2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ། ཞི་ཅིན་ཕིང་དང་ཨར་པ་ནི་ཡའི་ཙུང་ཐུང་མའེ་ཐ་རྣམ་གཉིས་ཀྱིས་ཀྲུང་གོ་དང་ཨར་པ་ནི་ཡའི་དབར་ཕྱི་འབྲེལ་བཙུགས་ནས་ལོ་ངོ་70འཁོར་བར་ཕན་ཚུན་རྟེན་འབྲེལ་གློག་འཕྲིན་བཏང་གནང་བ། 《ཀྲུང་གོའི་བོད་ལྗོངས》དུས་དེབ་སྤེལ་ནས་ལོ་འཁོར་30ལོན་པ་དང་ཀྲུང་གོའི་བོད་ལྗོངས་དྲ་བ་བཙུགས་ནས་ལོ་འཁོར་20ལོན་པའི་བཞུགས་མོལ་ཚོགས་འདུ་པེ་ཅིང་དུ་འཚོགས་པ། ཆེད་མཁས་པས2020ལོའི་བོད་ཀྱི་ལོ་སར་དང་དཔྱིད་གསར་དུས་ཆེན་གཉིས་བར་ཟླ་གཅིག་ཡོད་པའི་གསང་བ་བརྟོལ་བ། ཞི་ཅིན་ཕིང་གིས་ཨ་རིའི་རྒྱལ་དོན་བློན་ཆེན་ཟུར་པ་ཅིས་ཤིན་ཀེ་དང་མཇལ་འཛོམས་གནང་བ། ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

རྒྱལ་ཁབ་ལྕགས་ལམ་ཚོགས་པས་ད་ལོའི་ཟླ1ནས11བར་དངོས་ཟོག་དབོར་འདྲེན་བྱེད་ཚད་ཏུན་དུང་ཕྱུར30ལྷག་ཙམ་ཟིན་པ།

སྤེལ་དུས 2019-12-12 ཡོང་ཁུངས། མི་དམངས་ཉིན་རེའི་ཚགས་པར། རྩོམ་པ་པོ།
          གསར་འགོད་པས་ཀྲུང་གོ་རྒྱལ་ཁབ་ལྕགས་ལམ་ཚོགས་པ་ཚད་ཡོད་ཀུང་སི་ནས་ཤེས་རྟོགས་བྱས་པར། ད་ལོའི་ཟླ1ནས11བར་རྒྱལ་ཁབ་ལྕགས་ལམ་ཚོགས་པས་དངོས་ཟོག་དབོར་འདྲེན་བྱེད་ཚད་མང་དུ་གཏོང་བའི་བྱ་སྤྱོད་གཏིང་ཟབ་སྤེལ་བས་ལྕགས་ལམ་གྱི་ཟོག་འདྲེན་བྱེད་ཚད་རྒྱུན་མཐུད་ངང་ཆེས་ཆེར་འཕར་ཏེ་རྒྱལ་ཁབ་ལྕགས་ལམ་གྱིས་དངོས་ཟོག་དབོར་འདྲེན་བྱེད་ཚད་ཏུན་དུང་ཕྱུར31.15ཟིན་པ་དེ་དུས་མཚུངས་ལས་ཏུན་དུང་ཕྱུར1.98འཕར་བ་དང་འཕར་ཚད6.8%ཟིན་ཡོད་པ་རེད།
          རྒྱལ་ཁབ་ལྕགས་ལམ་ཚོགས་པའི་འབྲེལ་ཡོད་སྡེ་ཚན་གྱི་འགན་འཁུར་བས་ངོ་སྤྲོད་བྱས་པར། རྒྱལ་ཁབ་ལྕགས་ལམ་ཚོགས་པའི་དབོར་འདྲེན་ཁེ་ལས་ཁག་གིས་ཁྲོམ་རའི་དགོས་མཁོ་དང་འབྲེལ་མཐུད་དམ་ཟབ་བྱས་ཏེ“གཞུང་ལམ་དབོར་འདྲེན་ནས་ལྕགས་ལམ་དབོར་འདྲེན་དུ་འགྱུར་བའི”དངོས་ཟོག་དབོར་འདྲེན་ལ་སྐུལ་འདེད་ཧུར་ཐག་བཏང་བ་དང་དེར་དང་ལེན་ཧུར་ཐག་བྱས་པས་ལྕགས་ལམ་གྱིས་དངོས་ཟོག་དབོར་འདྲེན་བྱེད་ཚད་རྒྱུན་མཐུད་ངང་ཆེས་ཆེར་འཕར་ཡོད། ལྷག་པར་དུ་ད་ལོའི་ཟླ་11པར་རྒྱལ་ཁབ་ལྕགས་ལམ་ཚོགས་པས་ཉིན་རེར་མེ་འཁོར་གྱིས་དངོས་ཟོག་དབོར་ཐེངས་2བྱེད་པའི་ལོ་རྒྱུས་ཀྱི་ཟིན་ཐོ་གསར་པ་ཡང་ཡང་བཏོད་དེ་ཉིན་རེར་ཆ་སྙོམས་འཁོར་སྒྲོམ་ཁྲི་16.77ནང་དངོས་ཟོག་བླུགས་ནས་དབོར་འདྲེན་བྱས་པ་དེ་དུས་མཚུངས་ལས་འཁོར་སྒྲོམ་ཁྲི་1.63འཕར་བ་དང་འཕར་ཚད་10.8%ཟིན་པ་དང་། དངོས་ཟོག་སྐྱེལ་ཚད་ཏུན་དུང་ཕྱུར་3.06ཟིན་པ་དང་དེ་དུས་མཚུངས་ལས་ཏུན་ཁྲི་2875འཕར་བ་དང་འཕར་ཚད་10.4%ཟིན་ནས་འདི་ལོ་ནས་བཟུང་ཐེངས་དང་པོ་གྲངས་གནས་གཉིས་འཕར་ཡོད།  ཟླ་11ཚེས་16ཉིན་རྒྱལ་ཁབ་ལྕགས་ལམ་ཚོགས་པའི་ཉིན་རེར་འཁོར་སྒྲོམ་ནང་དངོས་ཟོག་བླུགས་ནས་དབོར་འདྲེན་བྱེད་ཚད་ཁྲི་17གྱི་འགག་སྒོ་ཆེན་པོ་ལས་ལོ་རྒྱུས་ཐོག་གི་ཐེངས་དང་པོ་བརྒལ་ཡོད་པ་རེད།
          འགན་འཁུར་བ་དེས། ལྕགས་ལམ་དབོར་འདྲེན་ལ་ལྗང་མདོག་ཁོར་ཡུག་སྲུང་སྐྱོང་དང་ནུས་རྒྱུ་གྲོན་ཆུང་དང་ནུས་ཆེའི་ལེགས་ཆ་ལྡན་ཡོད། ལྕགས་ལམ་ཟོག་འདྲེན་ཚན་པའི་ནུས་རྒྱུའི་ཟད་གྲོན་ནི་གཞུང་ལམ་ཟོག་འདྲེན་གྱི་བདུན་ཆ་གཅིག་ཡིན་པ་དང་ནང་འབར་འཕྲུལ་འཁོར་གྱི་སྦགས་བཙོག་འབུད་ཚད་ནི་གཞུང་ལམ་ཟོག་འདྲེན་གྱི་བཅུ་གསུམ་གྱི་ཆ་གཅིག་ཡིན་པའི་ཁར་གློག་ཤུགས་ཅན་གྱི་ལྕགས་ལམ་ལ་ཧ་ལམ་སྦགས་བཙོག་མེད། པེ་ཅིང་ཐེན་ཅིན་ཧོ་པེ་དང་དེ་བཞིན་མཐའ་འཁོར་ས་ཁུལ་གྱི་ཞིང་ཆེན་དང་གྲོང་ཁྱེར་8ལ་ཆ་མཚོན་ན། 2018ལོ་དང་2019ལོའི“གཞུང་ལམ་དབོར་འདྲེན་ནས་ལྕགས་ལམ་དབོར་འདྲེན་དུ་འགྱུར་བའི”དངོས་ཟོག་དབོར་འདྲེན་བྱེད་ཚད་ཏུན་དུང་ཕྱུར་3གཡས་གཡོན་ཟིན་པ་དེ་དབྱང་གཉིས་ཐཱན་འགྱུར་འབུད་ཚད་ཏུན་ཁྲི་800ཉུང་དུ་ཕྱིན་པ་དང་མཚུངས་ཞེས་བཤད་པ་རེད། །
རྩོམ་སྒྲིག་པ། བདེ་སྒྲོལ།