ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ལྗོངས་གསར་འགྱུར།

འཇོ་མདའ་རྫོང་གི་གནས་སྤོས་དབུལ་སྐྱོར་ས་ཚིགས་སུ་ཁང་པ་གསར་པར་སྤོས་ནས་ལོ་གསར་པ་བསུ།

སྤེལ་དུས 2018-02-14 ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ། བསོད་ནམས་དབང་འདུས།
              འཇོ་མདའ་གྲོང་རྡལ་གྱི་འབོ་ཐང་གྲོང་ཚོའི་དབུལ་སྐྱོར་གནས་སྤོས་གཅིག་སྡུད་བཀོད་སྒྲིག་བྱ་ཡུལ་དུ་འབྱོར་སྐབས་གྲལ་འགྲིག་ལ་གཅིག་གྱུར་གྱི་ཐོག་བརྩེགས་ཁང་པ་དང་གཙང་ཞིང་ལེགས་པའི་གཞུང་ལམ་ཞིག་མི་རྣམས་ཀྱི་མིག་མདུན་དུ་མངོན། སེམས་རྩ་འཁོལ་བའི་ཡུལ་མི་ཚོས་དཀར་གཙང་མཇལ་དར་དང་བཀྲ་ཤིས་མཚོན་པའི“གྲོ་སོ་ཕྱེ་མར”འཁྱེར་ནས་འཆར་ཉེར་ཡོད་པའི་བོད་ཀྱི་ལོ་གསར་ལ་དགའ་སྟོན་རྟེན་འབྲེལ་ཟབ་མོ་མཚོན་པར་བྱས་པ་ལས་བདེ་སྐྱིད་ཀྱི་རྣམ་པ་ཞིག་མངོན་གྱི་ཡོད།
              གྲོང་ཚོ“ཨུ་ལྷན་གཉིས”ཀྱི་ཚན་ཁག་གི་ཁོངས་མི་ཕུན་ཚོགས་དོན་གྲུབ་ཀྱིས་སྒུག་ལོང་མེད་པར་གསར་འགོད་པ་ཁོང་གི་ཁང་པ་གསར་པར་ཁྲིད་པ་དང་། མཛེས་ཞིང་ལྟ་ན་སྡུག་པའི་གྱང་རས་དང་། དྭངས་གསལ་མེ་ལོང་ལྟ་བུའི་ཤིང་གི་པང་གཅལ། བཟོ་བཀོད་ལེགས་པའི་ཤིང་གི་ཧྲ་ཧྥ་དང་ཅོག་ཙེ། དྲོད་སྙོམས་འཕྲུལ་ཆས་དང་བརྙན་འཕྲིན་སོགས་ཁྱིམ་ཆས་ཆ་ཚང་བ་དང་། ཕྲུ་གུ་ཁ་ཤས་དང་རྒན་རྒོན་བརྙན་འཕྲིན་ལྟ་གིན་ཀྭ་ཙེ་ཟ་བཞིན་ཡོད་པ་དེ་ནི་དགའ་སྤྲོ་མཉམ་འཛོམས་ཀྱི་རི་མོ་ཞིག་དང་འདྲ་བར་ཁོང་ཚོའི་ཕུན་སུམ་ཚོགས་པའི་བདེ་སྐྱིད་ཀྱི་འཚོ་བར་ཡིད་སྨོན་མི་སྐྱེ་ག་ལ་སྲིད།
              “དེ་སྔ་ང་ཚོ་ནང་མི་8རྒྱ་ཆེན་པོ་དེ་ཙམ་མེད་པའི་ཁང་པ་རྙིང་པའི་ནང་འཚོ་བ་སྐྱེལ་གྱི་ཡོད་པ་དང་། ད་ཆ་སྡོད་སའི་ཁང་པ་དེ་རྫོང་གྲོང་གི་འགྲམ་དུ་ཡོད་པ་མ་ཟད། ཆུ་དང་། གློག ལམ་སོགས་རྨང་གཞིའི་སྒྲིག་བཀོད་ཁག་ཀྱང་ཆ་ཚང་ཡོད་པས་འཚོ་བ་སྐྱིད་པོ་དེ་འདྲ་སྐྱེལ་རྒྱུ་ཡོང་བསམ་པ་ངའི་རྨི་ལམ་དུའང་གཏོང་མྱོང་མེད”ཅེས་ཕུན་ཚོགས་དོན་གྲུབ་ཀྱིས་དགའ་ཚོར་ཆེན་པོའི་ངང་བཤད།
              ཕུན་ཚོགས་དོན་གྲུབ་ཀྱི་ཁང་པ་གསར་པ་ཚུད་པའི་འཇོ་མདའ་རྫོང་འབོ་ཐང་གྲོང་ཚོའི་དབུལ་སྐྱོར་གནས་སྤོས་གཅིག་སྡུད་བཀོད་སྒྲིག་བྱ་ཡུལ་གྱི་འཛུགས་སྐྲུན་གྱི་རྒྱ་ཁྱོན་བསྡོམས་འབོར་ལ་སྨི་ངོས་གྲུ་19999.48ཡོད་པ་དང་། བཀོད་སྒྲིག་བྱ་ཡུལ་དེར་ཁྱོན་མ་དངུལ་སྒོར་ཁྲི་5700ལྷག་བཏང་ནས་དུད་ཚང་93བཀོད་སྒྲིག་བྱས་པ་དང་། དེའི་ནང་ཡིག་ཚགས་དང་གཱ་བཟོས་པའི་དུད་ཚང་དབུལ་པོ་57དང་དེ་དང་མཉམ་དུ་དུད་ཚང་36གནས་སྤོས་བྱས་ཡོད།
              ལོ་གསར་པར་འགོ་ཚུགས་ས་གསར་པ་ཡོད་ལ་རེ་བའང་གསར་པ་ལྡན། ད་ཆ་འཇོ་མདའ་རྫོང་གི་གནས་སྤོས་དབུལ་སྐྱོར་བཀོད་སྒྲིག་བྱ་ཡུལ་གྱི་ཡུལ་མི་ཚང་མ་དགའ་སྤྲོས་མྱོས་ཤིང་། མཉམ་དུ་ལག་གདང་སྦྲེལ་ནས་འབྱུང་འགྱུར་གསར་པའི་ཕྱོགས་སུ་སྐྱོད་མུས་རེད།