ཨེ་ཅིབ་དང་ཧྥ་རན་སིའི་མཉམ་འབྲེལ་མཚོ་དམག་གི་དམག་དོན་སྦྱོང་བརྡར་མཇུག་སྒྲིལ།
སྤེལ་དུས 2019-03-08
ཡོང་ཁུངས། མཚོ་སྔོན་བོད་སྐད་རླུང་འཕྲིན།
རྩོམ་པ་པོ།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨེ་ཅིབ་དམག་ཕྱོགས་ཀྱི་མགྲིན་ཚབ་པས་ཚེས་བདུན་ཉིན་གསལ་སྒྲོག་སྤེལ་ཏེ། ཨེ་ཅིབ་དང་ཧྥ་རན་སིའི་མཚོ་དམག་གིས་ཉིན་དེར་ཨེ་ཅིབ་ཀྱི་མཚོ་དམར་དང་ས་དཀྱིལ་མཚོ་ཁོངས་ནས་སྤེལ་བའི་མཉམ་འབྲེལ་དམག་དོན་སྦྱོང་བརྡར་མཇུག་སྒྲིལ་ཟེར།
གསལ་སྒྲོག་ལས་བཤད་རྒྱུར། ཨེ་ཅིབ་མཚོ་དམག་གི་ནུབ་བྱང་གི་རླུང་ཞེས་པའི་ཆུ་སྐམ་གཉིས་བཀོལ་གྱི་དཔུང་འཇུག་གྲུ་གཟིངས་ཨན་ཝ་ཨར་སཱ་ཏཱ་ཐི་རྟགས་ཅན་དང་། ཅཱ་མེད་ལེ་ཨ་པུའུ་ཏུའུ་ལེ་ནཱ་སེ་ཨར་རྟགས་ཅན། ཉེན་སྲུང་གྲུ་གཟིངས་དང་འཕུར་མདའི་གྲུ་གཟིངས་འགའ། ཧྥ་རན་སིའི་མཚོ་དམག་གི་གློག་ཞག་རྟགས་ཅན་གྱི་ཆུ་སྐམ་གཉིས་བཀོལ་གྱི་དཔུང་འཇུག་གྲུ་གཟིངས་སོགས་ཐེངས་འདིའི་དམག་དོན་སྦྱོང་བརྡར་ལ་ཞུགས།
མཚོ་དམག་ལས་གཞན་རྒྱལ་ཁབ་གཉིས་ཀྱི་མཚོ་དམག་གི་དམིགས་བསལ་དམག་དཔུང་ཡང་སྦྱོང་བརྡར་ལ་ཞུགས་ཡོད་པ་རེད།
ཨེ་ཅིབ་དམག་ཕྱོགས་ཀྱི་མགྲིན་ཚབ་པས་ཚེས་བདུན་ཉིན་གསལ་སྒྲོག་གཞན་ཞིག་ལས་བཤད་རྒྱུར། ཨེ་ཅིབ་དང་དབྱིན་ཇིའི་དམག་དཔུང་གིས་ཉིན་དེར་ཨེ་ཅིབ་བྱང་ཕྱོགས་ཀྱི་ཡཱ་ལི་ཧྲན་ཏཱ་མུའུ་ཧན་མའོ་ཏི་ནཱ་ཅི་པུའུ་དམག་དོན་རྟེན་གཞི་ནས་ཡཱ་ཧི་མའོ་སི་ཞེས་པའི་མཉམ་འབྲེལ་དམག་དོན་སྦྱོང་བརྡར་སྤེལ་མགོ་བརྩམས་ཟེར།
གསལ་སྒྲོག་ལས་བཤད་རྒྱུར། མཉམ་འབྲེལ་དམག་དོན་སྦྱོང་བརྡར་གྱི་ནང་དོ་ལ་འཇིགས་སྐུལ་ལ་ངོ་རྒོལ་བྱེད་པའི་སྦྱོང་བརྡར་དང་གྲོང་ཁྱེར་གྱི་འཐབ་འཁྲུག་འདུས་ཟེར། དམག་དོན་སྦྱོང་བརྡར་ལ་ཞུགས་པའི་དབྱིན་ཇིའི་མི་སྣ་དང་སྒྲིག་ཆས་འདས་པའི་ཉིན་འགའི་ནང་བསྟུད་མར་ཨེ་ཅིབ་ཀྱི་མཁའ་དམག་རྟེན་གཞི་དང་གྲུ་ཁར་འབྱོར་ཡོད་ཟེར།
རྩོམ་སྒྲིག་པ། སངས་སྐྱབས།