ཞི་ཅིན་ཕིང་ནས་མཛུབ་སྟོན་གལ་ཆེན་འདི་འདྲ་ཞིག་གནང་འདུག
སྤེལ་དུས 2020-01-29
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཀྲུང་དབྱང་རླུང་འཕྲིན་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས་27ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་མཛུབ་སྟོན་གལ་ཆེན་གནང་བ་དང་། མིག་སྔའི་ཏོག་དབྱིབས་ནད་དུག་གསར་པའི་གློ་ཚད་སྔོན་འགོག་དང་ཚོད་འཛིན་བྱེད་པའི་ཛ་དྲག་འཐབ་རྩོད་ཁྲོད་དུ་རིམ་ཁག་ཏང་རྩ་འཛུགས་དང་ཏང་ཡོན་ལས་བྱེད་པས་ངེས་པར་དུ་མི་དམངས་ཀྱི་ཁེ་ཕན་གང་ཞིག་ལས་ཀྱང་ལྷག་པའི་འདུ་ཤེས་བློ་ལ་བརྟན་པོ་ངེས་པ་དང་། ཐོག་མའི་བསམ་འདུན་མི་བརྗེད་པར། འགན་འཁྲི་བློ་ལ་བརྟན་པོ་ངེས་ཐོག་རྒྱ་ཆེའི་མི་དམངས་མང་ཚོགས་ལ་སྣེ་ཁྲིད་དེ་ཏང་ཀྲུང་དབྱང་གི་འཐབ་ཇུས་བཀོད་སྒྲིག་གལ་ཆེན་ལག་བསྟར་དོན་འཁྱོལ་བྱེད་དགོས་པ་དང་། སྒོ་ཀུན་ནས་ཆོད་སེམས་བརྟན་པོ་དང་ཕྱར་བ་གྲུ་འདེགས། ཚན་རིག་དང་མཐུན་པའི་འགོག་བཅོས། གནད་འཕིགས་ཇུས་འདོན་བཅས་ཀྱི་བླང་བྱ་ལག་ལེན་བསྟར་ནས་ཏང་དར་རིམས་ནད་སྔོན་འགོག་དང་ཚོད་འཛིན་བྱེད་པའི་འཐབ་ས་དང་པོར་ལྷབ་ལྷབ་ཏུ་གཡོ་བ་བྱེད་དགོས་པའི་བླང་བྱ་བཏོན་གནང་ཡོད།
ཞི་ཅིན་ཕིང་གིས། རིམ་ཁག་ཏང་ཨུད་ཀྱིས་ཚན་རིག་དང་མཐུན་པའི་སྒོ་ནས་གནས་བབ་ལ་དབྱེ་ཞིབ་དང་། རིམས་ནད་གནས་ཚུལ་ཁོང་དུ་ཆུད་པ། གཅིག་གྱུར་འགོ་ཁྲིད་དང་། གཅིག་གྱུར་བཀོད་འདོམས། གཅིག་གྱུར་བྱ་སྤྱོད་སྤེལ་བ་བཅས་བྱེད་དགོས། རིམ་ཁག་ཏང་རྩ་འཛུགས་ཀྱི་འགོ་ཁྲིད་མཉམ་སྡེབ་དང་འགོ་ཁྲིད་ལས་བྱེད་པ། ལྷག་པར་དུ་འགན་འཁུར་བློ་མཐུན་གཙོ་བོས་ལས་གནས་བརྟན་སྲུང་དང་མདུན་གྲལ་དུ་བཀོད་འདོམས་བྱས་ནས། ས་ཆ་སྲུང་བར་འགན་འཁྲི་ཡོད་པ་དང་། ས་ཆ་སྲུང་བའི་འགན་འཁྲི་འཁུར་བ། ས་ཆ་སྲུང་སྟེ་འགན་དཀྲི་སྒྲུབ་པ་བཅས་བྱེད་དགོས། གཞི་རིམ་ཏང་རྩ་འཛུགས་དང་རྒྱ་ཆེའི་ཏང་ཡོན་གྱིས་དམག་འཐབ་བཙན་རྫོང་གི་ནུས་པ་དང་གདོང་ལེན་མིག་དཔེའི་ནུས་པ་འདོན་སྤེལ་གྱིས་མང་ཚོགས་ལ་སྐུལ་སློང་དང་མང་ཚོགས་སྒྲིག་འཛུགས། མང་ཚོགས་གཅིག་སྡུད་བཅས་བྱས་ཏེ་སྒོ་ཀུན་ནས་མཉམ་འགོག་མཉམ་འཛིན་གྱི་བྱ་ཐབས་ལག་བསྟར་དང་། མཉམ་འགོག་མཉམ་བཅོས་བྱེད་པའི་འགོག་སྲུང་མཚམས་ཐིག་འགྲུབ་པ་བྱེད་དགོས། རིམ་ཁག་ཏང་ཨུད་ཀྱིས་ཛ་དྲག་པའི་འཐབ་རྩོད་འདིའི་ལག་ལེན་ཁྲོད་ལས་བྱེད་པར་རྟོག་ཞིབ་བྱེད་དགོས་པ་དང་། རྒྱ་ཆེའི་ཏང་ཡོན་དང་ལས་བྱེད་པས་དཀའ་བའི་དུས་སུ་མདུན་དུ་ཤོར་བ་དང་། དཔའ་ངར་ཆེན་པོས་འབད་འཐབ་བྱེད་པ། ལས་དོན་ཏན་ཏིག་སྒྲུབ་པ་བཅས་བྱ་རྒྱུར་སྐུལ་མ་དང་ཁྲིད་སྟོན་བྱས་ཏེ་མི་དམངས་མང་ཚོགས་ལ་བརྟེན་ནས་རིམས་ནད་སྔོན་འགོག་དང་ཚོད་འཛིན་བྱེད་པའི་འགོག་སྲུང་དམག་འཐབ་ལ་རྒྱལ་ཁ་མཐའ་གཅིག་ཏུ་ལེན་དགོས་ཞེས་ནན་སྟོན་གནང་ཡོད་པ་རེད།
རྩོམ་སྒྲིག་པ། སངས་སྐྱབས།
