དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་སྤྱིའི་གསར་འགྱུར།

རྒྱལ་ཁབ་ཉི་ཤུའི་སྡེ་ཚོགས་ཀྱི་སློབ་གསོའི་བློན་ཆེན་དག་གིས་རིམས་ནད་ཀྱིས་སློབ་གསོར་ཐེབས་པའི་ཤུགས་རྐྱེན་ཐག་གཅོད་བྱེད་པར་བརྩོན་དགོས་པའི་ཚུལ་བསྟན།

སྤེལ་དུས 2020-06-28 ཡོང་ཁུངས། མཚོ་སྔོན་བོད་སྐད་རླུང་འཕྲིན། རྩོམ་པ་པོ།
           ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་དྲུག་པའི་ཚེས་ཉེར་བདུན་ཉིན། སོ་ཏི་ཨ་རབ་ཀྱི་རྒྱལ་ས་ལེ་ཡཱ་ཏི་ནས། སོ་ཏི་ཨ་རབ་ཀྱི་སློབ་གསོའི་བློན་ཆེན་ཧཱ་མཱ་ཏི་ཞེ་ཧི་རྒྱལ་ཁབ་ཉི་ཤུའི་སྡེ་ཚོགས་ཀྱི་སློབ་གསོའི་བློན་ཆེན་གྱི་བརྙན་རིས་གྲོས་ཚོགས་ལ་ཞུགས། 
           རྒྱལ་ཁབ་ཉི་ཤུའི་སྡེ་ཚོགས་ཀྱི་སློབ་གསོའི་བློན་ཆེན་དག་གིས་ཚེས་ཉེར་བདུན་ཉིན་བརྙན་རིས་གྲོས་ཚོགས་བསྡུས་ཏེ། པྲོག་དབྱིབས་ནད་དུག་གསར་བའི་གློ་ཚད་རིམས་ནད་ཀྱིས་སློབ་གསོ་དང་གསོ་སྦྱོང་ཐད་ཐེབས་པའི་ཤུགས་རྐྱེན་ཐག་གཅོད་བྱེད་པར་འབད་འབུངས་བྱེད་རྒྱུ་ཁས་ལེན་བྱས། 
           ཉིན་དེའི་གྲོས་ཚོགས་ལ་རྒྱལ་ཁབ་ཉི་ཤུའི་སྡེ་ཚོགས་ཀྱི་རེས་སྐོར་ཀྲུའུ་ཞིའི་རྒྱལ་ཁབ་སོ་ཏི་ཨ་རབ་ཀྱིས་མགོ་འཛིན་བྱས། སོ་ཏི་ཨ་རབ་ཀྱི་སློབ་གསོའི་བློན་ཆེན་ཧཱ་མཱ་ཏི་ཞེ་ཧི་ཡིས་ཞུ་ཚིག་འབུལ་སྐབས་བསྟན་དོན། སློབ་གསོའི་མགོ་ཁྲིད་པས་སྲིད་ཇུས་དང་གྲུབ་ཚུལ། སྤྱི་ཚོགས། ནོར་སྲིད་བཅས་རྨང་གཞིར་བྱས་པའི་ནུས་ལྡན་བྱེད་ཐབས་མང་དུ་སྤྱད་ཡོད་པ་དང་། ཚད་ཆེན་པོའི་སྒོ་ནས་རིམས་ནད་ཀྱིས་སློབ་གསོར་ཐེབས་པའི་ཤུགས་རྐྱེན་ཇེ་ཆུང་དུ་བཏང་ཡོད། དེའི་ནང་རྒྱལ་ཁབ་ཉི་ཤུའི་སྡེ་ཚོགས་ཀྱི་ཁོངས་གཏོགས་རྒྱལ་ཁབ་དག་གིས་ཐག་གཅོད་ཇུས་གཞི་མང་ཆེ་བ་འདོན་སྤྲོད་བྱས་ཡོད་ཟེར། 
           གྲོས་ཚོགས་ནས་སྤེལ་བའི་གསལ་སྒྲོག་ལས་བཤད་རྒྱུར། རྒྱལ་ཁབ་ཉི་ཤུའི་སྡེ་ཚོགས་ཀྱི་སློབ་གསོའི་བློན་ཆེན་དག་གིས་ཉམས་ཉེན་གྱི་དུས་སྐབས་སུ་མུ་མཐུད་དུ་ཉམས་མྱོང་བཟང་བོ་དང་བྱེད་ཐབས་བཟང་བོ་མཉམ་སྤྱོད་བྱེད་པ་དང་། སྔར་ལས་ནུས་ལྡན་དང་གསར་གཏོད་རང་བཞིན་ལྡན་པའི་བྱེད་ཐབས་སྤྱད་དེ། སློབ་གསོའི་མ་ལག་གི་མཉེན་གཤིས་ཇེ་དྲག་ཏུ་བཏང་ནས་སློབ་ཁྲིད་ལེགས་བཅོས་བྱེད་རྒྱུ་ཁས་ལེན་བྱས། 
           གསལ་སྒྲོག་ལས་བཤད་རྒྱུར། པྲོག་དབྱིབས་ནད་དུག་གསར་བའི་གློ་ཚད་རིམས་ནད་བཀག་འགོག་བྱེད་པར་སྤྱད་པའི་བྱེད་ཐབས་ཀྱིས་སློབ་གསོ་དང་འཚོ་བའི་ཕྱོགས་མང་བོར་བཅོས་བསྒྱུར་མངོན་གསལ་བྱུང་ཡོད། བུད་མེད་དང་ན་གཞོན་འདུས་པའི་སྟོབས་ཤུགས་གཉོམ་པའི་ཚོགས་ཁག་དང་དམིགས་བསལ་མི་གྲངས་ལ་རིམས་ནད་ཀྱི་ཤུགས་རྐྱེན་སྔར་ལས་ཆེན་པོ་ཐེབས་ཡོད་པས། སློབ་གསོའི་བློན་ཆེན་དག་གིས་སློབ་གསོའི་ནང་དོན་གྱི་འཕེལ་རྒྱས་ལ་རྒྱབ་སྐྱོར་དང་། ལག་རྩལ་དང་གྲངས་ལྡན་གྱི་ཐག་གཅོད་ཇུས་གཞི་འཚོལ་ཞིབ་བྱེད་པ་སོགས་སློབ་གསོའི་རྒྱུན་མཐུད་རང་བཞིན་ལ་སྐུལ་འདེད་གཏོང་བའི་བྱེད་ཐབས་སྤྱོད་དགོས་ཟེར།
རྩོམ་སྒྲིག་པ། སངས་སྐྱབས།