ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > གསོ་རིག > གསར་ཤོས།

བོད་ཀྱི་གསོ་བ་རིག་པའི་ལོ་རྒྱུས་གནད་བསྡུས།

སྤེལ་དུས 2012-07-16 ཡོང་ཁུངས། ཁམས་པའི་གསར་འགྱུར་དྲ་བ། རྩོམ་པ་པོ། ཚེ་རྡོར་གྱིས་བསྒྲིགས།

    བོད་འདིར་འགྲོ་བ་མིའི་རིགས་ཐོག་མར་བྱུང་བ་ནས་བཟུང་སོ་སོའི་ལུས་ལ་ཕན་བྱེད་ཀྱི་ཐབས་ཤེས་བཙལ་བའི་འགོ་ཚུགས་ཡོད་པ་གོར་མ་ཆགས།བོད་ཀྱི་གཏམ་དཔེ་ལ།ནད་ལ་སྔ་བ་མ་ཞུ་བ།སྨན་ལ་སྔ་བ་ཆུ་ཁོལ་མ་ཟེར་བ་ལྟར།ལོ་ངོ་ཁྲི་ཕྲག་མང་པོའི་རིང་ལ་བོད་མི་རྣམས་རང་བྱུང་ཁམས་ཀྱི་གནོད་འཚེ་དང་འཐབ་རྩོད་ཡུན་རིང་བྱས་ཏེ་རང་གི་ལུས་ལ་ཕན་བྱེད་ཀྱི་ཐབས་ཤེས་མང་པོ་ཞིག་བསགས་ཡོད་པ་ནི་ཆུ་སྐོལ་ཚ་མོས་མ་ཞུ་བའི་ནད་བཅོས་པ་དང་།རྨ་ཁ་ལ་མར་ཁུ་བླུགས་ནས་ཁྲག་གཅོད་པ་སོགས་ཀྱི་རིག་པ་དེ་དག་རེད། བོད་ཀྱི་གསོ་བ་རིག་པའི་གཞུང་ལུགས་དར་ནས་ད་ཕན་ལོ་ངོ་ཉིས་སྟོང་ལྔ་བརྒྱ་ལྷག་ཙམ་ཟིན་ཡོད་པ་ལོ་རྒྱུས་ཡོངས་གྲགས་ཞིག་རེད།ཡིན་ནའང་དེང་དུས་ནུབ་ཕྱོགས་རྒྱལ་ཁབ་རྣམས་སུ་བོད་ཀྱི་ཤེས་རིག་ཆེ་ཕྲ་མཐའ་དག་སངས་རྒྱས་ཆོས་ལུགས་དང་ལྷན་དུ་དར་བའི་འགོ་ཚུགས་པའི་སྐབས་འདིར།མི་ཉུང་ཤས་ཞིག་གིས་བོད་ཀྱི་གསོ་བ་རིག་པ་དེའང་སངས་རྒྱས་ཆོས་ལུགས་ནང་བཞིན་ཡུལ་གྲུ་གཞན་ཞིག་ནས་བྱུང་ཡོད་པར་སེམས་ཏེ།བོད་ཀྱི་གསོ་བ་རིག་པ་དེ་སྤྱི་ལོའི་དུས་རབས་བདུན་པའི་ནང་རྒྱ་གར་གྱི་ཨ་ཡུ་བན་ད་དང་།རྒྱ་ནག་གི་གསོ་རིག་བཅས་ལ་གཞི་བཟུང་ནས་དར་སྲོལ་བྱུང་བའི་གསོ་བ་རིག་པ་ཞིག་ཡིན་ཚུལ་གྱི་ལོག་བཤད་འགའ་ཞིག་མཐོང་བར་བརྟེན།ལོག་རྟོན་གི་མུན་པ་སེལ་བའི་སྒྲོན་མེ་ལྟ་བུའི་བོད་ཀྱི་གསོ་རིག་གི་ལོ་རྒྱུས་མདོར་བསྡུས་ཞིག་ངོ་སྤྲོད་ཞུ་བ་ལ། སྤྱིར་གནའ་བོའི་བོད་ཀྱི་ཤེས་རིག་ཐམས་ཅད་ཀྱི་འབྱུང་ཁུངས་སམ།ཐོག་མར་དར་སྲོལ་ཆེ་བའི་ཡུལ་ནི་ཞང་ཞུང་ཞེས་པ་དེང་དུས་མངའ་རིས་པུ་རངས་ཀྱི་ས་ཁུལ་འདིར་ཡིན་ཞིང་།བོད་ཀྱི་གནའ་བོའི་ཆོས་ལུགས་གདོད་མའི་བོན་ཆོས་ཞེས་པ་དེ་ཡང་གཙོ་བོར་ཡུལ་འདི་ནས་དར་སྲོལ་བྱུང་ཞིང་།བོན་གྱི་གཞུང་ལུགས་དག་ན་ལོ་ངོ་ཁྲི་ལྷག་གི་ལོ་རྒྱུས་ཡོད་པ་བཤད་སྲོལ་ཡོད་པ་རེད།ལྷག་པར་དུ་སྤྱི་ལོའི་སྔོན་གྱི༦༥༧པའི་ཤིང་བྱ་ལོར་ཞང་ཞུང་འོ་མོ་ལུང་རིང་ཞེས་པ་དེང་དུས་མངའ་རིས་པུ་རངས་ཀྱི་ཡུལ་ན་སྟོན་པ་གཤེན་རབ་མི་བོ་ཆེ་སྐུ་འཁྲུངས།སྐུ་ནར་སོན་པ་དང་རིག་གནས་སྤྱི་དང་བོན་ཆོས་ལ་མཁས་པར་ཆགས།བོད་ཀྱི་ཡུལ་འདིར་རྒྱལ་ཕྲན་མང་པོར་གྱེས་ནས་ཆགས་ཡོད་པ་ལ།དེ་དག་གི་སྲས་མོ་རྣམས་ཁབ་ཏུ་བཞེས་ནས་གཉེན་འབྲེལ་གྱི་མཐུན་ལམ་བྱས་ཏེ་ཕན་ཚུན་རྐུ་འཕྲོག་ཇག་གསུམ་གྱི་འཁྲུངས་པ་བསྡུམས།སྤྱི་ཚོགས་ཞི་བདེའི་མཐུན་རྐྱེན་ཇེ་ལེགས་སུ་ཕྱིན།ཕྱི་ནང་གི་ཆོས་ཐམས་ཅད་ལ་རིག་པ་བརྒྱ་ཕྲག་གིས་བརྟག་དཔྱད་གནང་སྟེ།དངོས་པོ་ཐམས་ཅད་ཀྱི་རྒྱུ་འབྱུང་བ་རིགས་བཞི་པོ་ཡོད་པ་དང་།དེའི་ནུས་པས་དངོས་པོ་ཐམས་ཅད་ལ་ཁྱབ་ཡོད་པར་ངོས་འཛིན་གནང་སྟེ།སྣོད་བཅུག་ཐམས་ཅད་འབྱུང་བའི་སྒོ་ང་ལས་བྱུང་ཚུལ་དང་།གསོ་བ་རིག་པ།འབྱུང་རྩིས།སྐར་རྩིས།གཞན་ཡང་མོ་ལུང་གཏོ་སེལ་སོགས་བསྟན་བཅོས་མང་པོ་བརྩམས་པས
བོད་ཀྱི་ཤེས་རིག་གི་ཚད་གཞི་ཇེ་མཐོ་དང་།ཁྱབ་རྒྱ་ཇེ་ཆེར་ཕྱིན་ཡོད་པ་རེད།