ལི་པི་ཡའི་རྒྱལ་སའི་མི་སེར་ཁུལ་དུ་སླར་ཡང་འཇབ་རྒོལ་ཕོག་པ།
སྤེལ་དུས 2019-04-22
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཟླ་བ་ཚེ་རིང་།
ཤིན་ཧྭ་གསར་འགྱུར་ཁང་ནས་སྤེལ་བའི་གནས་ཚུལ། སྤྱི་ཚེས་༡༦ཉིན་མཐུད་ལི་པི་ཡའི་རྒྱལ་ས་ཏི་ལི་པོ་ལིའི་མི་སེར་ཁུལ་ལ་འཇབ་རྒོལ་ཕོགས་རྗེས་སྤྱི་ཚེས་༡༨ཉིན་སླར་ཡང་མི་སེར་ཁུལ་དུ་འཇབ་རྒོལ་ཕོགས་པ་རེད། མཉམ་འབྲེལ་རྒྱལ་ཚོགས་ནས་ལི་པི་ཡ་མི་ཆོས་རིང་ལུགས་ཀྱི་ཉེན་ཁའི་གནས་སུ་ལྷུང་ཡོད་ཅེས་བསྟན་པ་རེད། སྤྱི་ཚེས་༡༨ཉིན་འཇབ་རྒོལ་ཕོགས་ས་དེ་ནི་ཏི་ལི་ཕི་ལིའི་ལྷོ་ནུབ་རྒྱུད་ཀྱི་གྲོང་མིའི་ཁུལ་ཞིག་ཏུ་ཡིན་པ་དང་། འདི་ནས་ཏི་ལི་ཕི་ལི་གྲོང་ཁྱེར་གྱི་ལྟེ་བའི་བར་སྤྱི་ལེ་༢༠ཡོད། ལི་པི་ཡའི་མི་རིགས་མཐུན་སྒྲིལ་སྲིད་གཞུང་དང་རྒྱལ་དམངས་དམག་ཚང་མས་འཇབ་རྒོལ་དེ་བཟོས་པའི་ཁས་ལེན་བྱས་མེད་པ་རེད། ཉེན་ཁ་ལས་གཡོལ་ཆེད་དུ་དེ་གའི་མང་ཚོགས་རྣམས་ཁྱིམ་མི་འཁྲིད་དེ་ཡུལ་གྱར་མི་བྱེད་དཀའ་མེད་དུ་གྱུར་ཡོད་པ་རེད།
རྩོམ་སྒྲིག་པ། སངས་སྐྱབས།