ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

དཔྱིད་གསར་དུས་ཆེན་གྱི་སྔ་ནུབ་ཏུ་ཞི་ཅིན་ཕིང་སི་ཁྲོན་དུ་ཕེབས་ནས་མི་རིགས་ཁག་གི་ལས་བྱེད་མང་ཚོགས་ལ་འཚམས་འདྲི་གནང་བ།

སྤེལ་དུས 2018-02-14 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ། ལྕགས་བྱམས་ཀྱིས་བསྒྱུར།
རྒྱལ་ཡོངས་མི་རིགས་ཁག་གི་མི་དམངས་རྣམས་དཔྱིད་གསར་དུས་ཆེན་བཀྲ་ཤིས་བདེ་ལེགས་དང་། རླབས་ཆེན་མེས་རྒྱལ་དེ་བས་དར་རྒྱས་གོང་འཕེལ་ཡོང་བའི་སྨོན་འདུན་ཞུས་པ།

          ཀྲུང་ཧྭ་མི་རིགས་ཀྱི་སྲོལ་རྒྱུན་དུས་ཆེན་སྟེ། ལུགས་རྙིང་ལོའི་དཔྱིད་གསར་དུས་ཆེན་འཆར་ལ་ཉེ་བའི་སྐབས་སུ་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་སི་ཁྲོན་དུ་བརྟག་ཞིབ་གནང་བ་དང་འབྲེལ། མི་རིགས་ཁག་གི་ལས་བྱེད་མང་ཚོགས་ལ་འཚམས་འདྲི་གནང་བ་དང་རྒྱལ་ཡོངས་མི་རིགས་ཁག་གི་མི་དམངས་ལ་དཔྱིད་གསར་དུས་ཆེན་གྱི་སྨོན་འདུན་བཟང་པོ་ཡང་ཞུས་ཤིང་། འདི་ནི་ཞི་ཅིན་ཕིང་གིས་ཁྲེང་ཏུའུ་གྲོང་ཁྱེར་ཕི་ཏུའུ་ཆུས་ཀྲན་ཆི་གྲོང་ཚོར་གཟིགས་ཞིབ་གནང་སྐབས་མང་ཚོགས་ལ་ལོ་གསར་གྱི་རྟེན་འབྲེལ་ཞུས་ནས་རྒྱལ་ཡོངས་མི་རིགས་ཁག་གི་མི་དམངས་དཔྱིད་གསར་དུས་ཆེན་སྤྲོ་པོ་དང་ཁྱིམ་ཚང་བདེ་སྐྱིད་ཡོང་བའི་སྨོན་འདུན་ཞུ་བཞིན་པ།

          ཀྲུང་ཧྭ་མི་རིགས་ཀྱི་སྲོལ་རྒྱུན་དུས་ཆེན་སྟེ། ལུགས་རྙིང་ལོའི་དཔྱིད་གསར་དུས་ཆེན་འཆར་ལ་ཉེ་བའི་སྐབས་སུ་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་སི་ཁྲོན་དུ་བརྟག་ཞིབ་གནང་བ་དང་འབྲེལ། མི་རིགས་ཁག་གི་ལས་བྱེད་མང་ཚོགས་ལ་འཚམས་འདྲི་གནང་བ་དང་རྒྱལ་ཡོངས་མི་རིགས་ཁག་གི་མི་དམངས་ལ་དཔྱིད་གསར་དུས་ཆེན་གྱི་སྨོན་འདུན་བཟང་པོ་ཡང་ཞུས་ཤིང་། འདི་ནི་ལེའང་ཧྲན་དབྱིས་རིགས་རང་སྐྱོང་ཀྲོའུ་ཀྲའོ་ཅུའེ་རྫོང་བཅིངས་འགྲོལ་ཤང་གི་ཡུལ་གཞན་དུ་གནས་སྤོས་དབུལ་སྐྱོར་གྱི་གྲོང་གསར་ཧོ་ཕུ་གྲོང་ཚོར་ཞི་ཅིན་ཕིང་གིས་ཡུལ་མི་ཚོ་དང་བྱམས་བརྩེའི་ངང་ཕྱག་གཏོང་བའི་གནས་ཚུལ་ཡིན་པ།
