ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > པར་རིས་གསར་འགྱུར།

ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས།

སྤེལ་དུས 2018-06-05 ཡོང་ཁུངས། མཚོ་སྔོན་བོད་སྐད་བརྙན་འཕྲིན་ཁང་། རྩོམ་པ་པོ། རྡོ་རྗེས་བསྒྲིགས།

          ཟླ6པའི་ཚེས2ཉིན། རྒྱལ་སྤྱིའི་མཆོང་རྒྱུག་འགྲན་སྡུར་སི་ཕེན་གྱི་ལ་ཁི་ལུའུ་ཉིས་ཡཱ་ནས་ཚོགས་ཤིང་། མཚོ་སྔོན་ཞིང་ཆེན་གྱི་ཆོས་དབྱིངས་སྐྱིད་ཀྱིས་སྤྱི་ལེ20ཡི་འགྲན་སྡུར་ཁྲོད། མི་སྒེར་གྱི་སྐར་འབྲས་ཆེས་བཟང་བ་སྟེ། ཆུ་ཚོད1སྐར26སྐར་ཆ28ཀྱིས་ཨང་དང་པོ་བླངས། 
          ཉམས་མྱོང་ཕུན་སུམ་ཚོགས་ཤིང་ཆོད་སེམས་རབ་ཏུ་བརྟན་པའི་ཆོས་དབྱིངས་སྐྱིད་ཀྱིས་འགྲན་སྡུར་མགོ་བརྩམས་མ་ཐག་ནས་རང་ཉིད་ཀྱི་ཁྱད་ཆོས་ངོམས་ཏེ། འགྲན་ཡ་གཞན་གྱི་རྙོག་ཟིང་ལས་ཐར་ཤིང་། གཅིག་པུས་སྔུན་བཅད། ཆོས་དབྱིངས་སྐྱིད་ཀྱིས་ཐོག་མའི་སྤྱི་ལེ་ལྔ་སྐར21དང་སྐར་ཆ36གིས་རྒྱུག་པ་ན། ཨང་གཉིས་པ་ལས་སྐར་ཆ46གིས་སྔོན་བླངས་ཡོད་པས། རྒྱལ་སྤྱིའི་མཆོང་རྒྱུག་གི་གཞུང་དྲ་ཡིས་ཆོས་དབྱིངས་སྐྱིད་ནི་སུར་ཙེ་ཡི་དུས་ཚོད་བཞིན་འཕྱུག་འདའ་མེད་པ་ཞིག་རེད་ཅེས་བསྟོད་བསྔགས་བྱས། 
          མཇུག་མཐར་མོས་ཆུ་ཚོད1སྐར26སྐར་ཆ28ཀྱི་སྐར་འབྲས་ཀྱིས་ཨང་དང་པོ་བླངས་ཤིང་། ད་ལོའི་མི་སྒེར་གྱི་ཆེས་མཐོ་བའི་སྐར་འབྲས་བླངས། འདི་ཡང་ཀྲུང་གོའི་བུད་མེད་ཀྱིས་སྲོལ་རྒྱུན་གྱི་འགྲན་སྡུར་འདིའི་སྟེང་ནས་བླངས་པའི་ཐེངས་ལྔ་བའི་ཨང་དང་པོ་རེད། 2015ལོར་ཆོས་དབྱིངས་སྐྱིད་འགྲན་སྡུར་འདི་ལས་ཨང་གཉིས་པ་བླངས། 
          འགྲན་སྡུར་མཇུག་གྲིལ་རྗེས། མོས་གསར་འགོད་པའི་བཅར་འདྲི་དང་ལེན་བྱས་ཏེ་བཤད་རྒྱུར། བདག་གིས་རང་ཉིད་ལ་དམིགས་འབེན་བཞག་ཡོད་པ་ནི་ཆུ་ཚོད1སྐར27ནང་རྒྱུག་ཚར་རྒྱུ་དེ་ཡིན་ལ། འགྲན་སྡུར་ཁྲོད་སྤྱི་ལེ་གཉིས་ཀྱི་རྗེས་རྒྱུག་ཚད་ཇེ་མགྱོགས་སུ་གཏོང་བར་ཚོད་ལྟ་བྱས་པ་ཡིན། འགྲན་སྡུར་འདིའི་རྗེས་ནས་ཟླ8པར་ཡཱ་ཅ་ཏ་ཡ་གླིང་འགྲན་ཚོགས་ཀྱི་འགྲན་སྡུར་ལ་གྲ་སྒྲིག་བྱས་ཏེ་སྐར་འབྲས་ལེགས་པོ་ཞིག་འཐོབ་རྒྱུར་ཧུར་ཐག་བྱེད་རྒྱུ་ཡིན་ཟེར།
          སྤྱི་ལོ2012ལོར་ལོན་ཏུན་ཨོ་ལིན་འགྲན་ཚོགས་ནས་དངུལ་གྱི་རྟགས་མ་བླངས་རྗེས། ཧ་ཅང་ལེགས་པའི་འགྲན་སྡུར་གྱི་ངང་ཚུལ་རྒྱུན་འཁྱོངས་བྱས་ཤིང་། ད་ལོའི་ཟླ3པའི་ཚེས3ཉིན། རྒྱལ་ཡོངས་འདུར་རྒྱུག་འགྲན་ཚོགས་སམ་རྒྱལ་སྤྱིའི་རྒྱུག་འགྲན་འཛམ་གླིང་འདུར་རྒྱུག་ཐུན་མོང་འགྲན་སྡུར་གྱི་བདམས་གསེས་འགྲན་སྡུར་ཨན་ཧོས་ནས་ཚོགས་པ་དང་། ཆོས་དབྱིངས་སྐྱིད་ཀྱིས་ཆུ་ཚོད1སྐར27སྐར་ཆ36གིས་ཨང་དང་པོ་བླངས་ལ། ཟླ4པའི་ཚེས7ཉིན། མོས་ཆུ་ཚོད1སྐར28སྐར་ཆ04ཡི་སྐར་འབྲས་ཀྱིས་2018ལོའི་རྒྱལ་སྤྱིའི་རྒྱུག་འགྲན་འགྲན་སྡུར་ལས་ཕོར་ཐུ་ཀེ་ས་ཚིགས་ལས་སྐྱེས་མའི་སྤྱི་ལེ20ཡི་ཨང་དང་པོ་བླངས། ཟླ5པའི་ཚེས5ཉིན། 2018ལོའི་འཛམ་གླིང་འདུར་རྒྱུག་ཐུན་མོང་འགྲན་སྡུར་ཁྲོད། ཆོས་དབྱིངས་སྐྱིད་ཀྱིས་ཀྲུང་གོའི་སྐྱེས་མའི་ཚབ་བྱས་ཏེ་སྐྱེས་མའི་སྤྱི་ལེ20ཡི་ཐུན་མོང་འགྲན་སྡུར་གྱི་ཨང་དང་པོ་བླངས་པ་རེད།