ཨ་ཤེ་ཡ་ཤར་ལྷོའི་མནའ་འབྲེལ་གྱི་དབུ་ཚོགས་སྐབས་སོ་གསུམ་པ་སིང་ཀ་ཕོར་དུ་འགོ་ཚུགས་པ།
སྤེལ་དུས 2018-11-14
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
སྤྱི་ཚེས་༡༣ཉིན་ཨ་ཤེ་ཡ་ཤར་ལྷོའི་མནའ་འབྲེལ་གྱི་དབུ་ཚོགས་སྐབས་སོ་གསུམ་པ་སིང་ཀ་ཕོར་དུ་འགོ་ཚུགས་པ་དང་། ཚོགས་ཞུགས་རྒྱལ་ཁབ་ཁག་གི་དབུ་ཁྲིད་མི་སྣས་མཉེན་ཤུགས་དང་གསར་གཏོད་ཀྱི་བརྗོད་བྱ་གཙོ་བོ་བྱས་ཤིང་། ཕྱོགས་མང་རིང་ལུགས་མཉམ་ལས་ཀྱི་སྒྲོམ་གཞིའི་འོག་ཨ་ཤེ་ཡ་ཤར་ལྷོའི་མནའ་འབྲེལ་གཞི་གཅིག་ཅན་དུ་འགྱུར་རྒྱུ་དང་ཐུན་མོང་མ་ལག་འཛུགས་སྐྲུན་བྱེད་རྒྱུར་སྔར་བས་སྐུལ་འདེད་གཏོང་ཡུལ་འཚོལ་བཞིན་ཡོད་པ་རེད།
ད་ལོ་ཨ་ཤེ་ཡ་ཤར་ལྷོའི་མནའ་འབྲེལ་གྱི་རེ་སྐོར་ཀྲུའུ་ཞིའི་རྒྱལ་ཁབ་སིང་ཀ་ཕོར་གྱི་ཙུང་ལི་ལི་ཞན་ལུང་གིས་འགོ་ཚུགས་མཛད་སྒོའི་ཐོག་ཏུ་གསུང་བཤད་གནང་བ་རེད། སིང་ཀ་ཕོར་གྱི་ཙུང་ལིའི་གཞུང་ལས་ཁང་གི་སྤེལ་བའི་གསལ་བསྒྲགས་ལ་གཞིགས་ན། ཚོགས་ཞུགས་ཨ་ཤེ་ཡ་ཤར་ལྷོའི་མནའ་འབྲེལ་རྒྱལ་ཁབ་ཁག་གི་དབུ་ཁྲིད་མི་སྣས་དབུ་ཚོགས་རིང་ཨ་ཤེ་ཡ་ཤར་ལྷོའི་མནའ་འབྲེལ་གྱིས་ས་ཁུལ་གྱི་མཉེན་ཤུགས་དང་གསར་གཏོད་ལ་ཐོབ་པའི་གྲུབ་འབྲས་ལ་ཤུགས་སྣོན་རྒྱག་རྒྱུའི་འཕེལ་རིམ་རབ་དང་རིམ་པར་དམིགས་ཏེ་ཞིབ་བརྟག་བྱེད་རྒྱུ་མ་ཟད། གང་འདྲ་བྱས་ནས་ས་ཁོངས་ཆབ་སྲིད་དང་དཔལ་འབྱོར་ཁོར་ཡུག་ཁྲོད་དུ་ཐོན་ཞིང་ངོ་བོ་འགྱུར་བའི་རྒྱབ་ལྗོངས་འོག་ཨ་ཤེ་ཡ་ཤར་ལྷོའི་མནའ་འབྲེལ་གོང་འཕེལ་ཡོང་བར་སྐུལ་འདེད་གང་འདྲ་གཏོང་མིན་ཐད་བགྲོ་གླེང་བྱས་ཡོད་པ་རེད།