          ཤིན་ཧྭ་གསར་འགྱུར་ཁང་ཁྲེང་ཏུའུ་ནས་ཟླ་2ཚེས་13ཉིན་གློག་འཕྲིན་འབྱོར་གསལ། ཀྲུང་ཧྭ་མི་རིགས་ཀྱི་སྲོལ་རྒྱུན་དུས་ཆེན་སྟེ། ལུགས་རྙིང་ལོའི་དཔྱིད་གསར་དུས་ཆེན་འཆར་ལ་ཉེ་བའི་མཚམས་འདིར་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་སི་ཁྲོན་དུ་ཕེབས་ནས་ཏང་གི་ཚོགས་ཆེན་བཅུ་དགུ་པའི་དགོངས་དོན་དང་དེ་བཞིན་ཀྲུང་དབྱང་གི་དཔལ་འབྱོར་ལས་དོན་ཚོགས་འདུ་དང་ཀྲུང་དབྱང་གི་གྲོང་གསེབ་ལས་དོན་ཚོགས་འདུའི་དགོངས་དོན་ལག་བསྟར་དོན་འཁྱོལ་གནས་ཚུལ་ལ་བརྟག་ཞིབ་གནང་བ་དང་འབྲེལ། མི་རིགས་ཁག་གི་ལས་བྱེད་མང་ཚོགས་ལ་འཚམས་འདྲི་ཞུས་པ་དང་རྒྱལ་ཡོངས་མི་རིགས་ཁག་གི་མི་དམངས་ལ་དཔྱིད་གསར་དུས་ཆེན་གྱི་སྨོན་འདུན་བཟང་པོ་ཡང་ཞུས་པ་རེད།
          ཟླ་2ཚེས་10ཉིན་ནས་ཚེས13ཉིན་བར་ཞི་ཅིན་ཕིང་སི་ཁྲོན་ཞིང་ཨུད་ཀྱི་ཧྲུའུ་ཅི་ཝང་ཏུང་མིང་དང་ཧྲེང་ཀྲང་དབྱི་ལིའི་ཕེབས་རོགས་འོག་ལེའང་ཧྲན་དབྱིས་རིགས་རང་སྐྱོང་ཀྲོའུ་དང་། རྔ་པ་བོད་རིགས་ཆའང་རིགས་རང་སྐྱོང་ཀྲོའུ། ཁྲེང་ཏུའུ་གྲོང་ཁྱེར་སོགས་ཀྱི་གྲོང་གསེབ་དང་། གྲོང་རྡལ། ཁེ་ལས། སྡེ་ཁུལ་བཅས་སུ་ཕེབས་ནས་དབུལ་སྒྲོལ་འགག་སྒྲོལ་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལས་དོན་ལ་གཟིགས་ཞིབ་གནང་བ་མ་ཟད། ད་དུང་དབུན་ཁྲོན་དུ་གེགས་རྗེས་སླར་གསོ་བསྐྱར་སྐྲུན་དང་འཕེལ་རྒྱས་ཀྱི་གནས་ཚུལ་ལ་གཟིགས་ཞིབ་ཀྱང་གནང་སྟེ་མི་རིགས་ཁག་གི་ལས་བྱེད་མང་ཚོགས་ལ་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་མཚོན་པ་གནང་བ་རེད།
          སི་ཁྲོན་གྱི་ལྷོ་ནུབ་རྒྱུད་དུ་གནས་པའི་ལེའང་ཧྲན་དབྱིས་རིགས་རང་སྐྱོང་ཀྲོའུ་ནི་རྒྱལ་ཡོངས་ཀྱི་དབྱིས་རིགས་འདུས་སྡོད་ཁུལ་ཆེ་ཤོས་དེ་ཡིན་ལ། སི་ཁྲོན་ཞིང་ཆེན་གྱི་མི་རིགས་མང་ཤོས་དང་གྲངས་ཉུང་མི་རིགས་ཀྱི་མི་འབོར་མང་ཤོས་ཀྱི་ས་ཁུལ་ཡང་ཡིན། རང་བྱུང་ཆ་རྐྱེན་ཞན་པ་དང་འཕེལ་རྒྱས་བལྟོས་བཅས་ཀྱིས་འགོར་ཙམ་ཡིན་པའི་དབང་གིས་ཀྲོའུ་དེ་ནི་རྒྱལ་ཡོངས་ཀྱི་གཅིག་སྡུད་ཡུག་འབྲེལ་གྱི་ཤིན་ཏུ་དབུལ་བའི་ས་ཁུལ་གྱི་གྲས་ཤིག་ཡིན། དེ་གའི་རྫོང་དང་གྲོང་ཁྱེར་17གྱི་ཁྲོད་ནས་རྫོང་དང་་གྲོང་ཁྱེར་11ནི་རྒྱལ་ཁབ་ཀྱི་དབུལ་སྐྱོར་གསར་སྤེལ་ལས་དོན་གྱི་གཙོ་གནད་རྫོང་ཡིན་པས་ཞི་ཅིན་ཕིང་གིས་དེ་གའི་མང་ཚོགས་ཐུགས་དབུས་སུ་བཅངས་ཡོད། ཚེས་11ཉིན་གྱི་སྔ་དྲོ་ཞི་ཅིན་ཕིང་རླངས་འཁོར་ནང་བཞུགས་ནས་གུག་ཆ་མང་ལ་གཡང་གཟར་རི་ལམ་ཀྱག་ཀྱོག་ཐོག་ཆུ་ཚོད་4ལྷག་ཙམ་ཕེབས་ནས་ལེའང་ཧྲན་གྱི་ལྟེ་བའི་ཁུལ་ཡིན་པའི་ཀྲའོ་ཅུའེ་རྫོང་སན་ཁྲ་ཧོ་ཤང་སན་ཧོ་གྲོང་ཚོ་དང་བཅིངས་འགྲོལ་ཤང་ཧོ་ཕུའུ་གྲོང་ཚོའི་མང་ཚོགས་དབུལ་པོར་འཚམས་འདྲི་གནང་བ་རེད།
