ཀྲུང་གོས་ཞིབ་བཟོས་བྱས་པའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་ཁག་དང་པོ་ཨ་ཟེར་བྷེ་ཇན་དུ་འབྱོར་བ།
སྤེལ་དུས 2021-01-19
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
ཚེས་16ཉིན། ཨ་ཟེར་བྷེ་ཇན་གྱི་ཙུང་ཐུང་གི་ལས་རོགས་མོ་ཕུའུ་སུའུ་མོ་ཕུའུ་ཡིས། ཀྲུང་གོ་ཁོའོ་ཤིན་ཀུང་སིས་ཐོན་སྐྱེད་བྱས་པའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་ཁག་དང་པོ་ཨ་ཟེར་བྷེ་ཇན་དུ་འབྱོར་བ་དང་། རྒྱལ་ཁབ་དེས་ཟླ་འདིའི་ཚེས་18ཉིན་ནས་བཟུང་རིམས་འགོག་སྨན་ཁབ་དེ་མང་ཚོགས་ལ་རྒྱག་གི་ཡིན་ཞེས་ཁྱབ་བསྒྲགས་བྱས་པ་རེད།
ཉིན་དེར་མོ་ཕུའུ་སུའུ་མོ་ཕུའུ་ཡིས་རྒྱལ་ས་བྷ་ཁུ་རུ་འཚོགས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག མིག་སྔར་ཨ་ཟེར་བྷེ་ཇན་གྱིས་ཁོའོ་ཤིན་ཀུང་སིའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་ཁྱོན་བསྡོམས་ཁྲི400མངགས་ཉོ་བྱས་པ་དེ་དག་ཁག་བགོས་རྩིས་སྤྲོད་བྱས་ཡོད། ཚེས18ཉིན་ནས་བཟུང་དུས་མཚམས་དང་པོའི་རིམས་འགོག་སྨན་ཁབ་རྒྱག་པའི་ལས་དོན་སྤེལ་འགོ་འཛུགས་རྒྱུ་ཡིན་པ་དེ་ནི་གཙོ་བོ་ལོ65ཡན་གྱི་མི་ཚོགས་དང་དེ་བཞིན་སྨན་དོན་མི་སྣར་དམིགས་པ་དང་། དུས་མཚམས་གཉིས་པའི་རིམས་འགོག་སྨན་ཁབ་རྒྱག་པའི་ལས་དོན་དེ་ཟླ2ཚེས1ཉིན་ནས་སྤེལ་མཁན་རེད་ཅེས་བརྗོད་པ་རེད།
རྩོམ་སྒྲིག་པ། བདེ་སྒྲོལ།