ཨ་རིའི་དུས་འབྲིང་འདེམས་བསྐོའི་ཧྥོ་ལུའོ་ལི་ཏེ་མངའ་སྡེའི་འདེམས་ཤོག་རྩིས་རྒྱག་ཡང་བསྐྱར་བྱ་རྒྱུ་ཡིན་པ།
སྤེལ་དུས 2018-11-13
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
ཨ་རིའི་རྒྱལ་ཚོགས་ཀྱི་དུས་འབྲིང་གི་འདེམས་བསྐོའི་འོས་མི་འགའ་ཤས་ཤིག་གི་འདེམས་ཤོག་ཐོབ་ཚད་ཧེ་བག་ཆུང་ཆུང་ཡིན་པའི་དབང་གིས་ཧྥོ་ལུའོ་ལེ་ཏེ་མངའ་སྡེའི་འདེམས་ཤོག་རྩིས་རྒྱག་ཡང་བསྐྱར་བྱེད་དགོས་པ་དང་། མཇུག་འབྲས་དེ་ནི་གཟའ་འཁོར་འགའ་ཤས་རིང་སྒུག་དགོས་ཀྱི་ཡོད་པ་རེད།
ཧྥོ་ལུའོ་ལི་ཏ་མངའ་སྡེའི་བྱ་དོན་བློན་ཆེན་ཏེ་ཙེ་ནཱ་ཡིས་ཡང་བསྐྱར་རྩིས་རྒྱག་བྱ་རྒྱུའི་གཏན་འཁེལ་བྱས་པ་དང་། དེའི་རྒྱུ་མཚན་ནི་རྒྱལ་ཕྲན་མཉམ་འབྲེལ་གྲོས་ཚོགས་སྟོད་པའི་གྲོས་མིའི་འདེམས་བསྐོའི་ཁྲོད་དུ་སྤྱི་མཐུན་ཏང་གི་འོས་མི་ལི་ཁེ་སི་ཁོ་ཐེའི་འདེམས་ཤོག་ཐོབ་ཚད་དེ་དམངས་གཙོ་ཏང་གི་འགྲན་ཡ་པིར་ནཱར་ཞུན་ལས་བརྒྱ་ཆ་0.15ལས་མང་བ་མེད་པ་དང་། དེ་མིན་རྒྱལ་ཚོགས་ཀྱི་གྲོས་མིའི་འདེམས་བསྐོ་ཕུད། མངའ་སྡེའི་འགོ་འཛིན་གྱི་འདེམས་བསྐོའི་ཁྲོད་དུ་སྤྱི་མཐུན་ཏང་གི་འོས་མི་ལུའོ་ཨེན་ཏེ་སང་ཏི་སིའི་འདེམས་ཤོག་དེ་དམངས་གཙོ་ཏང་གི་འགྲན་ཡ་ཨན་ཏེ་ལུའུ་ ཅེ་ལེ་མུའུ་ལས་བརྒྱ་ཆ་0.41ལས་མང་བ་མེད་པའི་དབང་གིས་ཡིན་པ་རེད།
ཏེ་ཙེ་ནཱ་ཡིས། འཕྲུལ་ཆས་ཀྱིས་འདེམས་ཤོག་རྩིས་རྒྱག་ཡང་བསྐྱར་བྱས་འབྲས་དེ་སྤྱི་ཚེས་༡༥ཉིན་གྱི་ཕྱི་དྲོའི་ཆུ་ཚོད་༣པའི་གོང་དུ་ཐོན་རྒྱུ་ཡིན་ཞེས་གསུངས་པ་རེད།