ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ལྗོངས་གསར་འགྱུར།

བོད་དུ་བཙན་པོའི་དུས་སྐབས་ཀྱི་འབུར་བཟོའི་རྡོ་རིང་ཐོག་མར་རྙེད་པ་ལས་ནུབ་རྒྱུད་དུ་ནང་བསྟན་ཆོས་ལུགས་ལ་དད་པ་བྱེད་པ་ར་སྤྲོད་ཐུབ་པ།

སྤེལ་དུས 2018-01-12 ཡོང་ཁུངས། མི་དམངས་ཉིན་རེའི་ཚགས་པར། རྩོམ་པ་པོ། བདེ་སྐྱིད་བུ་ཁྲིད།
          ཀྲུང་གོ་གསར་འགྱུར་དྲ་བའི་ཐོག་གནས་ཚུལ་སྤེལ་བ་གཞིར་བཟུང་། “སྤུ་ཧྲེང་གི་སྤྱན་རས་གཟིགས་ཀྱི་རྡོ་རིང་ནི་བོད་ལྗོངས་མངའ་རིས་ས་ཁུལ་གྱི་ཁོངས་སུ་ད་བར་ཤེས་རྟོགས་ཐུབ་པའི་ལོ་རབས་སྔ་ཤོས་ཀྱི་རྡོ་རིང་ཞིག་ཡིན་ལ། ད་བར་ཉར་ཚགས་བྱས་པའི་བཙན་པོའི་དུས་སྐབས་ཀྱི་འབུར་བཟོའི་རྡོ་རིང་ཐོག་མ་དེའང་རེད”ཅེས་བོད་རང་སྐྱོང་ལྗོངས་རིག་དངོས་སྲུང་སྐྱོང་ཞིབ་འཇུག་སུའོ་ཡི་ཞིབ་འཇུག་པ་གཞོན་པ་ཤར་དགེ་དབང་འདུས་ཀྱིས་ཉིན་ཤས་གོང་ཀྲུང་གོ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས་དེ་ལྟར་བརྗོད་པ་དང་། དེས་ནང་བསྟན་ཆོས་ལུགས་ལ་དད་པ་བྱེད་པ་དང་ཆོས་ལུགས་དར་སྤེལ་ལ་སྐུལ་འདེད་གཏོང་བའི་བྱ་ཐབས་དེ་ས་ཁོངས་དེར་དར་བ་མཚོན་པ་དང་ཆབས་ཅིག བོད་ཀྱི་སྟོད་རྒྱུད་ཀྱི་མངའ་རིས་ཀྱི་ལོ་རྒྱུས་རིག་གནས་དང་ནང་བསྟན་ཆོས་ལུགས་ཀྱི་སྒྱུ་རྩལ་ཞིབ་འཇུག་ལ་དཔྱད་གཞིའི་རིན་ཐང་གལ་ཆེན་ལྡན་པ་ར་སྤྲོད་ཐུབ་ཡོད།
          སྤུ་ཧྲེང་གི་སྤྱན་རས་གཟིགས་ཀྱི་རྡོ་རིང་དེ་བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་གི་གྲོང་སྡེ་ཞིག་ཏུ་གནས་ཤིང་། ད་ལྟ་སྲུང་སྐྱོང་བྱེད་ས་བསྐྲུན་ཡོད་པ་དང་རྡོ་རིང་དེའི་མཐོ་ཚད་ལི་སྨི་210དང་། ཞེང་ཚད་ལི་སྨི་50 མཐུག་ཚད་ལི་སྨི་17ནས་18བར་བཅས་ཟིན་པ་དང་ངོས་སུ་ས་གནས་དེ་གའི་མི་སེར་གྱིས་ཆོས་མཇལ་ཞུ་སྐབས་མར་བྱུག་ཤུལ་ཡང་ཡོད།
          རྡོ་རིང་གི་མདུན་ངོས་སུ་ཕྱག་ན་པད་མ་སྤྱན་རས་གཟིགས་ཀྱི་ལྡེམ་སྐུའི་འབུར་བརྐོས་ཤིག་ཡོད་པ་དེའི་མཐོ་ཚད་ལ་སྨི་1.68ཡོད་པ་དང་། གཞོགས་གཉིས་སུ་གནའ་བོའི་བོད་ཡིག་འཁོད་ཡོད་པ་དེ་ནི་གནའ་བོའི་གཤོང་རྐོས་ཀྱི་བོད་ཡིག་ཡིན་པ་དང་། ཡིག་གཟུགས“དབུ་ཅན”རེད།
          ཤར་དགེ་དབང་འདུས་ཀྱིས་སྤྱན་རས་གཟིགས་ཀྱི་སྐུ་འདྲ་བཟོ་བའི་ཉམས་འགྱུར་ཧྲིལ་པོ་ཏུན་ཧོང་སྒྱུ་རྩལ་གྱི་བཙན་པོའི་གྲུབ་ཆ་དང་དྭགས་པོ་གྲྭ་ཚང་སོགས་ཀྱི་ཀ་སྨིར་གོམས་སྲོལ་ཟུང་འབྲེལ་བྱས་པ་འདྲ་པོ་ཡོད་པ་དེ་ལས་བཙན་པོའི་རྒྱལ་རབས་ཀྱི་དུས་མཇུག་ཏུ་བོད་ཀྱི་ནུབ་རྒྱུད་མངའ་རིས་སུ་ནང་བསྟན་ཆོས་ལུགས་ཀྱི་འབུར་བཟོའི་དྲན་གསོའི་རྡོ་རིང་ཐོན་འགོ་ཚུགས་པ་མཚོན་གྱི་ཡོད་ཅེས་བཤད།