6ལ་སླེབས་པའི་དམར་འབྱར་གྱི་ཉིན་ལྟར་ཆ་སྙོམས་གཉིད་ཁུག་ཡུན་ཆུ་ཚོད་14ཟིན་གྱི་ཡོད།
ཕྲུ་གུ་དམར་འབྱར་དབར་གཉིད་ཁུག་ཡུན་ཧེ་བག་ཆེན་པོ་ཡོད། གལ་ཏེ་དུས་ཡུན་རིང་པོ་དེ་ལྟ་བུ་ཉལ་ཐུབ་ཀྱི་མེད་མོད། འོན་ཀྱང་གཉིད་ལས་སད་སྐབས་གྲུང་ཤ་དོད་པ་དང་། ལྟོ་ཆས་ཡག་པོ་ཟ་ཐུབ་པ། འཚར་ལོངས་ཡག་པོ་ཡོང་བ་བཅས་བྱེད་ཐུབ་ཚེ་གཉིད་ཁུག་པའི་གོམས་གཤིས་དེ་ནི་ཕྲུ་གུའི་ངོས་ནས་རྒྱུན་གཏན་ཞིག་རེད།