སུའུ་ཏན་ཏའར་ཧྥུའར་དུ་བསྐྱོད་པའི་ཀྲུང་གོའི་ཞི་སྲུང་སྐྱོང་ཐད་འཕུར་གནམ་གྲུའི་ཡན་ལག་རུ་ཁག་གིས་སྤྱི་ལོ་༢༠༡༩ལོའི་ཐོག་མའི་འཕུར་སྐྱོད་ལས་འགན་ལེགས་བསྒྲུབས་བྱུང་བ།
སྤེལ་དུས 2019-01-07
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
ས་གནས་འདི་གའི་སྤྱི་ཟླ་དང་པོའི་ཚེས་༣ཉིན། སུའུ་ཏན་ཏའར་ཧྥུའར་དུ་སྐྱོད་པའི་ཀྲུང་གོའི་ཞི་སྲུང་སྐྱོང་ཐད་འཕུར་གནམ་གྲུའི་ཡན་ལག་རུ་ཁག་ཁག་གཉིས་པས་གནམ་གཤིས་ངན་པ་ཁྱད་བསད་བྱས་ནས། སྤྱི་ལོ་༢༠༡༩ལོའི་ཐོག་མའི་འཕུར་སྐྱོད་ལས་འགན་ལེགས་བསྒྲུབས་བྱས་ཡོད།
ཤེས་རྟོགས་བྱས་པར་གཞིགས་ན། སུའུ་ཏན་ཏའར་ཧྥུའར་དུ་དུ་སྐྱོད་པའི་ཀྲུང་གོའི་ཞི་སྲུང་ཐུད་འཕུར་གནམ་གྲུའི་ཡན་ལག་རུ་ཁག་གིས་སྐམ་དམག་གི་ཚོགས་པའི་དམག་ཨང་༨༡པའི་སྐམ་དམག་མཁའ་སྐྱོད་དམག་གི་ལུའེ་ཤོག་ག་གེ་མོས་བསྐྱར་འཛུགས་ལ་བརྟེན་ནས། བརྗེ་སྒྱུར་བཀོད་སྒྲིག་ཟླ་བ་བཞི་བྱས་ཚུན། སྔ་རྗེས་སུ་མའེ་ལ་ཧྲན་རི་བོའི་འཕུར་མི་ཆོག་པའི་ཁུལ་དུ་རོགས་སྐྱོབ་དང་། རྨས་མ་ཛ་དྲག་སྨན་བཅོས་བྱས་པར་སྐྱེལ་བ། རྫས་མདེལ་ཉེན་ཁའི་དངོས་ཟོག་སྐྱེན་འདྲེན་སོགས་དཀའ་གནད་ཆེ་བ་དང་ཉེན་ཁ་ཆེ་བའི་ལས་འགན་ལེགས་བསྒྲུབས་བྱས་པ་དང་། ཁྱོན་བསྡོམས་འཕུར་བསྐྱོད་ཆུ་ཚོད་༣༢༠ལྷག་བྱས་པ་དང་། མི་༡༡༠༠ལྷག་བསྐྱེལ་བ། དངོས་ཟོག་ལྗིད་ཚད་ཏུན་༡༢༠ཡོད་པས། ཏའར་ཧྥུའར་བཅའ་སྡོད་མཉམ་འབྲེལ་རྒྱལ་ཚོགས་དང་ཨ་ཧྥི་རི་ཁ་གླིང་མནའ་འབྲེལ་གྱིས། མཁའ་ཐོག་གི་མེད་དུ་མེད་རུང་བའི་སྟོབས་ཤུགས་ཞེས་པའི་མཚན་སྙན་སྤྲད་ཡོད།