ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

ཀྲུང་གོའི་ལོང་བའི་རྐང་གྲུག་རུ་ཁག་གིས་ཡ་གླིང་གི་ཨང་དང་པོ་བླངས།

སྤེལ་དུས 2019-10-09 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ།
ཀྲུང་གོའི་ལོང་བའི་རྐང་རྩེད་སྤོ་ལོ་རུ་ཁག་ནི་འཛམ་གླིང་གི་རུ་ཁག་སྟོབས་ལྡན་ཞིག་ཡིན།
              ཀྲུང་གོའི་ལོང་བའི་སྐྱེས་པའི་རྐང་རྩེད་སྤོ་ལོ་རུ་ཁག་གིས་ཡ་གླིང་གི་ཨང་དང་པོ་བླངས།
              པེ་ཅིང་གི་དུས་ཚོད་ཚེས་6ཉིན་གྱི་དགོང་མོ་2019ལོའི་ཨེ་ཤེ་ཡའི་ལོང་བའི་རྐང་རྩེད་སྤོ་ལོའི་རྒྱལ་ཕམ་ཐག་གཅོད་ཀྱི་འགྲན་བསྡུར་ནང་ཀྲུང་གོའི་རུ་ཁག་གིས་དབྱི་རན་རུ་ཁག་ལས་རྣམ་པར་རྒྱལ་ནས་སྐབས་འདིའི་འགྲན་བསྡུར་གྱི་ཨང་དང་པོ་བླངས་པ་དང་། དེ་ནི་ཀྲུང་གོའི་རུ་ཁག་གི་ལོ་རྒྱུས་ཐོག་ཨེ་ཤེ་ཡའི་ཨང་དང་པོ་ལེན་ཐེངས་དྲུག་པ་དེ་ཡིན་པ་རེད།
རུ་མི་ཚོས་ཕན་ཚུན་འཐམ་ནས་རྟེན་འབྲེལ་ཞུ་བ།
              སྐབས་འདིའི་འགྲན་བསྡུར་གྱི་རྒྱལ་ཕམ་ཐག་གཅོད་ཀྱི་འགྲན་བསྡུར་གོང་ཀྲུང་གོའི་རུ་ཁག་དང་དབྱི་རན་རུ་ཁག་གིས་ད་ཐེངས་ཀྱི་འགྲན་བསྡུར་ནང་ཕམ་ཁའི་གྲུབ་འབྲས་ཐོབ་མེད། ཕྱེད་རྒྱལ་ཕམ་ཐག་གཅོད་ཀྱི་འགྲན་བསྡུར་ནང་དབྱི་རན་རུ་ཁག་གིས་3-2ཀྱི་མཇུག་འབྲས་ཐོག་ནས་མགྲོན་བདག་རྒྱལ་ཁབ་ཐེ་ལན་ལས་རྣམ་པར་རྒྱལ་བ་དང་། ཀྲུང་གོའི་རུ་ཁག་གིས་གཙིག་སྤོར་འགྲན་བསྡུར་བྱས་པ་བརྒྱུད་5-4(རྒྱུན་གཏན་དུས་ཚོད་ནང་2-2)ཀྱི་མཇུག་འབྲས་ཐོག་ནས་འཇར་པན་རུ་ཁག་ཕྱིར་འབུད་བྱས་པ་རེད།
