ཀྲུང་གོ་དང་། ལོ་སི། འབར་མ། ཐེ་ལན་བཅས་ཀྱིས་མེ་ཀུང་གཙང་པོར་ལོ་གསར་པའི་མཉམ་འབྲེལ་སྐོར་གཡེང་ཁྲིམས་འཛིན་ཐེངས་དང་པོ་བྱས་པ།
སྤེལ་དུས 2020-01-19
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
ཚེས་16ཉིན་གྱི་སྔ་དྲོའི་ཆུ་ཚོད་9པར། ཁྲིམས་འཛིན་གྲུ་གཟིངས་3ཀྲུང་གོའི་ཤིས་ཧྲོང་པན་ནའི་ཅིན་ཧ་གྲུ་ཁ་ནས་ཐོན་འགོ་ཚུགས་པ་དེ་ཐོག་ནས་ཀྲུང་གོ་དང་། ལོ་སི། འབར་མ། ཐེ་ལན་བཅས་རྒྱལ་ཁབ་བཞིས་2020ལོའི་མཉམ་འབྲེལ་སྐོར་གཡེང་ཁྲིམས་འཛིན་ཐེངས་དང་པོ་དངོས་སུ་བྱེད་འགོ་ཚུགས་པ་མཚོན་ཡོད།
ཡུན་ནན་ཞིང་ཆེན་སྤྱི་བདེ་ཐིང་ཆུ་ཐོག་སྐོར་གཡེང་སྤྱི་ཁྱབ་རུ་ཁག་གི་འགན་འཁུར་བས་ངོ་སྤྲོད་བྱས་དོན། ད་རེས་ཀྱི་བྱ་སྤྱོད་མ་སྤེལ་གོང་རྒྱལ་ཁབ་བཞིའི་ཁྲིམས་འཛིན་སྡེ་ཚན་གྱིས་ཀྲུང་གོའི་ཁུན་མིང་དུ་2019ལོའི་ལོ་འཁོར་གྱི་ཀྲུང་གོ་དང་། ལོ་སི། འབར་མ། ཐེ་ལན་བཅས་ཀྱི་མེ་ཀུང་གཙང་པོའི་མཉམ་འབྲེལ་སྐོར་གཡེང་ཁྲིམས་འཛིན་བཀོད་འདོམས་པུའི་ལས་དོན་ཚོགས་འདུ་འཚོགས་ནས་2019ལོར་མེ་ཀུང་གཙང་པོར་མཉམ་འབྲེལ་སྐོར་གཡེང་ཁྲིམས་འཛིན་བྱས་པར་ཐོབ་པའི་གཡུར་ཟའི་གྲུབ་འབྲས་ལ་ཐུན་མོང་ཐོག་ཕྱིར་དྲན་དང་ཕྱོགས་སྡོམ་བྱས་པ་དང་། 2020ལོའི་རྒྱལ་ཁབ་བཞིའི་མཉམ་འབྲེལ་ཁྲིམས་འཛིན་མཉམ་ལས་ནང་དོན་ཐད་གྲོས་བསྡུར་གཏིང་ཟབ་བྱས་པ་མ་ཟད། མེ་ཀུང་གཙང་པོ་རྒྱུག་ཁོངས་སུ་ཁྲིམས་འཛིན་མཉམ་ལས་ཀྱི་རྣམ་པ་གསར་པ་གཏོད་པ་དང་། རྫ་ཆུ་དང་མེ་ཀུང་གཙང་པོའི་ཁྲིམས་འཛིན་བདེ་འཇགས་མཉམ་ལས་ཀྱི་ལས་དབང་གཅིག་མཐུན་འདུས་གྲུབ་གཏོད་པ། “རྒྱུད་གཅིག་ལམ་གཅིག”གི་གྲོས་འགོར་ཞབས་འདེགས་སྔར་བས་ལེགས་པ་ཞུ་བ་སོགས་ཀྱི་ཐད་མཉམ་ལས་ཀྱི་ཐུན་མོང་ངོས་འཛིན་མང་པོ་ཞིག་བྱུང་ཡོད། རྒྱལ་ཁབ་བཞིས་ད་དུང་ཀྲུང་གོའི་ཅིན་ཧུང་དུ་བཀོད་འདོམས་དཔོན་གྱི་མཉམ་འབྲེལ་ཚོགས་འདུ་འཚོགས་ནས་ད་རེས་ཀྱི་བྱ་སྤྱོད་ལ་ཐུན་མོང་ཐོག་ཞིབ་འཇུག་དང་གྲོས་བསྡུར་བྱས་པ་རེད།
རྩོམ་སྒྲིག་པ། བདེ་སྒྲོལ།