ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ལྗོངས་གསར་འགྱུར།

ལྷ་ས་གྲོང་ཁྱེར་གྱི་སྐབས་དང་པོའི་ལུས་རྩལ་འགྲན་ཚོགས་དང་མི་རིགས་སྲོལ་རྒྱུན་ལུས་རྩལ་འགྲན་ཚོགས་ཕུན་སུམ་ཚོགས་པོའི་ངང་མཇུག་སྒྲིལ།

སྤེལ་དུས 2018-05-16 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། བྱམས་པས་བསྒྱུར།
མཇུག་བསྡུའི་མཛད་སྒོའི་སྟེང་བྱ་དགའ་སྤྲོད་པའི་ཡུལ་དངོས།
           ཀྲུང་གོའི་བོད་ལྗོངས་དྲ་བའི་གསར་འཕྲིན། ཚེས14ཉིན་གྱི་ཕྱི་དྲོར། ལྷ་ས་གྲོང་ཁྱེར་གྱི་སྐབས་དང་པོའི་ལུས་རྩལ་འགྲན་ཚོགས་དང་མི་རིགས་སྲོལ་རྒྱུན་ལུས་རྩལ་འགྲན་ཚོགས་དེ་ཉིན་17རིང་འགྲན་བསྡུར་འཁྲུག་པོ་བྱས་པ་བརྒྱུད་གྲོང་ཁྱེར་རིག་གནས་ལུས་རྩལ་ལྟེ་གནས་སུ་ཕུན་སུམ་ཚོགས་པོའི་ངང་མཇུག་སྒྲིལ་པ་རེད། སློབ་གསོའི་ཁོངས་གཏོགས་ཀྱི་ལུས་རྩལ་པའི་འཐུས་ཚབ་ཚོགས་པས་སྤྱི་པའི་སྐར་གྲངས་ཨང་དང་པོ་ཐོབ།
           རྒྱུས་ལོན་བྱས་པ་ལྟར་ན། ཐེངས་འདིའི་འགྲན་བསྡུར་ཁྲོད་ལྷུན་གྲུབ་རྫོང་གི་འཐུས་མི་རུ་ཁག་ལ་མི་རིགས་ལུས་སྦྱོང་ལུས་རྩལ་རྣམ་གྲངས་ཀྱི་ཨང་དང་པོ་ཐོབ། སྔོན་སྲུང་ལུས་རྩལ་མཐུན་ཚོགས་ཀྱི་འཐུས་མི་རུ་ཁག་ལ་གཟེབ་གྲུག་སྤོ་ལོའི་འགྲན་བསྡུར་རྣམ་གྲངས་ཀྱི་ཨང་དང་པོ་ཐོབ། འདམ་གཞུང་རྫོང་གི་འཐུས་མི་རུ་ཁག་ལ་རྐང་རྩེད་སྤོ་ལོའི་འགྲན་བསྡུར་རྣམ་གྲངས་ཀྱི་ཨང་དང་པོ་ཐོབ། སློབ་གསོའི་ཁོངས་གཏོགས་ཀྱི་འཐུས་མི་རུ་ཁག་ལ་མཆོང་རྒྱུག་འཕེན་གསུམ་རྣམ་གྲངས་ཀྱི་ཨང་དང་པོ་ཐོབ། སློབ་གསོའི་མ་ལག་གི་འཐུས་མིའི་རུ་ཁག་དང་ཁྲེང་ཀོན་ཁུལ་གྱི་འཐུས་མི་རུ་ཁག  འདམ་གཞུང་རྫོང་གི་འཐུས་མི་རུ་ཁག་སོ་སོའི་བསྡོམས་སྐར་ཚོགས་པའི་སྔོན་མའི་ཨང་རིམ་གསུམ་ཡིན།
འགྲན་བསྡུར་གྱི་བྱ་དགའི་བུམ་པ།
