ཕ་ལེ་སི་ཐན་གྱི་དཔོན་རིགས་ཀྱིས་ཨ་རི་ཕྱོགས་གཅིག་པུས་དབྱི་སི་རལ་དང་ཞི་བདེའི་གྲོས་ཆོད་ལ་གྲོས་འཆམ་ཡོང་ཐབས་བྱེད་པའི་དམིགས་ཡུལ་དང་ལེན་བྱེད་རྒྱུ་མིན་ཞེས་བརྗོད་ཡོད།
སྤེལ་དུས 2019-01-18
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཚེ་རིང་གིས་བསྒྲིགས།
ཕ་ལེ་སི་ཐན་གྱི་ཙུང་ཐུང་གི་བློ་འདྲི་ཡུལ་ན་པི་ལེ་ཧྲ་ཨ་སི་ཡིས་སྤྱི་ཚེས་༡༧ཉིན། ཨ་རིའི་སྲིད་གཞུང་གིས་ཕ་ལེ་སི་ཐན་དང་དབྱི་སི་རལ་གྱི་ཞི་བདེ་འཕེལ་རིམ་ཁྲོད་ཕྱོགས་གཅིག་ཁོ་ན་ཡིས་དབྱི་སི་རལ་ཕྱོགས་དང་གྲོས་ཆོད་ལ་གྲོས་འཆམ་ཡོང་རྒྱུའི་དམིགས་ཡུལ་གང་རུང་འཛིན་པ་ཕ་ལེ་སི་ཐན་ཕྱོགས་ཀྱིས་དང་ལེན་མི་བྱེད་ཅེས་ནན་སྟོན་བྱས་ཡོད་པ་རེད།
ཕ་ལེ་སི་ཐན་ཕྱི་འབྲེལ་པུའུ་ཡིས་ཉིན་གཅིག་པར་གསལ་བསྒྲགས་སྤེལ་ཏེ། དབྱི་སི་རལ་ལ་ཉེ་སྐྱོར་ཕྱོགས་ལྷུང་བྱེད་བཞིན་པའི་གནས་ཚུལ་འོག ཨ་རིས་ཕ་ལེ་སི་ཐན་དང་དབྱི་སི་རལ་གྱི་ཞི་བདེ་འཕེལ་རིམ་ཁྲོད་དུ་བྱས་རྗེས་འཇོག་རྒྱུ་ནི་དོན་དངོས་དང་མི་མཐུན་པ་ཞིག་ཡིན་ལ། ཨ་རི་ཕྱོགས་ཀྱིས་ཞི་བདེའི་རྨང་གཞི་ལ་གཏོར་བརླག་གཏོང་བའི་གཏན་འབེབས་ཕྱིར་འཐེན་བྱས་ན་མ་གཏོགས། ཨ་རི་ཕྱོགས་ཀྱིས་ཕ་ལེ་སི་ཐན་དང་དབྱི་སི་རལ་བར་གྱི་རྩོད་གཞི་ཐག་གཅོད་ཆེད་བཏོན་པའི་གྲོས་གཞི་ཡོད་ཚད་ལ་ཕ་ལེ་སི་ཐན་ཕྱོགས་ཀྱིས་ཁ་ཡ་བྱེད་རྒྱུ་མིན་ཞེས་བསྟན་ཡོད་པ་རེད།