ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > གསར་འགྱུར། > པར་རིས་གསར་འགྱུར།

ཚན་ཞིབ་མི་སྣས་བོད་ལྗོངས་མེ་ཏོག་ནས་བྷང་ག་ལའི་སྟག་པར་བླངས་པ།

སྤེལ་དུས 2019-09-11 ཡོང་ཁུངས། མི་དམངས་དྲ་བ། རྩོམ་པ་པོ།

        ཟླ་8ཚེས་6ཉིན། ཀྲུང་གོའི་ཚན་རིག་སློབ་གླིང་ཁུན་མིང་སྲོག་ཆགས་ཞིབ་འཇུག་སའོ་ཡིས་ཚེས་6ཉིན་ཕྱི་ཕྱོགས་སུ་ཁྱབ་བསྒྲགས་བྱས་དོན། སའོ་དེའི་ཚན་ཞིབ་མི་སྣས་བོད་རང་སྐྱོང་ལྗོངས་མེ་ཏོག་རྫོང་ནང་ཁོངས་སུ་བཀོད་སྒྲིག་བྱས་པའི་དམར་ཕྱིའི་པར་ཆས་ཀྱིས་ཐེངས་དང་པོར་བདག་ཏུ་མ་བཟུང་བའི་སྲོག་ཆགས་ཏེ་བྷང་ག་ལའི་སྟག་པར་བླངས་ཡོད། ཚན་ཞིབ་མི་སྣས་བལྟས་ན། མིག་སྔའི་མེ་ཏོག་རྫོང་གི་སྐྱེ་ཁམས་ཁོར་ཡུག་ཏུ་བདག་ཏུ་མ་བཟུང་བའི་སྲོག་ཆགས་ཏེ་བྷང་ག་ལའི་སྟག་རིགས་འཚོ་གནས་དང་སྐྱེ་འཕེལ་བྱ་ཐུབ་པས། བོད་ལྗོངས་ཀྱི་སྐྱེ་ཁམས་རིག་གནས་འཛུགས་སྐྲུན་དང་སྲོག་ཆགས་སྣ་མང་རང་བཞིན་གྱི་ལས་ཀ་ལ་གྲུབ་འབྲས་གཟེངས་སུ་ཐོན་པ་མཚོན་ཡོད།
        ཤེས་རྟོགས་བྱུང་བར་གཞིགས་ན། བོད་རང་སྐྱོང་ལྗོངས་ནགས་ཚལ་དང་རྩྭ་ཐང་ཅུས་ཀྱིས་ཆོག་མཆན་སྤྲད་ཅིང་རྒྱབ་སྐྱོར་བྱས་པ་དང་། དེ་བཞིན་དུ་ཉིང་ཁྲི་གྲོང་ཁྱེར། མེ་ཏོག་རྫོང་ནགས་ཚལ་དང་རྩྭ་ཐང་ཅུས་ཀྱི་རོགས་སྐྱོར་འོག 2018ལོའི་ཟླ་10པ་ནས་བཟུང་། ཀྲུང་གོའི་ཚན་རིག་སློབ་གླིང་ཁུན་མིང་སྲོག་ཆགས་ཞིབ་འཇུག་སའོ་ཡི་གཅན་གཟན་སྐྱེ་ཁམས་དང་འཕེལ་འགྱུར་རིག་ཚན་ཚོ་ཆུང་གི་ཞིབ་འཇུག་པ་གཞོན་པ་ལི་ཞའེ་ཡིའུ་ཡིས་རུ་ཁག་ཁྲིད་དེ། མེ་ཏོག་རྫོང་ནང་ཁོངས་སུ་འོ་འཐུང་སྲོག་ཆགས་ལ་བརྟག་དཔྱད་ཞིབ་འཇུག་བྱས་པ་དང་། རྒྱ་མཚོའི་ངོས་ལས་མཐོ་ཚད་སྐས་རིམ་ལྟར་དམར་ཕྱིའི་པར་ཆས་48བཀོད་སྒྲིག་བྱས་ནས། བརྟག་དཔྱད་ཞིབ་ཆས་བརྒྱུད་དེ་མེ་ཏོག་རྫོང་གི་བདག་ཏུ་མ་བཟུང་བའི་སྲོག་ཆགས་རྩ་ཆེན་གྱི་སྣ་མང་རང་བཞིན་དང་དེའི་ཁྱབ་ཚུལ་ལ་བརྟག་དཔྱད་ཞིབ་བཤེར་བྱས།

