གླང་འདུན་རྡོ་རྗེ་སྒྲོལ་དཀར། བོད་ཀྱི་གསོ་བ་རིག་པའི་རྒྱུན་འཛིན་ཀྱི་ཕོ་ཉ་ཞིག
སྤེལ་དུས 2014-05-04
ཡོང་ཁུངས། བོད་ལྗོངས་ཚོང་དོན་ཚགས་པར།
རྩོམ་པ་པོ། བསོད་རྡོར་གྱིས་བསྒྱུར།
གླང་འདུན་རྡོ་རྗེ་སྒྲོལ་དཀར་ལགས་ནས་བོད་ཀྱི་གསོ་རིག་གནའ་གཞུང་བསྡུ་གཉེར། དག་སྒྲིགས། འགྲེམས་སྤེལ་གནང་བའི་གཏམ་རྒྱུད།
ཁོ་མོས་ལོ་ངོ་བཅུ་ཕྲག་མང་པོར་དགོན་སྡེ་དང་ཞིང་གྲོང་། འབྲོག་ཁུལ་བཅས་ལེ་བར་ཁྲི་ཕྲག་བརྒྱུད་ནས་བོད་སྨན་མཁས་པ་དག་གཏུགས་སྟེ་དཔེ་ཆ་སྣེ་གྲངས་༦༠༠༠ལྷག་དང་། ཤོག་ལྡེབ་ཁྲི་སུམ་ཅུ་ལྷག་གི་རྩ་ཆེན་རྒྱུ་ཆ་དག་བསྡུ་གཉེར་བྱས། བོད་ཀྱི་གསོ་རིག་ཞིང་དུ་སྔར་མེད་ཀྱི་སྟོང་ཆ་བསྐང་ཐུབ་པ་བྱུང་བ་དང་། རླབས་ཆེན་ཀྱི་ཆེས་གནའ་བོའི་ཕུལ་བྱུང་བོད་སྨན་གནའ་གཞུང་ལེགས་སྒྲིག་ལ་མཛད་རྗེས་བཞག དེ་ལྟར་མི་མང་གིས་ཁོང་ལ་བོད་ཀྱི་གསོ་རིག་གི་རྒྱུད་འཛིན་ཕོ་ཉ་ཞེས་བསྔགས་བཞིན་མཆིས།
ཟླ་༤བའི་ཚེས་༢༤ཉིན་གྱི་ཕྱི་དྲོར། གསར་འགོད་པ་བོད་ལྗོངས་གསོ་རིག་སློབ་གླིང་གི་ཁྱད་འཕགས་དཔེ་མཛོད་ཁང་དུ་སོང་ཞིང་།དགུང་ལོ་༦༠ཉེ་བའི་རྡོ་རྗེ་སྒྲོལ་དཀར་ལགས་ཀྱི་མིག་ཤེལ་ཆུང་ཆུང་ཞིག་བརྒྱབ་ཅིང་། ལྭ་བ་དཀར་པོ་ཞིག་གྱོན། ལྡེ་མིག་མང་པོ་ཞིག་ཕྱག་ན་བསྣམས་སྟེ་དཔེ་ཁང་དུ་འདུག་ལ། ད་རུང་སུམ་ཐོག་ཏུ་ཕྱིན་སྟེ་པར་བཤུ་དང་དག་སྒྲིག ལས་སྣེ་བརྗེས་སྤོར་སོགས་ལ་བཀོད་སྒྲིག་བྱེད་དགོས་པ་རེད།