ཉེ་དུས། ཨེ་ཁྭ་ཏོར་དུ་བཅའ་སྡོད་ཀྲུང་གོའི་གཞུང་ཚབ་ཁང་གིས་ཨེ་ཁྭ་ཏོར་སྲིད་གཞུང་ལ་རིམས་འགོག་དངོས་པོ་ཞལ་འདབས་འབུལ་བའི་མཛད་སྒོ་ཁེ་ཐོར་གཉེར་བ་དང་། ཨེ་ཁྭ་ཏོར་གྱི་ཙུང་ཐུང་གཞོན་པ་ཨོ་ཐོའུ་·སུང་ནེན་ཧོར་ཚི་ན་མཛད་སྒོར་ཞུགས་པ་དང་འབྲེལ་ཞལ་འདེབས་འབུལ་བར་ཐུགས་རྗེ་ཆེ་ཞུས་པ་རེད།
སུང་ནེན་ཧོར་ཚི་ན་ཡིས་ཀྲུང་གོ་ནི་ཨེ་ཁྭ་ཏོར་ལ་རིམས་འགོག་དངོས་པོ་རོགས་སྐྱོར་བྱེད་མཁན་རྒྱལ་ཁབ་ཐོག་མ་དེ་ཡིན་པས་འཁྱགས་དུས་གོས་དང་ལྟོགས་དུས་ཟས་སྐྱེལ་བ་ལྟར་ཡིན་པས། ཨེ་ཁྭ་ཏོར་ཕྱོགས་ཀྱིས་དུས་ནམ་ཡང་བློ་ལ་བརྟན་པོར་ངེས་རྒྱུ་ཡིན། ཨེ་ཁྭ་ཏོར་ཕྱོགས་ཀྱིས་ཀྲུང་གོའི་ཉམས་མྱོང་རྩ་ཆེན་ལ་སློབ་སྦྱོང་དང་དཔྱད་གཞིར་འཛིན་རྒྱུར་མཐོང་ཆེན་བྱས་ནས་རིམས་ནད་མཆེད་ཚུལ་སྔ་ཙམ་བཀག་འགོག་ཐུབ་རྒྱུའི་རེ་བ་བྱེད་ཀྱི་ཡོད་ཅེས་བརྗོད་པ་རེད།
ཨེ་ཁྭ་ཏོར་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཁྲེན་གོ་ཡིའུ་ཡིས་མཛད་སྒོའི་ཐོག་གསུང་བཤད་གནང་སྐབས། ཀྲུང་གོར་ཏོག་གསར་གློ་ཚད་རིམས་ནད་ཐོན་ཚུན་ཨེ་ཁྭ་ཏོར་ཕྱོགས་ཀྱིས་འཕྲལ་མ་ཉིད་དུ་ཀྲུང་གོ་ཕྱོགས་ལ་འཚམས་འདྲི་དང་རྒྱབ་སྐྱོར་བྱས་པར་ཀྲུང་གོ་ཕྱོགས་ཀྱིས་བསྔགས་བརྗོད་དང་ཐུགས་རྗེ་ཆེ་ཞུ་རྒྱུ་ཡིན། ཀྲུང་གོ་ཕྱོགས་ཀྱིས་ཨེ་ཁྭ་ཏོར་གྱི་དཀའ་ངལ་ཚོར་སྣང་ཡོང་གི་འདུག་པས། ནུས་པས་ལྕོགས་ཚོད་ཀྱི་ཁྱབ་ཁོངས་ནང་ཨེ་ཁྭ་ཏོར་ལ་དགོས་ངེས་ཀྱི་རྒྱབ་སྐྱོར་དང་རོགས་རམ་དེ་བས་མང་བ་བྱེད་འདོད་ཡོད་པས། ཨེ་ཁྭ་ཏོར་ཕྱོགས་ཀྱིས་དཀའ་གནད་ལས་གང་མགྱོགས་སྒྲོལ་ཐུབ་ངེས་ཡིན་པའི་ཡིད་ཆེས་ཡོད་ཅེས་གསུངས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྲུང་གོ་ཕྱོགས་ཀྱིས་རིམས་འགོག་དངོས་པོ་ཞལ་འདེབས་བརྒྱབ་པའི་ནང་སྨན་སྤྱོད་འགོག་སྲུང་གྱོན་ཆས་དང་དམར་ཕྱིའི་འོད་ཀྱི་ཚ་བ་ལྟ་ཆས་སོགས་ཚུད་ཡོད་པ་རེད།
རྩོམ་སྒྲིག་པ། བདེ་སྒྲོལ།