ཐུར་ཁེའི་ཁེ་ལས་ཧ་ལམ་བརྒྱ་ཙམ་སྐབས་གཉིས་པའི་ཀྲུང་གོའི་རྒྱལ་སྤྱིའི་ནང་འདྲེན་དངོས་མང་འགྲེམས་ཚོགས་ལ་ཞུགས་རྒྱུ་ཡིན་པ།
སྤེལ་དུས 2019-03-20
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སྐྱིད་པོ།
ཐུར་ཁེའི་ཕྱིར་གཏོང་ཚོང་པའི་ཚོགས་ཆེན་གྱིས་སྤྱི་ཚེས་༡༩ཉིན་སྔོན་དཔག་བྱས་པར། ཐུར་ཁེའི་ཁེ་ལས་ཧ་ལམ་བརྒྱ་ཙམ་ད་ལོ་ཧྲང་ཧེའི་རུ་གཉེར་རྒྱུའི་སྐབས་གཉིས་པའི་ཀྲུང་གོའི་རྒྱལ་སྤྱིའི་ནང་འདྲེན་དངོས་མང་འགྲེམས་ཚོགས་ལ་ཞུགས་རྒྱུ་ཡིན་པ་རེད།
ཐུར་ཁེའི་ཕྱིར་གཏོང་ཚོང་པའི་ཚོགས་ཆེན་གྱི་ཀྲུའུ་ཞི་ཅུས་ཨར་ལེའི་ཡིས། ཐུར་ཁེའི་ཁེ་ལས་༣༨སྐབས་དང་པོའི་ཀྲུང་གོའི་རྒྱལ་སྤྱིའི་ནང་འདྲེན་འགྲེམས་ཚོགས་ལ་ཞུགས་པ་དང་། རིན་ཐང་ཨ་སྒོར་དུང་ཕྱུར་༦དང་བྱེ་བ་༢ཟིན་པའི་གྲོས་མཐུན་བཞག་ཡོད་ཅེས་གསུངས་ཡོད། ཁོང་གིས། ཐུར་ཁེའི་ཕྱིར་གཏོང་ཚོང་པས་ཀྲུང་གོའི་ཟམ་མི་ཆད་པར་རྒྱ་ཆེར་འགྲོ་བའི་ནང་འདྲེན་ཁྲོད་ནས་བཅད་གྲངས་ཐོབ་རེ་བྱེད་ཀྱི་ཡོད་ཅེས་གསུངས་ཡོད།
གཞན་ཡང་། དབྱི་སི་ཐན་པུར་གྱི་རྫས་འགྱུར་རིག་པའི་དངོས་རྫས་དང་རྗས་འགྱུར་རིག་པའི་ཐོན་རྫས་ཕྱིར་གཏོང་ཚོང་པའི་མཐུན་ཚོགས་ཀྱི་ལས་འཛིན་ལྷན་ཚོགས་ཀྱི་ཀྲུའུ་ཞི་ཕེ་ལི་སི་ཐེས་ཟུར་གསལ་གནང་བར། སྐབས་གཉིས་པའི་ནང་འདྲེན་དངོས་མང་འགྲེམས་ཚོགས་ཐོག ཐུར་ཁེའི་ཁེ་ལས་འགྲེམས་སྟོན་ནང་ཞུགས་རྒྱུའི་རྒྱ་ཁྱོན་ཧ་ལམ་སྤྱི་ལེ་ངོས་སྙོམས་གྲུ་བཞི་མ་༤༠༠༠ཟིན་རྒྱུ་དང་། སྐབས་དང་པོའི་ལྡབ་༥ཡིན་པ་དང་ཟ་རིགས་དང་སྨན་བཅོས་སྒྲིག་ཆས་སོགས་ཀྱི་ཐོན་རྫས་འགྲེམས་སྟོན་བྱེད་རྒྱུ་ཡིན་པ་རེད།