ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

ཝུ་རུ་མུ་ཆི་-ཟི་ལིང་-ལྷ་སའི་བར་གྱི་མཁའ་ལམ་ཤར་གཏོང་བྱས་པ།

སྤེལ་དུས 2018-02-05 ཡོང་ཁུངས། མི་དམངས་དྲ་བ། རྩོམ་པ་པོ། སྙིང་ལྕགས།
          ཝུ་རུ་མུ་ཆི་-ཟི་ལིང་-ལྷ་སའི་བར་གྱི་མཁའ་ལམ་ཟླ་1ཚེས་31ཉིན་ཤར་གཏོང་བྱས་པ་དང་། གཟའ་འཁོར་རེའི་གཟའ་ཟླ་བ་དང་། གཟའ་ལྷག་པ། གཟའ་པ་སངས། གཟའ་ཉི་མ་བཅས་ཉིན་རེར་དུས་གཏན་གནམ་གྲུ་ཐེངས་རེ་འཕུར་སྐྱོད་བྱེད་རྒྱུ་ཡིན་པ་དང་། སི་ཁྲོན་མཁའ་འགྲུལ་ཀུང་སིས་འཕུར་སྐྱོད་བྱེད་འགན་ཁུར་བ་རེད། དུས་དེ་ནས་བཟུང་ཝུ་རུ་མུ་ཆི་དང་རྒྱལ་ནང་གི་ཞིང་ཆེན་ཁག་གི་ལྟེ་བའི་གྲོང་ཁྱེར་ཚང་མའི་བར་གནམ་གྲུ་ཤར་གཏོང་བྱས་ཡོད་པ་རེད། སི་ཁྲོན་མཁའ་འགྲུལ་གྱི་ཝུ་རུ་མུ་ཆིའི་རྟེན་གཞི་ཡང་ཉིན་དེར་སྒོ་བྱང་བཀལ་ནས་གཉེར་སྐྱོང་བྱེད་འགོ་ཚུགས་པ་རེད།
          གསར་འགོད་པས་ཤིན་ཅང་གནམ་ཐང་ཚོགས་པ་ནས་ཤེས་རྟོགས་བྱུང་གསལ། ཝུ་རུ་མུ་ཆི་-ཟི་ལིང་-ལྷ་སའི་བར་གྱི་མཁའ་ལམ་ནི་ཤིན་ཅང་དང་། མཚོ་སྔོན། བོད་ལྗོངས་བཅས་དང་རྒྱལ་ཁབ་དམངས་སྤྱོད་མཁའ་འགྲུལ་ཅུས་སོགས་ཀྱིས་ཐུན་མོང་འབད་བརྩོན་བྱས་ཏེ་ཤར་གཏོང་བྱས་པའི་ཞིང་ཆེན་དང་རང་སྐྱོང་ལྗོངས་གསུམ་མཉམ་དུ་འབྲེལ་བའི་དམངས་འཚོའི་མཁའ་ལམ་ཞིག་ཡིན་པས། ཞིང་ཆེན་དང་རང་སྐྱོང་ལྗོངས་གསུམ་དང་དེ་བཞིན་རྒྱལ་ཡོངས་མི་རིགས་ཁག་གི་འགྲུལ་པར་ཕན་པ་དང་། “དར་གོས་འགྲུལ་ལམ་དཔལ་འབྱོར་དར་ཁུལ”གྱི་མཁའ་ཐོག་བར་ཁྱམས་འཛུགས་སྐྲུན་དང་། ཞིང་ཆེན་དང་རང་སྐྱོང་ལྗོངས་གསུམ་བར་ཕན་ཚུན་སྦྲེལ་མཐུད་ལ་སྐུལ་སྤེལ་གཏོང་བར་དོན་སྙིང་གལ་ཆེན་ལྡན་པ་རེད།
          ཉེ་བའི་ལོ་ཤས་རིང་། རྒྱལ་ཁབ་ཀྱི"རྒྱུད་གཅིག་ལམ་གཅིག"གི་གྲོས་གཞིའི་སྣེ་ཁྲིད་འོག ཤིན་ཅང་གནམ་ཐང་ཚོགས་པ་དང་མཁའ་འགྲུལ་ཀུང་སི་ཆེན་པོ་ཁག་བར་ཕན་ཚུན་འབྲེལ་འདྲེས་སྔར་བས་ཇེ་དམ་དང་། མཉམ་ལས་སྤེལ་རེས་ཉིན་བཞིན་ཇེ་ཟབ་བྱེད་བཞིན་ཡོད་པ་རེད། ན་ནིང་། ཤིན་ཅང་གནམ་ཐང་ཚོགས་པས་ལོ་ཧྲིལ་པོར་ཡུལ་སྐོར་བ་བསུ་སྐྱེལ་བྱས་གྲངས་མི་ཐེངས་ཁྲི་3000གི་འགག་སྒོ་ཆེན་པོ་ལས་བརྒལ་བ་དང་། མཁའ་ལམ་50གསར་དུ་འཕར་ཏེ་མཁའ་ལམ་ཁྱོན་བསྡོམས་264ཟིན་པས། མཁའ་ལམ་དྲ་རྒྱར་སྔར་ལས་ཤར་བགྲོད་ཐུབ་པ་དང་། མཁའ་འགྲུལ་ཚོང་ར་སྔར་བས་དར་རྒྱས་བྱུང་ཡོད་པ་རེད།
          ཉིན་དེར། སི་ཁྲོན་མཁའ་འགྲུལ་གྱི་ཝུ་རུ་མུ་ཆིའི་རྟེན་གཞི་སྒོ་བྱང་བཀལ་ནས་བཙུགས་པ་རེད། མིག་སྔར་སི་ཁྲོན་མཁའ་འགྲུལ་ལ་འགྲུལ་སྐྱེལ་གནམ་གྲུ་130ལྷག་ཡོད་ལ། མཁའ་ལམ་དྲ་རྒྱ་རྒྱལ་ཡོངས་དང་འཛམ་གླིང་གི་གླིང་ཆེན་ཁག་ལ་ཁྱབ་ཡོད། ཐེངས་འདིར་སི་ཁྲོན་མཁའ་འགྲུལ་གྱིས་ཤིན་ཅང་དུ་རྟེན་གཞི་བཙུགས་པ་མ་ཟད། མཚན་མོ་འགྲུལ་སྐྱེལ་གྱི་ནུས་ཤུགས་ཀྱང་ཆེ་རུ་རྒྱུན་ཆད་མེད་པར་བཏང་ནས་གནམ་གྲུ་བཞག་གྲངས་ཁྱོན་བསྡོམས་རིམ་བཞིན་10ལ་ཟིན་པའི་འཆར་གཞི་བཀོད་ཡོད་ཅིང་། ཉེ་དུས་ད་དུང་ཝུ་རུ་མུ་ཆི་-ཟི་ལིང་-པེ་ཧའེ་བར་གྱི་མཁའ་ལམ་དང་། ཁྲེང་ཏུའུ་-ཝུ་རུ་མུ་ཆི་-ཨ་ལེ་ཐའེ་བར་གྱི་མཁའ་ལམ་གཉིས་གསར་དུ་ཤར་གཏོང་བྱེད་རྒྱུ་རེད།