ཧྥ་རན་སིའི་རྒྱལ་སྟོན་དུས་ཆེན་གྱི་དམག་གཟིགས་མཛད་སྒོ་དེ་ཧྥ་རི་སིར་འཚོགས་པ།
སྤེལ་དུས 2019-07-15
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཟླ་བ་ཚེ་རིང་།
སྤྱི་ཚེས་༡༤ཉིན་ལོ་གཅིག་དུས་གཅིག་གི་ཧྥ་རན་སིའི་རྒྱལ་སྟོན་དུས་ཆེན་གྱི་དམག་གཟིགས་མཛད་སྒོ་དེ་ཧྥ་རི་སིར་སྐོང་འཚོགས་བྱས་པ་དང་། ཧྥ་རན་སིའི་ཙུང་ཐུང་མ་ཁེ་ལུང་གིས་ཤང་ཧྲེ་ལིའི་སྲང་ལམ་ཆེན་མོའི་ཐོག་ཏུ་དམག་དཔུང་ལ་གཟིགས་ཞིབ་གནང་བ་མ་ཟད། ཡོ་རོབ་གླིང་གི་རྒྱལ་ཁབ་བཅུ་ལྷག་གི་འགོ་ཁྲིད་མི་སྣ་གཟིགས་ཞིབ་ནང་ཞུགས་རྒྱུར་གདན་འདྲེན་ཞུས་ཡོད་པ་རེད། ཧྥ་རན་སིའི་ད་ཐེངས་ཀྱི་དམག་གཟིགས་མཛད་སྒོའི་ཐོག་གི་སྔོན་ཐོན་གོ་མཚོན་སྒྲིག་ཆས་ལ་ཕྱོགས་ཁག་གིས་དོ་ཁུར་ཆེན་པོ་བྱེད་བཞིན་ཡོད་པ་རེད།
དམག་གཟིགས་མཛད་སྒོ་འགོ་ཚུགས་མ་ཐག་ཧྥ་རན་སིས་སྔོན་ཐོན་ཚན་རྩལ་གོ་མཚོན་མི་ཉུང་བ་ཞིག་སྟོན་ཡོད་པ་རེད། དེའི་ནང་ངར་ལྕགས་དཔའ་བོ་དང་འདྲ་བའི་འཕུར་མིའི་འཁྲབ་སྟོན་ནི་སྐད་གྲགས་ཆེ་ཤོས་སུ་གྱུར་ཡོད། ཧྥ་རན་སིའི་རླང་འབུད་འཁྱག་ཤུར་གྱི་འཛམ་གླིང་གསེར་གྱི་རྟགས་མ་ལེན་མཁན་བཀྲ་ཕ་ཐ་ཡིས་ལག་ཏུ་རིང་མདའ་འཁྱེར་ནས་རང་གིས་གསར་གཏོད་བྱས་པའི་འཕུར་ཆས་ཐོག་ཏུ་བསྡད་དེ་དམག་གཟིགས་མཛད་སྒོའི་གཟིགས་སྟེགས་ཀྱི་མཁའ་དབྱིངས་ཀྱི་སྨི་བཅུའི་སར་འཕུར་བཞིན་ཡོད་པ་རེད། ཧྥ་རན་སིའི་རྒྱལ་སྲུང་པུའི་དཔོན་རིགས་ཀྱིས་སྨྱན་སྦྱོར་ལས་ཁུངས་ལ་གཤོག་འཁྱིལ་འཕྲུལ་འཁོར་ཆུང་གྲས་འདི་རིགས་འབྱུང་འགྱུར་ཧྥ་རན་སིའི་དམིགས་བསལ་དཔུང་སྡེས་བེད་སྤྱོད་བྱ་བཟོ་ཡོད་ཅེས་གསུངས་པ་རེད།
རྩོམ་སྒྲིག་པ། སངས་སྐྱབས།