2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ། ཞི་ཅིན་ཕིང་དང་ཨར་པ་ནི་ཡའི་ཙུང་ཐུང་མའེ་ཐ་རྣམ་གཉིས་ཀྱིས་ཀྲུང་གོ་དང་ཨར་པ་ནི་ཡའི་དབར་ཕྱི་འབྲེལ་བཙུགས་ནས་ལོ་ངོ་70འཁོར་བར་ཕན་ཚུན་རྟེན་འབྲེལ་གློག་འཕྲིན་བཏང་གནང་བ། 《ཀྲུང་གོའི་བོད་ལྗོངས》དུས་དེབ་སྤེལ་ནས་ལོ་འཁོར་30ལོན་པ་དང་ཀྲུང་གོའི་བོད་ལྗོངས་དྲ་བ་བཙུགས་ནས་ལོ་འཁོར་20ལོན་པའི་བཞུགས་མོལ་ཚོགས་འདུ་པེ་ཅིང་དུ་འཚོགས་པ། ཆེད་མཁས་པས2020ལོའི་བོད་ཀྱི་ལོ་སར་དང་དཔྱིད་གསར་དུས་ཆེན་གཉིས་བར་ཟླ་གཅིག་ཡོད་པའི་གསང་བ་བརྟོལ་བ། ཞི་ཅིན་ཕིང་གིས་ཨ་རིའི་རྒྱལ་དོན་བློན་ཆེན་ཟུར་པ་ཅིས་ཤིན་ཀེ་དང་མཇལ་འཛོམས་གནང་བ། ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

རིག་གནས་དང་ཡུལ་སྐོར་པུའུ་ཡིས་གཏན་འབེབས་གསར་པ་བཏོན་ཏེ་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཕྱིར་འཐེན་གྱི་ལམ་སྲོལ་འཐུས་སྒོ་ཚང་དུ་བཏང་བ།

སྤེལ་དུས 2019-12-12 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ།
         ཚེས་10ཉིན། རིག་གནས་དང་ཡུལ་སྐོར་པུའི་གཞུང་ཕྱོགས་དྲ་ཚིགས་ཐོག《རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ངོས་འཛིན་གཏན་འཁེལ་དང་དོ་དམ་བྱ་ཐབས》སྤེལ་ཞིང་། བྱ་ཐབས་ནང་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣས་དེ་བས་ལེགས་པའི་ངང་རྒྱུན་འཛིན་བྱེད་པར་ལྕག་སྐུལ་དང་རྒྱབ་སྐྱོར་བྱས་པ་མ་ཟད། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཕྱིར་འཐེན་གྱི་ལམ་སྲོལ་འཐུས་སྒོ་ཚང་དུའང་བཏང་བ་རེད།
         བྱ་ཐབས་ནང་། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣ་ངོས་འཛིན་གཏན་འཁེལ་དང་དོ་དམ་བྱེད་པར་མངོན་མིན་རིག་གནས་ཤུལ་བཞག་གི་རྒྱུན་འཛིན་མ་ལག་འཐུས་སྒོ་ཚང་དུ་གཏོང་རྒྱུར་གཞི་ཚུགས་ཏེ། མངོན་མིན་རིག་གནས་ཤུལ་བཞག་གི་རྒྱུན་མཐུད་ནུས་པ་ཆེ་རུ་གཏོང་བ་དང་རྒྱུན་འཛིན་པའི་བྱེད་པོའི་གནས་བབ་དང་དབང་ཆར་བརྩི་འཇོག་བྱས་ནས་སྡེ་ཁུལ་དང་ཚོགས་སྤྱིའི་མོས་སེམས་ཐོབ་པར་སྣང་ཆེན་བྱེད་དགོས་པའི་གཏན་འབེབས་བྱས་ཡོད།
         བྱ་ཐབས་ནང་རྩལ་ནུས་བྱང་ཆུབ་ཚད་དང་། མཚོན་བྱེད་རང་བཞིན། སྤྱི་ཚོགས་ཀྱི་ཤུགས་རྐྱེན་ཐེབས་ཤུགས། རྒྱུན་འཛིན་བྱེད་སྒོ་སྤེལ་བ། གཤིས་སྤྱོད་བློ་སྦྱོང་སོགས་ཀྱི་ཐད་ནས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣ་ངོས་འཛིན་གཏན་འཁེལ་གྱི་ཆ་རྐྱེན་ལ་གཏན་འབེབས་ཞིབ་ཕྲ་བྱས་པ་དང་། སྤྱིར་ན་ལོ་ལྔ་རེར་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣ་ཁག་གཅིག་ངོས་འཛིན་གཏན་འཁེལ་གྱི་ལས་དོན་སྤེལ་ཏེ་དཔྱད་ཡིག་བསྐྱར་ཞིབ་དང་། དགོས་མཁོ་གཞིར་བཟུང་ས་གནས་ས་ཐོག་ཏུ་རྩོད་ལན་བཀོད་སྒྲིག སྤྱི་དམངས་ཀྱི་བསམ་འཆར་མི་འདྲ་བ་སོགས་དཔྱད་ཞིབ་ཀྱི་གོ་རིམ་དང་ལྷུ་ཚིགས་མང་དུ་གཏོང་རྒྱུ་ཡིན་ཞེས་ཁ་གསལ་བཏོན་ཡོད།
