ཕུ་ཅིང་དང་ནཱ་ཐ་ཉི་ཡ་ཧུས་སི་རི་ཡའི་གནས་བབ་ཐད་ཞལ་པར་སྐྱོན་རེས་གནང་བ།
སྤེལ་དུས 2019-01-07
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
སྤྱི་ཚེས་༤ཉིན་ཨུ་རུ་སུའི་ཙུང་ཐུང་ཕུ་ཅིང་དང་དབྱི་སི་རལ་གྱི་ཙུང་ལི་ནཱ་ཐ་ཉི་ཡ་ཧུས་ཞལ་པར་སྐྱོན་རེས་གནང་སྟེ། སི་རི་ཡའི་གནས་བབ་ཐད་ལ་བགྲོ་གླེང་གནང་བ་རེད། ཁེ་ལི་མའུ་ལིན་ཕོ་བྲང་གི་གཞུང་ཕྱོགས་དྲ་ཚིགས་ཐོག་ཏུ་སྤྱི་ཚེས་༤ཉིན་གནས་ཚུལ་སྤེལ་ནས། ཕུ་ཅིང་གིས་ཉིན་དེར་ཞལ་ཆད་ལྟར་ནཱ་ཐ་ཉི་ཡའི་ཧུ་དང་ཞལ་པར་སྐྱོན་རེས་གནང་ཡོད་ཅེས་འཁོད་ཡོད། ཨ་རིས་སི་རི་ཡ་ནས་དམག་མི་ཕྱིར་འཐེན་བྱེད་རྒྱུ་ཁྱབ་བསྒྲགས་བྱས་པའི་གནས་ཚུལ་འོག་ལ་ཁོང་གཉིས་ནས་སི་རི་ཡའི་དུས་བབ་ཀྱི་གོང་འཕེལ་ཐད་ལ་བགྲོ་གླེང་གནང་ཡོད་པ་རེད། ཕྱོགས་གཉིས་པོས་དགོས་ངེས་ཀྱི་སྐབས་སུ་འཇིགས་སྐུལ་རིང་ལུགས་རྦད་དེ་མེད་པ་བཟོ་རྒྱུ་མ་ཟད་ཆབ་སྲིད་ཀྱིས་སི་རི་ཡའི་གནད་དོན་ཐག་གཅོད་བྱེད་རྒྱུར་གང་མགྱོགས་སྐུལ་འདེད་གཏོང་རྒྱུ་དང་། དམག་དོན་དང་ཕྱི་འབྲེལ་གྱིས་ཐབས་ལམ་བརྒྱུད་དེ་མཐུན་སྦྱོར་ལ་ཤུགས་སྣོན་རྒྱག་རྒྱུ་ཡིན་ཞེས་ནན་བཤད་བྱས་ཡོད་པ་རེད།