གཞི་རིམ་དུ་འཁྲབ་སྟོན་བྱས་ནས་དམངས་སེམས་དྲོ་བར་བྱས།
སྤེལ་དུས 2018-11-13
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ། རྡོ་རྗེས་བསྒྲིགས།
འདི་ནི་རིག་རྩལ་ལས་དོན་པས་ལྷུན་གྲུབ་རྫོང་གསུམ་འཕྲང་ཤང་དུ་མང་ཚོགས་ལ་གླུ་གར་འཁྲབ་སྟོན་བྱེད་བཞིན་པ།
ཀྲུང་གོའི་བོད་ལྗོངས་དྲ་བའི་འཕྲིན། ཉེ་བའི་ལོ་ཤས་ནང་བོད་ལྗོངས་ཀྱི་རིག་གནས་ཁོངས་གཏོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པ་དང་ལྷག་པར་དུ་རིག་རྩལ་ལས་དོན་གྱི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་གཏིང་ཟབ་བྱས་ཏེ་སེམས་པ་མང་ཚོགས་དང་ཉེ་བཅར་དང་རྩ་བ་གཞི་རིམ་དུ་ཚུགས་པ་བྱས་པ་དང་། སྤྱི་པའི་རིག་གནས་ཞབས་ཞུའི་མ་ལག་འཐུས་སྒོ་ཚང་དུ་གཏོང་རྒྱུར་ཤུགས་སྣོན་བརྒྱབ་པ། གཞི་རིམ་གྱི་ཞིང་འབྲོག་མང་ཚོགས་ཀྱི་འཁྲབ་སྟོན་ཚོགས་པར་རོགས་སྐྱོར་བྱས་པ། གཞི་རིམ་དུ་རིག་རྩལ་འཁྲབ་སྟོན་བྱེད་པར་བསྐྱོད་པ། མང་ཚོགས་ཀྱིས་ལྟ་འདོད་ཅིང་ཉན་སྤྲོ་བའི་རིག་རྩལ་བརྩམས་ཆོས་གསར་གཏོད་བྱས་པ་བཅས་ཀྱི་ཐོག་ནས་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་བཏང་བ་རེད།