          ཆ་སྙོམས་ས་བབ་མཐོ་ཚད་སྨི་2500ལྷག་ཙམ་ཟིན་པའི་སན་ཧོ་གྲོང་ཚོ་ནི་དབྱིས་རིགས་ཀྱི་གྲོང་ཚོ་དབུལ་པོ་ཞིག་རེད། ཞི་ཅིན་ཕིང་གིས་རྡོ་གཅལ་ལམ་བརྒྱུད་རྐང་ཐང་མར་གྲོང་ཚོར་ཕེབས་ནས་གྲོང་ཚོའི་བཀོད་པ་དང་ཉེ་འཁོར་གྱི་རང་བྱུང་ཁོར་ཡུག་ལ་གཟིགས་པ་རེད། ཁོང་གིས་སྔ་རྗེས་སུ་གྲོང་མི་ཅི་ཧའོ་ཡེ་ཆིའུ་དང་ཅེ་ལེ་ཨེ་ཨ་མུའུ་ཡི་ཁྱིམ་ཚང་དབུལ་པོ་གཉིས་ལ་འཚམས་འདྲི་གནང་བ་དང་ཆབས་ཅིག་སྒོ་འགྲམ་གྱི་དབུལ་སྐྱོར་འབྲེལ་གཏུག་གཱ་ལ་ཞིབ་ཚགས་ངང་གཟིགས་པ་དང་ཁྱིམ་བདག་དང་ཅི་འཕྲོས་མོལ་འཕྲོས་གནང་ནས་འཚོ་བའི་གནས་ཚུལ་དང་། ཐོན་ལས་གང་ཞིག་འཕེལ་རྒྱས་བཏང་ཚུལ། ཡོང་འབབ་ག་ཚོད་ཡོད་མིན། ཕྲུ་གུ་སློབ་གྲྭར་བཏང་མིན་བཅས་བཀའ་འདྲི་གནང་བ་རེད།
          ཞི་ཅིན་ཕིང་གིས་བརྩེ་དུང་ཟབ་མོའི་ངང་ངས་དབྱིས་རིགས་ཀྱི་མང་ཚོགས་རྟག་ཏུ་སེམས་ལ་བཅངས་ཡོད། དེ་རིང་འདི་གར་སླེབས་ནས་ཚང་མའི་འཚོ་བ་ཉིན་རེ་ལས་མ་འདས་པར་ལེགས་སུ་སོང་བ་མཐོང་སྐབས་བློ་བདེ་པོ་བྱུང་ཞེས་གསུངས་པ་རེད། ཉེ་བའི་ལོ་ཤས་རིང་གྲོང་ཚོས་འདེབས་གསོའི་ལས་རིགས་འཕེལ་རྒྱས་ཤུགས་ཆེན་བཏང་ནས་རྒྱུད་བཟང་བ་གླང་དང་། ཕག་པ། ལུག་བཅས་ནང་འདྲེན་བྱས་པ་དང་དུད་ཁྱིམ་ཚང་མས་ཞོག་ཁོག་དང་། སྟར་ཁ། གཡེར་མ་འདེབས་འཛུགས་བྱས་ཏེ་ཞིང་པའི་ཡོང་འབབ་བསྟུད་མར་མང་དུ་སོང་བ་མཁྱེན་རྗེས་ཞི་ཅིན་ཕིང་དགྱེས་ཚོར་ཆེན་པོ་བྱུང་བ་རེད།
          ཞི་ཅིན་ཕིང་གིས་ང་ཚོས་སྤྱི་ཚོགས་རིང་ལུགས་འཛུགས་སྐྲུན་བྱེད་དོན་ནི་མི་རིགས་ཁག་གི་མི་དམངས་ཚང་མ་བདེ་སྐྱིད་དང་མཛེས་སྡུག་ལྡན་པའི་འཚོ་བ་སྐྱེལ་ཐུབ་ཆེད་ཡིན། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་དཀའ་ཚེགས་ཆེ་ཤོས་དང་ལས་འགན་ལྕི་ཤོས་ནི་ས་ཁུལ་དབུལ་པོ་ཡིན། ལྷག་པར་དུ་ཤིན་ཏུ་དབུལ་བའི་ས་ཁུལ་གྱི་ལས་འགན་ཇི་ཙམ་དཀའ་ཚེགས་ཆེ་ནའང་ངེས་པར་དུ་དེ་ཙམ་གྱི་ལེགས་གྲུབ་བྱེད་དགོས་ལ། འགག་སྒྲོལ་དམག་འཐབ་ཇི་ཙམ་དཀའ་སྡུག་ཆེ་ནའང་ངེས་པར་དུ་དེ་ཙམ་གྱིས་རྒྱལ་ཁ་ལེན་དགོས། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་ལམ་བུའི་ཐོག་མི་རིགས་དང་ཁྱིམ་ཚང་གཅིག་ཀྱང་བརྗེད་མི་རུང་ཞེས་གསུངས་པ་རེད།