        མེ་ཏོག་རྫོང་ནི་བོད་ལྗོངས་ཤར་ལྷོའི་རྒྱུད་ཀྱི་ཡར་ཀླུང་གཙང་པོའི་གྲོག་རོང་ཁུལ་དུ་ཆགས་ཡོད་ཅིང་། དེ་ནི་རང་རྒྱལ་གྱི་གཞུང་ལམ་ཤར་གཏོང་བྱུང་བའི་རྫོང་ཆེས་མཐའ་མ་དེ་རེད། འགྲིམ་འགྲུལ་ཆ་རྐྱེན་གྱིས་ཚོད་འཛིན་ཐེབས་པས། མེ་ཏོག་གི་ས་ཆ་མང་ཤོས་ཀྱི་སྐྱེ་ཁམས་ཁོར་ཡུག་ལ་མིས་གནོད་འཚེ་ཐེབས་པ་ཉུང་ཞིང་། སྐྱེ་ཁམས་མ་ལག་གི་གདོད་མའི་རང་བཞིན་ཉར་ཚགས་ཡང་དག་བྱས་ཡོད། ཉེ་བའི་ལོ་འགའི་རིང་། གྲོང་མིས་རྫོང་ནང་ཁོངས་ནས་སྟག་གི་རྐང་རྗེས་དང་འདྲ་བོ་ཞིག་མཐོང་བ་བཤད། ཡིན་ནའང་། བྷང་ག་ལའི་སྟག་རང་རྒྱལ་བོད་ལྗོངས་ཤར་ལྷོ་རྒྱུད་ཀྱི་རང་བྱུང་ཁོར་ཡུག་ཏུ་འགྲོ་འོང་བྱེད་པར་བདེན་དཔང་ཡང་དག་ཅིག་བྱུང་མེད།
        ལི་ཞའེ་ཡུའེ་ཡིས་ངོ་སྤྲོད་བྱས་དོན། ཐེངས་འདིར་སྤྱི་བསྒྲགས་བྱས་པའི་བདག་ཏུ་མ་བཟུང་བའི་སྲོག་ཆགས་ཏེ་བྷང་ག་ལའི་སྟག་གི་འདྲ་པར་ནི་ད་ལོའི་ཟླ་1པོར་བླངས་ཤིང་། ཟླ་4པར་དམར་ཕྱིའི་པར་ཆས་ཕྱིར་བསྡུ་སྐབས་སུ་ཤེས་རྟོགས་བྱུང་བ་རེད། འདི་ཡིས་རང་རྒྱལ་མངའ་ཁོངས་ཀྱི་གདོད་མའི་ཁོར་ཡུག་ཏུ་བྷང་ག་ལའི་སྟག་ཡོད་པ་ཐད་ཀར་བདེན་དཔང་གྲུབ་པ་རེད། གཞན་ཡང་། དམར་ཕྱིའི་པར་ཆས་ཀྱིས་གཟིག་དང་། བྱི་ལ་སོགས་སྲོག་ཆགས་རྩ་ཆེན་14དང་ཚར་ལ་ཉེ་བའི་གཅན་གཟན་ཐོ་འགོད་བྱས་ཡོད། ཕུན་སུམ་ཚོགས་པའི་རྨིག་གཉིས་རིགས་ཀྱི་སྲོག་ཆགས་གཞི་གྲངས་ཀྱིས་མེ་ཏོག་རྫོང་གི་སྐྱེ་ཁམས་ཁོར་ཡུག་བཟང་པོ་ཡོད་ཅིང་། བདག་ཏུ་མ་བཟུང་བའི་སྲོག་ཆགས་ཏེ་བྷང་ག་ལའི་སྟག་རིགས་དང་དེ་བཞིན་དུ་གཅན་གཟན་རིགས་གཞན་འཚོ་གནས་དང་སྐྱེ་འཕེལ་བྱེད་ཐུབ་ཀྱི་ཡོད་པ་མཚོན།
རྩོམ་སྒྲིག་པ། རྡོ་རྗེ།