ཁྱེད་ཀྱིས་ཤེས་སམ། འོ་མར་ད་དུང་ནུས་པ་འདི་དག་འདུག
སྤེལ་དུས 2018-06-29
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ། སྒྲོལ་མས་བསྒྲིགས།
ཞོགས་པ་མིག་ལྤགས་སྐྲངས་སྐབས་འོ་མར་ཆུ་ཁོལ་ཏོག་ཙམ་བསྲེས་ནས་སྲིང་བལ་རྡོག་རྡོག་ཆུང་ཆུང་ཞིག་སྦངས་ནས། སྐྲངས་སར་སྐར་མ་3-5བར་འཕུར་འཕུར་བཏང་རྗེས། ཨ་ཅོར་ཚ་པོ་ཞིག་གདོང་པར་ཏོག་ཙམ་སྦྱར་བཞག་ན་མིག་ལྤགས་སྐྲངས་པ་ཞོམ་སྲིད།
གལ་སྲིད་ཚལ་རྔོ་སྐབས་ཅང་ཡིའུ་མང་དྲགས་ཚེ། ཚལ་ལ་འོ་མ་ཏོག་ཙམ་བླུགས་ན་ཅང་ཡིའུ་མང་དྲགས་པའི་རྐྱེན་མེད་པར་བཟོ་ཐུབ།
མི་ཁག་གཅིག་སྒོག་པ་ཟོས་དྲགས་ཏེ་ཁ་ནས་སྒོག་དྲི་ཡུན་རིང་ཁ་གི་ཡོད། དེའི་སྐབས་འོ་མ་ཏོག་ཙམ་བཏུངས་པ་ཡིན་ན་སྒོག་དྲི་ཡལ་སྲིད།
འཇུར་རྟ་གས་ཚེ། འཕྲལ་མར་འཇུར་རྟ་གས་སར་འོ་མ་ཐིགས་པ་ཁ་ཤས་བརྒྱབ་ནས་འཕུར་མཉེད་བཏང་རྗེས་འཇུར་རྩི་བྱུགས་ན། གས་ངོས་ཆུང་དུ་འགྲོ་བ་མ་ཟད། ཀོ་ལྷམ་གྱི་མཉེན་ཚད་ཀྱང་ཡག་ཏུ་འགྲོ་སྲིད།