          བཅིངས་འགྲོལ་ཤང་ཧོ་ཕུའུ་གྲོང་ཚོ་ནི་ཡུལ་གཞན་དུ་གནས་སྤོས་དབུལ་སྐྱོར་གྱི་གྲོང་ཚོ་གསར་པ་ཞིག་ཡིན་པས་གསར་སྐྲུན་སྡོད་ཁང་ལམ་འགྲམ་གྱི་རི་འདབས་སུ་བསྐྲུན་ཡོད། ཞི་ཅིན་ཕིང་དུད་ཚང་དབུལ་པོ་ཅི་ཏིར་ཙིའི་སྡོད་ཁང་གསར་པར་ཕེབས་ཏེ་ཁང་པའི་སྒོ་རའི་ནང་གི་ཉི་གཡབ་ནས་ཧོ་ཕུ་གྲོང་ཚོའི་རྣམ་པ་ཡོངས་ལ་རྒྱང་གཟིགས་གནང་ཞིང་། ཁོང་གིས་གྲོང་ཚོ་དེས་ཡུལ་གཞན་དུ་གནས་སྤོས་དབུལ་སྐྱོར་དང་། དབྱིས་རིགས་ཀྱི་གྲོང་སྡེ་གསར་པ་དང་གྲོང་ཚོ་གསར་པ་འཛུགས་སྐྲུན། ཐོན་ལས་དབུལ་སྐྱོར། སྤྱི་པའི་ཞབས་ཞུ་འགན་ལེན་སོགས་ལ་སྐུལ་འདེད་བཏང་བའི་གནས་ཚུལ་ངོ་སྤྲོད་གསན་རྗེས་ཁང་པའི་ནང་ཕེབས་ནས་ཁང་པའི་སྒྲིག་བཀོད་ལ་གཟིགས་ཏེ་ནང་མི་ཚོའི་ཐོན་སྐྱེད་དང་འཚོ་བའི་གནས་ཚུལ་མཁྱེན་རྟོགས་གནང་བ་རེད།
          ཞི་ཅིན་ཕིང་གིས་དེ་གའི་ལག་ལེན་དངོས་ལས་ཡུལ་གཞན་དུ་གནས་སྤོས་དབུལ་སྐྱོར་ནི་གནད་སྨིན་དབུལ་སྒྲོལ་ཡོང་བའི་ཐབས་ལམ་ནུས་ལྡན་ཞིག་ཡིན་པ་ར་སྤྲོད་བྱུང་ཡོད། དེར་བརྟེན་ལས་དོན་དེ་ཡག་པོ་དང་ཏན་ཏིག་ངང་སྒྲུབ་དགོས། གནས་སྤོ་བཀོད་སྒྲིག་དེ་ཐོན་ལས་འཕེལ་རྒྱས་གཏོང་བ་དང་ལས་ཞུགས་བཀོད་སྒྲིག་བྱེད་པ་དང་ཟུང་འབྲེལ་བྱས་ནས་གནས་སྤོས་མང་ཚོགས་གཞིས་ཆགས་ཐུབ་པ་དང་། ལས་ཞུགས་ཐུབ་པ། འཕེལ་རྒྱས་གཏོང་ཐུབ་པ་བཅས་བྱེད་དགོས་ཞེས་གསུངས་པ་རེད།
          དེ་ཉིན་ཕྱི་དྲོ། ཞི་ཅིན་ཕིང་ཤིས་ཁྲང་ནས་ཁྲེང་ཏུར་ཕེབས། གནམ་གྲུ་ནས་བབས་གནང་མ་ཐག་ཐན་ཧྥུའུ་ཁུལ་གསར་དུ་རྟོག་ཞིབ་གནང་བར་ཕེབས་པ་རེད། 2014ལོའི་ཟླ་བཅུ་པར་ཐན་ཧྥུའུ་ཁུལ་གསར་ལ་རྒྱལ་ཁབ་རིམ་པའི་ཁུལ་གསར་གྱི་ཆོག་མཆན་ཐོབ་པ་རེད། ཞི་ཅིན་ཕིང་གིས་བརྙན་ལམ་དང་། བྱེ་གཞོང་། འགྲེམས་པང་བཅས་ཀྱི་ཐོག་ནས་ཤིང་ལུང་མཚེའུ་ཡི་སྣོད་བཅུད་བཅོས་སྐྱོང་གི་གྲུབ་འབྲས་དང་། མཚེའུ་རྒྱུད་ཀྱི་ཐོན་ལས་འཆར་འགོད་བཀོད་ཇུས། ཀྲུང་གོ(སི་ཁྲོན)རང་མོས་ཚོང་དོན་ཚོད་ལྟའི་ཁུལ་འཛུགས་སྐྲུན་གནས་ཚུལ་བཅས་ལ་མཁྱེན་རྟོགས་ཞིབ་ཕྲ་གནང་བ་རེད། ཁོང་གིས་ཐན་ཧྥུའུ་ཁུལ་གསར་ནི“རྒྱུད་གཅིག་ལམ་གཅིག”འཛུགས་སྐྲུན་དང་འབྲི་ཆུའི་དཔལ་འབྱོར་ཁུལ་གྱི་འཕེལ་རྒྱས་ཀྱི་མཚམས་ཚིགས་གལ་ཆེན་ཞིག་ཡིན་པས་ངེས་པར་དུ་འཆར་འགོད་ཡག་པོ་དང་འཛུགས་སྐྲུན་ཡག་པོ་བྱེད་དགོས་པ་དང་། ལྷག་དོན་དུ་སྤྱི་གླིང་གྲོང་ཁྱེར་གྱི་ཁྱད་ཆོས་མངོན་གསལ་དོད་པོ་ཡོང་བ་བྱས་ཏེ་སྣོད་བཅུད་རིན་ཐང་ལ་བསམ་གཞིག་བྱས་ནས་འཕར་སྣེ་གསར་པར་འགྱུར་གང་ཐུབ་ཀྱིས་སྐམ་སའི་དབུས་ཁུལ་གྱི་སྒོ་དབྱེའི་དཔལ་འབྱོར་གྱི་མཐོ་སར་འགྱུར་བ་བྱེད་དགོས་ཞེས་གསུངས་པ་རེད།
