མཁྲིས་པའི་ནད་བཤད་པ།

      མཁྲིས་པ་ཞེས་བྱ་བ་ནི་ངོ་བོ་ལ་བལྟོས་ནས་བཏགས་པའི་ལུས་ཀྱི་མེ་དྲོད་ཀྱི་ཁམས་གཙོ་བོར་གྱུར་པའི་མིང་སྟེ་། ལུས་ཀྱི་དྲོད་ཁམས་སྣུམ་མཁྲིས་ནས།། མེ་འབར་ལྟ་བུར་དྲོད་སྐྱེས་པས།། མཁྲིས་པ་ཞེས་སུ་བཤད་པ་ཡིན།། ཞེས་པ་ལྟར་ལུས་ཀྱི་མེ་དྲོད་ཀྱི་ཁམས་སྣུམ་བཅས་རྣོ་ཚ་ཡང་ཞིང་དྲི་མནམ་འཁྲུ་གཤེར་གྱི་མཚན་ཉིད་བདུན་ལྡན་དེས་ལུས་ལ་མེ་འབར་བ་ལྟར་གྱི་དྲོད་སྐྱེད་ཅིང་། ཟས་འཇུ་བར་བྱེད་པས་ན་མཁྲིས་པ་ཚ་བ་ཞེས་བཤད་པ་དང་། དེ་རྣམ་པར་གྱུར་པ་ནད་ཀྱི་ངོ་བོར་གནས་པ་ནི་མཁྲིས་པའི་ནད་ཟེར་བ་རེད།