དབྱིན་ཇིའི་དབུ་བཞུགས་བློན་ཆེན་གསར་པས་དངོས་སུ་འགན་གནས་བཞེས་པ།
སྤེལ་དུས 2019-07-25
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། ཟླ་བ་ཚེ་རིང་།
སྤྱི་ཚེས་༢༤ཉིན། དབྱིན་ཇིའི་སྲིད་འཛིན་ཏང་སྲུང་འཛིན་ཏང་གི་འགོ་འཛིན་ཡུའེ་ཧན་ཤུན་གྱིས་དངོས་སུ་དབྱིན་ཇིའི་དབུ་བཞུགས་བློན་ཆེན་གྱི་འགན་གནས་བཞེས་པ་རེད།
ཉིན་དེར་ཕོ་བྲང་པའེ་ཅིན་ཧན་དུ་ཐ་ལེ་ཧྲ་མེར་གྱིས་གོམས་སྲོལ་ལྟར་རྒྱལ་མོ་དབྱི་ལི་ཧྲ་པའེ་སྐུ་ཐོག་གཉིས་པར་དགོངས་ཞུའི་ཡི་གེ་ཕུལ་བ་མ་ཟད་དེར་ཆོག་མཆན་ཐོབ་ནས་དབྱིན་ཇིའི་དབུ་བཞུགས་བློན་ཆེན་ནས་དགོངས་ཞུ་གནང་བ་རེད། དེ་རྗེས་ཡུའེ་ཧན་ཤུན་གྱིས་རྒྱལ་མོ་དབྱི་ལི་ཧྲ་པའེ་སྐུ་ཐོག་གཉིས་པས་སྐབས་གསར་པའི་ནང་བློན་ཁང་བསྐྱར་འཛུགས་བྱེད་རྒྱུའི་དབང་ཆ་སྤྲད་པ་དང་ལེན་གནང་བ་དང་། དབྱིན་ཇིའི་དབུ་བཞུགས་བློན་ཆེན་གྱི་འགན་གནས་དངོས་སུ་བཞེས་ཡོད།
རྩོམ་སྒྲིག་པ། སངས་སྐྱབས།