          འདི་ལོ་ནི“5·12”དབུན་ཁྲོན་ས་ཡོམ་ཆེན་པོ་བརྒྱབ་ནས་ལོ་བཅུ་འཁོར་བའི་ལོ་ཞིག་རེད། ལོ་བཅུའི་གོང་གི་ས་ཡོམ་ཆེན་པོ་དེས་རི་ཉིལ་བ་དང་ས་གས་ནས་ཐོར་ཞིག་ཆེན་པོ་བྱུང་སྟེ་མི་དམངས་ཀྱི་ཚེ་སྲོག་དང་རྒྱུ་ནོར་ལ་གྱོང་གུན་ཆེན་པོ་བཟོས་ཡོད། གེགས་ཁུལ་སླར་གསོ་བསྐྱར་སྐྲུན་ཇི་འདྲ་བྱུང་ཡོད་མེད་དང་མང་ཚོགས་ཀྱི་འཚོ་བ་ཇི་འདྲ་ཡོད་མེད་ལ་ཞི་ཅིན་ཕིང་གིས་ཐུགས་ཁྲལ་ཆེན་པོ་གནང་གི་ཡོད། ཚེས་12ཉིན་གྱི་སྔ་དྲོ། ཁོང་གིས་ཆེད་མངགས་རྔ་པ་ཀྲོའུ་དབུན་ཁྲོན་རྫོང་ཡིང་ཤིའུ་གྲོང་རྡལ་དུ་ཕེབས། དེ་ནི་དབུན་ཁྲོན་ས་ཡོམ་ཆེན་པོའི་ཡོམ་ལྟེའི་ཁུལ་རེད། ལོ་བཅུའི་གོང་ས་ཡོམ་བརྒྱབ་མ་ཐག་ཞི་ཅིན་ཕིང་གིས་ཡོམ་འཕྲོ་བརྒྱབ་པར་མི་འཛེམ་པར་དེ་གར་ཡོམ་འགོག་གེགས་སེལ་གྱི་གནས་ཚུལ་ལ་རྟོག་ཞིབ་གནང་སྟེ་གནོད་འཚེ་ཕོག་པའི་མང་ཚོགས་ལ་སེམས་གསོ་འཚམས་འདྲི་གནང་བ་རེད། ལོ་བཅུ་སོང་རྗེས་འདི་གར་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་བྱུང་ནས་ཞི་བདེ་ལྷིང་འཇགས་ཀྱི་རྣམ་པ་མངོན་བཞིན་ཡོད། ཐོག་མར་ཞི་ཅིན་ཕིང་གིས་ཞོན་ཁོའུ་སློབ་འབྲིང་གི་རྗེས་ཤུལ་དུ་ཕེབས་ནས་དབུན་ཁྲོན་ས་ཡོམ་ཆེན་པོའི་ནང་རྐྱེན་ལམ་དུ་ཤོར་བའི་སྤུན་ཟླ་དང་ཡོམ་འགོག་གེགས་སེལ་ཁྲོད་རང་སྲོག་བློས་གཏོང་བྱེད་མཁན་དཔའ་བོར་མེ་ཏོག་སི་ར་ཕུལ་བ་དང་འབྲེལ་གུས་འདུད་ལན་གསུམ་ཞུས་པ་རེད། ཁོང་གིས་ངེས་པར་དུ་ས་ཡོམ་གྱི་རྗེས་ཤུལ་སྲུང་སྐྱོང་ཡག་པོ་བྱས་ནས་དེ་ཉིད་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིར་འགྱུར་བ་བྱེད་དགོས་པའི་བཀའ་མངགས་གནང་བ་རེད།