              རྒྱལ་ཕམ་ཐག་གཅོད་ཀྱི་འགྲན་བསྡུར་ཁྲོད་ཕྱོགས་གཉིས་པོས་སྤོ་ལོ་ཧ་ཅང་ཡག་པོ་བརྒྱབ་ཡོད་པ་དང་། འགྲན་ཐེངས་གོང་མའི་མཇུག་བསྡུའི་དུས་མཚམས་སུ་ཀྲུང་གོའི་རུ་ཁག་གིས་གཡོན་ཟུར་སྤོ་ལོ་རྒྱག་པའི་གོ་སྐབས་བརྒྱུད་སྤོ་ལོ་གཅིག་བླུགས་པ་དང་། ཀྲུང་གོའི་རུ་ཁག་གིས་1-0ཡི་ལེགས་ཆ་འཁྱེར་ནས་འགྲན་ཐེངས་འོག་མར་ཞུགས་པ་དང་། དུས་སྨད་དུ་འགྲན་རྩོད་ཛ་དྲག་པོ་ཡོད་མོད། འོན་ཀྱང་མཐར་ཀྲུང་གོའི་རུ་ཁག་གིས་སྤོ་ལོ་1པོ་དེར་བརྟེན་ནས་ཨང་དང་པོ་བླངས་པ་རེད།
              སྐབས་འདིའི་འགྲན་བསྡུར་ནང་ཀྲུང་གོའི་རུ་ཁག་ལ་ཕམ་ཁ་གཅིག་ཀྱང་རག་མེད་པ་དང་དེ་གོང་གི་ཚོགས་ཆུང་འགྲན་བསྡུར་ནང་ཁོ་རེ་ཡ་ལྷོ་མར་8-0དང་། ཐེངས་གཉིས་པ་རྒྱ་གར་ལ་5-0། ཚོ་ཆུང་འགྲན་བསྡུར་མཐའ་མར་2-0ཡི་མཇུག་འབྲས་ཐོག་ཐེ་ལན་ལས་རྣམ་པར་རྒྱལ་བ་བཅས་བྱས་ནས་ཚོགས་ཆུང་Aཡི་ཨང་དང་པོ་ཐོབ་པ་དང་། ཕྱེད་རྒྱལ་ཕམ་ཐག་གཅོད་ཀྱི་འགྲན་བསྡུར་ནང་འཇར་པན་རུ་ཁག་ལས་རྣམ་པར་རྒྱལ་རྗེས་ཀྲུང་གོའི་རུ་ཁག་ལ་ད་དུང་ཐོ་ཁེའོ་དབང་བོ་སྐྱོན་ཅན་གྱི་ཨོ་རྩལ་འགྲན་ཚོགས་ཀྱི་འགྲན་ཞུགས་སྤ་སེ་བདེ་བླག་ངང་རག་པ་རེད།
              ཀྲུང་གོའི་ལོང་བའི་སྐྱེས་པའི་རྐང་རྩེད་སྤོ་ལོ་རུ་ཁག་2006ལོར་བཙུགས་པ་དང་། ལོ་13རིང་ཁོང་ཚོའི་འགྲན་བསྡུར་ལ་གྲུབ་འབྲས་ཆེན་པོ་ཐོབ་ཅིང་། དེ་གོང་2008ལོའི་པེ་ཅིང་དབང་བོ་སྐྱོན་ཅན་གྱི་ཨོ་རྩལ་འགྲན་ཚོགས་ཐོག་ཨང་གཉིས་པ་དང་། 2010ལོའི་འཛམ་གླིང་ལེགས་སྐྱེས་འགྲན་བསྡུར་གྱི་ཨང་གསུམ་པ། 2010ལོའི་ཀོང་ཀྲོའུ་ཨེ་ཤེ་ཡའི་དབང་པོ་སྐྱོན་ཅན་ལུས་རྩལ་འགྲན་ཚོགས་ཀྱི་ཨང་དང་པོ་བཅས་ཐོབ་མྱོང་ཡོད།
              ད་ཐེངས་ཀྱི་ཨང་དང་པོ་ཐོབ་རྗེས་ཀྲུང་གོའི་ལོང་བའི་རྐང་རྩེད་སྤོ་ལོ་རུ་ཁག་གིས་ཨེ་ཤེ་ཡའི་ཨང་དང་པོ་ཐེངས་6བླངས་པ་རེད།
རྩོམ་སྒྲིག་པ། སངས་སྐྱབས།