རྒྱ་གར་དུ་ཚ་བས་མི་137རྐྱེན་ལམ་དུ་ཤོར་བ།
སྤེལ་དུས 2019-07-23
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཉེ་བའི་ཉིན་ཤས་བསྟུད་མར་རྒྱ་གར་གྱི་ས་ཆ་མང་པོར་ཚ་བ་ཤིན་ཏུ་ཆེ་བའི་གནམ་གཤིས་བྱུང་བ་དང་། པེས་ཧར་མངའ་སྡེ་སོགས་ས་ཆ་ཁག་ཅིག་གི་དྲོད་ཚད་ཧྲེ་ཧྲི་ཏུའུ་50ལས་བརྒལ་ནས་དབྱར་ཁ་ཤར་ཚུན་གྱི་ཚ་བ་ཆེ་ཤོས་ཀྱི་དུས་སུ་སླེབས་ཡོད་པ་དང་། ཚ་བ་ཡིས་ཉུང་མཐར་ཡང་མི་137རྐྱེན་ལམ་དུ་ཤོར་ཡོད།
ཉེ་བའི་ཉིན་ཤས་རིང་། རྒྱ་གར་གྱི་རྒྱལ་ས་རྡི་ལི་གསར་པའི་དྲོད་ཚད་མཐོ་ཤོས་48℃ཟིན་པ་དང་། རྡི་ལི་ཡི་ཟླ་དྲུག་པའི་དྲོད་ཚད་མཐོ་ཤོས་ཀྱི་ཟིན་ཐོ་བཏོད་ཡོད།
ཨ་རིའི་མ་ཧྲེང་རང་བྱུང་རིག་པ་དང་བཟོ་སྐྲུན་རིག་པའི་སློབ་གླིང་གི་གནམ་གཤིས་རིག་པའི་མཁས་པའི་ཞིབ་འཇུག་འབྲས་བུ་ལྟར་ན། མིག་སྔའི་འཕེལ་ཕྱོགས་འོག རྒྱ་གར་ཅའོ་ཏ་ན་ཀེ་པུར་མཐོ་སྒང་དང་བྱང་ཤར་ས་ཁུལ་ཁག་ཅིག་གི་དྲོད་ཚད་དེ་མིའི་རིགས་ཀྱིས་བཟོད་མི་ཐུབ་པའི་ཚད་དུ་སླེབས་ནས་མི་འབོར་འདུས་ཚད་ཆེ་ཞིང་། དཔལ་འབྱོར་དར་རྒྱས་མེད་པ་དང་། ཉ་ལས་དང་ཞིང་ལས་ལ་བརྟེན་པའི་ཉམས་ཞན་ས་ཁུལ་དག་ལ་ཐོག་མར་ཚ་བའི་གནོད་འཚེ་ཕོག་སྲིད་པ་རེད།
རྩོམ་སྒྲིག་པ། སངས་སྐྱབས།