          དེ་རྗེས་ཞི་ཅིན་ཕིང་དབྱིང་ཤིའུ་གྲོང་རྡལ་དུ་ཕེབས་པ་རེད། འདི་གར་ཁྲོམ་གཞུང་འཆར་འགོད་ལེགས་ལ་ཚོང་ཁང་སྟར་པ་དང་སྟར་པ་འགྱིང་ངེར་གནས་པ་དང་ལོ་གསར་གྱི་རྣམ་པ་ཟབ་མོ་ཡོད། ཞི་ཅིན་ཕིང་གིས་ཁྲོམ་གཞུང་གི་སྒོ་འགྲམ་དུ་རླངས་འཁོར་ནས་བབས་གནང་སྟེ་འགྲེམས་པང་ཐོག་ནས་དབུན་ཁྲོན་ས་ཡོམ་ཆེན་པོའི་གེགས་རྗེས་སླར་གསོ་བསྐྱར་བསྐྲུན་དང་དེ་བཞིན་འཕེལ་རྒྱས་གནས་ཚུལ་སྐོར་གྱི་སྙན་སེང་གསན་པ་རེད། ཁོང་གིས་གེགས་རྗེས་སླར་གསོ་བསྐྱར་སྐྲུན་དང་འཕེལ་རྒྱས་ལ་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དེ་ཐོག་ནས་ཀྲུང་གོ་གུང་ཁྲན་ཏང་གི་འགྱུར་མེད་སྟོབས་ལྡན་གྱི་འགོ་ཁྲིད་དང་རང་རྒྱལ་གྱི་སྤྱི་ཚོགས་རིང་ལུགས་ལམ་ལུགས་ཀྱི་ཁྱད་འཕགས་རང་བཞིན་མངོན་ཡོད། ཐོན་ལས་འཕེལ་རྒྱས་ལ་སྐུལ་འདེད་གཏོང་བ་དང་དམངས་འཚོ་ལེགས་གཏོང་སོགས་ཐད་མུ་མཐུད་ནུས་པ་འདོན་སྤེལ་བྱས་ཏེ་མི་དམངས་ཀྱི་ཁྱིམ་གཞིས་སྔར་བས་མཛེས་སྡུག་ལྡན་པ་ཞིག་བསྐྲུན་དགོས་ཞེས་ནན་བཤད་གནང་བ་རེད།
          དབྱིང་ཤིའུ་གྲོང་རྡལ་ནས་ཞལ་གྱེས་རྗེས་ཞི་ཅིན་ཕིང་སླར་ཡང་གྲོང་གསེབ་ཀྱི་མཉམ་སྡེབ་རྒྱུ་ནོར་བདག་དབང་ལམ་ལུགས་སྒྱུར་བཅོས་སྔོན་དུ་སྐུལ་སྤེལ་བཏང་བའི་ཁྲེང་ཏུའུ་གྲོང་ཁྱེར་ཕི་ཏུའུ་ཆུས་དམག་དར་གྲོང་ཚོར་གཟིགས་ཞིབ་གནང་བར་ཕེབས་པ་རེད། གྲོང་ཚོ་དེ་ནི་རྒྱལ་ཡོངས་ཀྱི་ཤེས་དཔལ་ཚན་པ་དང་སི་ཁྲོན་མཉམ་སྡེབ་དཔལ་འབྱོར་གྱི་གྲོང་ཚོ་སྟོབས་ཆེན་བཅུའི་གྲས་ཤིག་ཡིན། གྲོང་ཚོའི་མཉམ་སྡེབ་རྒྱུ་ནོར་སྒོར་ཁྲི་4600ཟིན་པ་དང་མཉམ་སྡེབ་དཔལ་འབྱོར་གྱི་ལོའི་ཡོང་འབབ་སྒོར་ཁྲི་460ལྷག་ཙམ་ཟིན་པ་དང་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་2.6ལྷག་ཙམ་ཟིན་གྱི་ཡོད། ཞི་ཅིན་ཕིང་གིས“ངོ་མཚར་གྱིས་ཕྱུག་པའི་དམག་དར”ཞེས་པའི་ཁྱད་ལྡན་ཐོན་ལས་ཀྱི་དྲ་ཐོག་ཞབས་ཞུའི་ཚོམས་ཆེན་དུ་ཕེབས་ནས་ཁྱད་ལྡན་ཞིང་ཞོར་ཐོན་རྫས་དང་སི་ཁྲོན་གྱི་ཚེམ་དྲུབ་མ་སོགས་ལག་ཤེས་བཟོ་རྩལ་ཐོན་རྫས་འགྲེམས་སྟོན་དང་། མི་ཚང་མས་རྨོ་འདེབས་བྱེད་པའི“དྲ་སྦྲེལ+མཉམ་སྤྱོད་ཞིང་ལས”ཀྱི་མཉམ་སྒུལ་འདེབས་གསོའི་ལས་སྟེགས་ཀྱི་བཀོལ་སྤྱོད་ལ་གཟིགས་པ་མ་ཟད། ཁོང་རང་ཉིད་ཀྱི་ཕྱག་དངུལ་བཏོན་ནས་ཡུལ་དེ་གའི་མང་ཚོགས་ཀྱིས་བཟོས་པའི་རས་ལྷམ་ཆ་གཅིག་ཀྱང་གཟིགས་པ་རེད། ཞི་ཅིན་ཕིང་གིས་ཏང་གི་ཚོགས་ཆེན་བཅུ་དགུ་པའི་ཐོག་གྲོང་གསེབ་དར་རྒྱས་ཀྱི་འཐབ་ཇུས་ལག་ལེན་བསྟར་དགོས་ལུགས་བསྟན་ཡོད། དེ་ནི་གྲོང་གསེབ་མགྱོགས་མྱུར་འཕེལ་རྒྱས་གཏོང་བ་དང་། ཞིང་པའི་འཚོ་བ་ལེགས་སུ་གཏོང་བ། གྲོང་ཁྱེར་དང་གྲོང་གསེབ་གཞི་གཅིག་ཅན་ལ་སྐུལ་འདེད་