         བྱ་ཐབས་ནང་། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣས་ཟོལ་མེད་དང་། སྡུག་རུས། བབ་ཆགས་བཅས་ཀྱི་གཤིས་རྒྱུད་ཞུན་བརྡར་བྱས་ནས་འགན་འཁྲི་དང་འགན་འཁུར་གྱི་འདུ་ཤེས་ཟབ་ཏུ་གཏོང་བ་དང་། རྒྱུན་འཛིན་གྱི་ལག་ལེན་ནུས་པ་ཆེ་རུ་གཏོང་བ། རྒྱུན་འཛིན་དང་བརྒྱུད་སྤེལ་སོགས་ཀྱི་བྱེད་སྒོ་སྤེལ་སྐབས་ཡང་དག་པའི་ལོ་རྒྱུས་ཀྱི་ལྟ་བ་དང་། རྒྱལ་ཁབ་ཀྱི་ལྟ་བ། མི་རིགས་ཀྱི་ལྟ་བ། རིག་གནས་ཀྱི་ལྟ་བ་བཅས་མཐའ་འཁྱོངས་བྱེད་དགོས། ཞིང་ཆེན་རིམ་པའི་རིག་གནས་དང་ཡུལ་སྐོར་གཙོ་གཉེར་སྡེ་ཚན་གྱིས་ཁྲིད་སྦྱོང་གི་འཆར་གཞི་གཞིར་བཟུང་། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣའི་འོས་འགན་སྒྲུབ་ཚུལ་དང་ཁྲིད་སྦྱོང་གི་ཁ་གསབ་དངུལ་སྤྱོད་ཚུལ་ལ་དཔྱད་དཔོག་བྱས་ཏེ་དཔྱད་དཔོག་བྱས་འབྲས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣར་འགྱུར་མིན་གྱི་འོས་ཐོབ་དང་ཁྲིད་སྦྱོང་ཁ་གསབ་སྤྲོད་འོས་མིན་གྱི་གཞི་འཛིན་ས་གཙོ་བོར་བརྩི་དགོས་པའི་གཏན་འབེབས་བྱས་པ་རེད།
         བྱ་ཐབས་ནང་། ད་དུང་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣའི་ཕྱིར་འཐེན་ལམ་སྲོལ་འཐུས་སྒོ་ཚང་དུ་བཏང་ནས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣའི་འོས་ཐོབ་མེད་པར་བཟོ་བའི་ཞིབ་ཕྲའི་གནས་ཚུལ་ཁ་གསལ་བཟོ་དགོས་པ་དང་། གྲོངས་ཟིན་པའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣའི་དོ་དམ་ཚད་ལྡན་དུ་བཏང་ནས་མི་ཆོས་ཀྱི་སེམས་ཁུར་གང་ལེགས་མཚོན་པར་བྱེད་དགོས་པའི་གཏན་འབེབས་བྱས་པ་རེད།
         ཤེས་རྟོགས་བྱུང་བར་གཞིགས་ན། མིག་སྔར། རིག་གནས་དང་ཡུལ་སྐོར་པུའུ་ཡིས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣ་ཁག་ལྔ་ཡི་མི་3068ངོས་འཛིན་གཏན་འཁེལ་བྱས་ཡོད། ཀྲུང་དབྱང་ནོར་སྲིད་ནས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣ་རེར་ལོ་རེར་ཁྲིད་སྦྱོང་ཁ་གསབ་དངུལ་སྒོར་ཁྲི་2རེ་སྤྲད་དེ་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་མི་སྣས་ཁྲིད་སྦྱོང་བྱེད་སྒོ་སྤེལ་རྒྱུར་རྒྱབ་སྐྱོར་བྱེད་ཀྱི་ཡོད་པ་རེད།
རྩོམ་སྒྲིག་པ། བདེ་སྒྲོལ།