དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་སྤྱིའི་གསར་འགྱུར།

ཀྲུང་གོ་ཕྱོགས་ཀྱིས་ཨ་ཧྥུ་ཀ་ནི་སི་ཐན་སྲིད་གཞུང་དང་ཐ་ལེ་པན་གྱིས་བཙོན་པ་གློད་འགྲོལ་དང་གཏུམ་སྤྱོད་ཉུང་གཏོང་གི་བྱ་སྤྱོད་སྤེལ་བར་དགའ་བསུ་དང་བསྔགས་བརྗོད་བྱ་རྒྱུ་ཡིན།

སྤེལ་དུས 2020-05-29 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ།
        ཤིན་ཧྭ་གསར་འགྱུར་ཁང་པེ་ཅིང་ནས་ཟླ་5ཚེས་26ཉིན་གློག་འཕྲིན་འབྱོར་གསལ། གོང་ཚེས་ཉིན་ཕྱི་འབྲེལ་པུའི་མགྲིན་ཚབ་པ་ཀྲའོ་ལི་ཅན་གྱིས། ཀྲུང་གོ་ཕྱོགས་ཀྱིས་ཨ་ཧྥུ་ཀ་ནི་སི་ཐན་སྲིད་གཞུང་དང་ཐ་ལེ་པན་གྱིས་བཙོན་པ་གློད་འགྲོལ་དང་གཏུམ་སྤྱོད་ཉུང་གཏོང་གི་བྱ་སྤྱོད་སྤེལ་བར་དགའ་བསུ་ཞུ་རྒྱུ་དང་བསྔགས་བརྗོད་བྱ་རྒྱུ་ཡིན་ཞེས་བརྗོད་པ་རེད།
        དེ་ཉིན་གྱི་གསར་འགོད་པའི་འཆར་ཅན་ཚོགས་འདུའི་ཐོག གསར་འགོད་པ་ཞིག་གིས་དྲིས་དོན། གནས་ཚུལ་སྤེལ་བར་གཞིགས་ན། ཚེས་25ཉིན་ཨ་ཧྥུ་ཀ་ནི་སི་ཐན་རྒྱལ་ཁབ་བདེ་འཇགས་ཨུ་ཡོན་ལྷན་ཁང་གི་མགྲིན་ཚབ་པས་ཨ་ཧྥུ་ཀ་ནི་སི་ཐན་སྲིད་གཞུང་གིས་དེ་ཉིན་ཐ་ལེ་པན་གྱི་བཙོན་པ་100གློད་འགྲོལ་བཏང་བ་དང་། ཉིན་རེར་བཙོན་པ་100རེ་གློད་འགྲོལ་བཏང་ནས་ཁྱོན་བསྡོམས་བཙོན་པ་2000ཙམ་གློད་འགྲོལ་གཏོང་རྩིས་ཡོད་པ་དང་། བྱ་སྤྱོད་དེ་ལས་མཐར་ཨ་ཧྥུ་ཀ་ནི་སི་ཐན་ལ་རྒྱུན་མཐུད་ཞི་བདེ་ཡོང་བར་སྐུལ་མ་ཐེབས་རྒྱུའི་རེ་བ་ཡོད་ཅེས་བརྗོད་ཡོད། གནས་ཚུལ་ཤེས་མཁན་གྱིས་ཨ་ཧྥུ་ཀ་ནི་སི་ཐན་དང་ཐ་ལེ་པན་གྱིས་དུས་ཡུན་ཉིན་3གྱི་སྨྱུང་གྲོལ་དུས་ཆེན་ལ་དམག་རྒྱག་མཚམས་བཞག་རྗེས་གཏུམ་སྤྱོད་ཀྱི་བྱ་སྤྱོད་ཉུང་དུ་གཏོང་རྒྱུར་མུ་མཐུད་གཞོལ་བ་དང་། དམག་རྒྱག་མཚམས་འཇོག་པའི་དུས་ཡུན་གཟའ་འཁོར་གཅིག་ནར་འགྱང་བྱ་རྒྱུ་རེད་འདུག་ཅེས་བརྗོད་ཡོད། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ།
        ཀྲའོ་ལི་ཅན་གྱིས། དམག་རྒྱག་མཚམས་འཇོག་པ་དང་གཏུམ་སྤྱོད་སྤེལ་མཚམས་འཇོག་པ་ནས་ཞི་བདེ་མངོན་འགྱུར་ཡོང་བ་བྱ་རྒྱུ་ནི་ཨ་ཧྥུ་ཀ་ནི་སི་ཐན་མི་དམངས་ཀྱི་རེ་འདུན་ཆེ་ཤོས་དེ་ཡིན་ལ་ས་ཁུལ་གྱི་རྒྱལ་ཁབ་དང་དེ་བཞིན་རྒྱལ་སྤྱིའི་སྤྱི་ཚོགས་ཀྱི་ཡོངས་ཁྱབ་ཀྱི་རེ་སྒུག་ཀྱང་ཡིན། ཀྲུང་གོ་ཕྱོགས་ཀྱིས་ཨ་ཧྥུ་ཀ་ནི་སི་ཐན་སྲིད་གཞུང་དང་ཐ་ལེ་པན་གྱིས་བཙོན་པ་གློད་འགྲོལ་དང་གཏུམ་སྤྱོད་ཉུང་གཏོང་གྱི་བྱ་སྤྱོད་སྤེལ་བར་་དགའ་བསུ་ཞུ་རྒྱུ་དང་བསྔགས་བརྗོད་བྱ་རྒྱུ་ཡིན། དེས་ཨ་ཧྥུ་ཀ་ནི་སི་ཐན་བའི་ནང་ཁུལ་གྱི་གྲོས་མོལ་ལ་སྐུལ་འདེད་དང་ཨ་ཧྥུ་ཀ་ནི་སི་ཐན་གྱི་ཞི་བདེ་བརྟན་ལྷིང་ལ་ཕན་ཐོགས་ཡོད། ཀྲུང་གོ་ཕྱོགས་ཀྱིས་རྒྱལ་སྤྱིའི་སྤྱི་ཚོགས་དང་མཉམ་དུ་ཨ་ཧྥུ་ཀ་ནི་སི་ཐན་གྱི་ཞི་བདེའི་འདུམ་འགྲིག་གི་འཕེལ་རིམ་ལ་སྐུལ་འདེད་གཏོང་ཆེད་མུ་མཐུད་རྒྱབ་སྐྱོར་དང་རོགས་རམ་བྱེད་འདོད་ཡོད་ཅེས་བརྗོད་པ་རེད།
རྩོམ་སྒྲིག་པ། སངས་སྐྱབས།