གཏོང་བ་བཅས་ཀྱི་འཐབ་ཇུས་གལ་ཆེན་ཞིག་ཡིན་པས། དེང་རབས་ཞིང་ལས་འཕེལ་རྒྱས་གཏོང་རྒྱུ་དེ་གྲོང་གསེབ་དར་རྒྱས་ཀྱི་འཐབ་ཇུས་ལག་ལེན་བསྟར་བའི་གལ་ཆེའི་ནང་གི་འགངས་ཆེར་བརྩི་བ་དང་འཚོ་བ་འབྱོར་ཕྱུག་ཡོང་བ་བྱ་རྒྱུ་དེ་གྲོང་གསེབ་དར་རྒྱས་འཐབ་ཇུས་ལག་ལེན་བསྟར་བའི་ལྟེ་བའི་ལས་འགན་དུ་བརྩིས་ནས་གྲོང་གསེབ་དར་རྒྱས་ཀྱི་འཐབ་ཇུས་ཏན་ཏན་ཏིག་ཏིག་ངང་ལག་ལེན་ཡག་པོ་བསྟར་དགོས་པའི་ནན་བཤད་གནང་བ་རེད།
          ཚེས་13ཉིན་གྱི་སྔ་དྲོ། ཞི་ཅིན་ཕིང་གིས་སི་ཁྲོན་ཞིང་ཨུད་དང་ཞིང་ཆེན་སྲིད་གཞུང་གི་ལས་དོན་སྙན་སེང་གསན་ནས་སི་ཁྲོན་གྱི་ལས་དོན་ཁག་ལ་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་བ་མ་ཟད། སི་ཁྲོན་གྱིས་ཏང་གི་ཚོགས་ཆེན་བཅུ་དགུ་པའི་དགོངས་དོན་དང་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ལག་བསྟར་གཏིང་ཟབ་བྱེད་པ་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཕྱོགས་ཡོངས་ནས་དོན་འཁྱོལ་བྱས་ཏེ་བློ་རྩ་བརྟན་པོས་ཡར་རྒྱས་བརྩོན་ལེན་དང་དཀའ་སྤྱད་སྙིང་རུས་ཀྱིས་ལས་ཀ་བྱས་ནས་སི་ཁྲོན་བཅོས་སྐྱོང་དང་དར་རྒྱས་གཏོང་རྒྱུ་དེ་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་དགོས་པའི་ཐུགས་རེ་གནང་བ་རེད།
          ཞི་ཅིན་ཕིང་གིས་མི་དམངས་ལྟེ་བར་བྱེད་པའི་འཕེལ་རྒྱས་ཀྱི་བསམ་བློ་བརྟན་པོ་བཙུགས་ཏེ་དམངས་ལ་སེམས་ཁྲལ་བྱེད་པ་དང་། དམངས་ལ་དགའ་གཅེས་བྱེད་པ། དམངས་ལ་ཕན་བདེ་སྐྲུན་པ་བཅས་ཀྱི་བསམ་བློ་རྟག་ཏུ་བཅངས་ནས་དམིགས་སའི་རང་བཞིན་སྔར་ལས་ཆེ་བ་དང་། ཁྱབ་རྒྱ་སྔར་ལས་ཆེ་བ། ཐད་ཀར་ནུས་པ་ཐོན་པ། ཕན་འབྲས་སྔར་ལས་མངོན་གསལ་དོད་པ་བཅས་ཀྱི་བྱེད་ཐབས་སྤྱད་དེ་མི་སེར་ཚོའི་འཚོ་བ་དང་འབྲེལ་བ་དམ་ཟབ་ཡོད་པའི་སློབ་གསོ་དང་། ལས་ཞུགས། སྨན་བཅོས་འཕྲོད་བསྟེན། སྤྱི་ཚོགས་འགན་སྲུང་། སྤྱི་ཚོགས་བརྟན་ལྷིང་སོགས་ཀྱི་དམངས་འཚོའི་གནད་དོན་ཐག་གཅོད་ཡག་པོ་བྱས་ནས་མི་དམངས་ཀྱི་ཐོབ་ཚོར་དང་། བདེ་སྐྱིད་ཚོར་སེམས། བདེ་འཇགས་ཚོར་སེམས་བཅས་སྔར་བས་འཐུས་སྒོ་ཚང་བ་དང་། སྔར་བས་འགན་སྲུང་ལྡན་པ། སྔར་བས་རྒྱུན་མཐུད་ཐུབ་པ་བཅས་ཡོང་བ་བྱེད་དགོས། འཕེལ་རྒྱས་དང་བརྟན་ལྷིང་གཉིས་ཀ་དམ་འཛིན་ནན་པོ་བྱ་རྒྱུ་མཐའ་འཁྱོངས་བྱས་ཏེ་མི་རིགས་མཐུན་སྒྲིལ་ཡར་ཐོན་གྱི་སློབ་གསོ་གཏིང་ཟབ་སྤེལ་ནས་མི་རིགས་ཁག་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་ཡོང་རྒྱུར་སྐུལ་འདེད་གཏོང་དགོས་པ། རྒྱལ་ཡོངས་སུ་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་སྤེལ་རྒྱུའི་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱས་ཏེ་སྤྱི་ཚོགས་བརྟན་ལྷིང་ལས་དོན་སྔར་བས་ཞིབ་ཚགས་དང་། སྔར་བས་ཏན་ཏིག སྔར་བས་དམ་ཚགས་བཅས་ཡོང་བ་བྱེད་དགོས་ཞེས་གསུངས་པ་རེད།
          ཞི་ཅིན་ཕིང་གིས་ཏང་གི་ཚོགས་ཆེན་བཅུ་དགུ་པའི་ཐོག་ཏང་གི་ཆབ་སྲིད་འཛུགས་སྐྱོང་བྱ་རྒྱུ་དེ་མངོན་གསལ་དོད་པའི་གནས་བབ་ཐོག་བཞག་ནས་ཏང་གི་ཆབ་སྲིད་འཛུགས་སྐྱོང་བྱ་རྒྱུ་ནི་ཏང་གི་རྩ་བའི་རང་བཞིན་གྱི་འཛུགས་སྐྱོང་ཞིག་ཡིན་པ་ནན་བཤད་གནང་ཡོད། དེ་ནི་ཕུགས་ལ་བསམ་གཞིག་གཏིང་ཟབ་བྱས་པ་ཞིག་རེད་ལ། རིགས་པའི་གཞུང་ལུགས་དང་ལག་ལེན་གྱི་གཞི་འཛིན་ས་གང་ལེགས་ལྡན་པ་ཞིག་ཀྱང་རེད། ཏང་ཀྲུང་དབྱང་གི་དབང་གྲགས་དང་གཅིག་སྡུད་གཅིག་གྱུར་གྱི་འགོ་ཁྲིད་མཐའ་འཁྱོངས་བྱེད་པ་དང“འདུ་ཤེས་བཞི”ཟབ་ཏུ་བཏང་སྟེ། ཏང་ཀྲུང་དབྱང་གིས་དར་སྤེལ་བཏང་བ་དག་མཐའ་གཅིག་ཏུ་དང་ལེན་ཞུ་བ་དང་། ཏང་ཀྲུང་དབྱང་གིས་གཏན་ལ་ཕབ་པ་དག་མཐའ་གཅིག་ཏུ་བཀའ་བཞིན་སྒྲུབ་པ། ཏང་ཀྲུང་དབྱང་གིས་བཀག་འགོག་བྱས་པ་དག་མཐའ་གཅིག་ཏུ་གཏན་འགོག་བྱེད་དགོས། ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པའི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱེད་པ་དང་རྒྱ་ཆེའི་ཏང་ཡོན་དང་ལས་བྱེད་པས་རྩ་ཁྲིམས་ཀྱི་འདུ་ཤེས་བརྟན་པོ་འཛུགས་རྒྱུར་སློབ་གསོ་ཁྲིད་སྟོན་དང་སྣེ་ཁྲིད་བྱས་ཏེ་རྩ་ཁྲིམས་ལ་གོང་བཀུར་དང་། རྩ་ཁྲིམས་ལ་སློབ་སྦྱོང་། རྩ་ཁྲིམས་ལ་བརྩི་སྲུང་། རྩ་ཁྲིམས་སྲུང་སྐྱོང་། རྩ་ཁྲིམས་བེད་སྤྱོད་བཅས་བྱེད་དགོས། དུས་བབ་གསར་པའི་འོག་གི་ཏང་ནང་ཁུལ་གྱི་ཆབ་སྲིད་འཚོ་བའི་ཚད་གཞི་འགའ་ཞིག་ལག་བསྟར་ནན་པོ་བྱས་ཏེ་ཏང་ནང་ཁུལ་གྱི་ཆབ་སྲིད་འཚོ་བར་ཕྱོགས་ཡོངས་ནས་ཤུགས་སྣོན་རྒྱག་པ་དང་ཚད་ལྡན་དུ་གཏོང་བ་དང་། སྐྱོན་དང་བྲལ་བ་དང་དགེ་མཚན་ལྡན་པའི་ཏང་ནང་ཁུལ་གྱི་ཆབ་སྲིད་རིག་གནས་སྐྱེད་སྲིང་བྱས་ཏེ་སྤྱོད་བཟང་གཞུང་དྲང་གི་ཆབ་སྲིད་ཁོར་ཡུག་ཅིག་གཏོད་དགོས་པའི་ནན་བཤད་གནང་བ་རེད།