           སྐབས་འདིའི་འགྲན་བསྡུར་ལ་འཐུས་མི་རུ་ཁག་18དང་འགྲན་ཞུགས་ལུས་རྩལ་པ་1830ཡོད།  ཁོང་ཚོས་བློ་བརྟན་འགྱུར་མེད་ཀྱི་སྙིང་རུས་ཀྱིས“དེ་བས་མཐོ་བ་དང་དེ་བས་མགྱོགས་པ། དེ་བས་སྟོབས་ཆེ་བའི”ཨོ་ལིམ་ཕིག་སྙིང་སྟོབས་འགྲེལ་བཤད་བྱས་པ་དང་། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་ནས་ལྷ་སའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐོབ་པའི་གྲུབ་འབྲས་ཆེན་པོ་དང་། ཉེ་བའི་ལོ་ཤས་རིང་ལྷ་ས་གྲོང་ཁྱེར་གྱི་ལུས་རྩལ་བྱ་གཞག་གི་དགའ་འོས་པའི་གྲུབ་འབྲས་བཅས་མངོན་ཡོད།
མཇུག་སྒྲིལ་མཛད་སྒོའི་སྟེང་གི་རིག་རྩལ་འཁྲབ་སྟོན།
           ཤེས་རྟོགས་བྱུང་བ་ལྟར་ན། ལྷ་ས་གྲོང་ཁྱེར་གྱིས་སྐབས་འདིའི་ལུས་རྩལ་འགྲན་ཚོགས་བརྒྱུད་རྩལ་འགྲན་ལུས་རྩལ་རྗེས་གྲབས་མི་སྣ་གསོ་སྐྱོང་འདེམས་སྒྲུག་དང་།  ལྷ་ས་གྲོང་ཁྱེར་གྱི་འཐུས་མི་རུ་ཁག་བཙུགས་ནས། ཟླ་8 པའི་བོད་རང་སྐྱོང་ལྗོངས་སྐབས་བཅུ་གཉིས་པའི་ལུས་རྩལ་འགྲན་ཚོགས་ལ་གྲ་སྒྲིག་བྱེད་བཞིན་པ་རེད།
           ལྷ་ས་གྲོང་ཁྱེར་གྱི་དམངས་ཡོངས་ཀྱི་ལུས་སྦྱོང་ལས་དོན་ཐད། གྲོང་ཁྱེར་ལུས་རྩལ་ཅུས་ཀྱི་ཅུས་ཀྲང་ཝང་ཉིང་གིས་བརྗོད་རྒྱུར། ལྷ་ས་གྲོང་ཁྱེར་གྱིས་སྤྱི་པའི་ལུས་རྩལ་གྱི་ཞབས་ཞུའི་མ་ལག་འཛུགས་སྐྲུན་ལ་ཤུགས་སྣོན་དང་། དམངས་ཡོངས་ཀྱི་ལུས་སྦྱོང་རྨང་གཞིའི་སྒྲིག་བཀོད་འཛུགས་སྐྲུན་མགྱོགས་སུ་གཏོང་བ་དང་། མང་ཚོགས་ཀྱི་ལུས་རྩལ་དང་རིག་གནས་ཀྱི་དགོས་མཁོ་སྣ་ཚོགས་སྐོང་དགོས་པ་མ་ཟད། སྔར་བས་ཧུར་ཐག་གིས་ལུས་རྩལ་དེ་ཡུལ་སྐོར་དང་རིག་གནས། སྤྲོ་གསེང་། སྨན་བཅོས། རོལ་རྩེད་སོགས་གཞི་གཅིག་ཏུ་འདྲེས་པའི་ལུས་སྦྱོང་བྱེད་སྒོ་སྤེལ་བ་དང་། སྤུས་རྟགས་རང་བཞིན་དང་མི་རིགས་རང་བཞིན། སྣ་མང་རང་བཞིན་གྱི་ལུས་རྩལ་ལུས་སྦྱོང་ལས་གཞི་དང་ཐོན་རྫས་བསྐྲུན་དགོས།
           རྒྱུས་ལོན་བྱུང་བ་ལྟར་ན། ལྷ་ས་གྲོང་ཁྱེར་གྱིས་རིམ་པ་རྗེས་མར་ཧུར་ཐག་གིས་རྫོང་དང་ཁུལ་རེ་ལ་སྤུས་རྟགས་རྣམ་གྲངས་གཅིག་རེ་བསྐྲུན་ནས། ལྷ་ས་གྲོང་ཁྱེར་གྱི་རྗོང་དང་ཁུལ་ཚང་མར་སྤུས་རྟགས་ལུས་རྩལ་རྣམ་གྲངས་རེ་ཡོད་པར་བརྩོན་ལེན་བྱས་ཏེ། མི་རིགས་ལུས་རྩལ་གྱི་ལས་འགུལ་སྤེལ་བ་དང་འཕེལ་རྒྱས་ལ་སྐུལ་འདེད་སྔར་ལས་ལེགས་པ་དང་།  མི་དེ་བས་མང་པོ་ལུས་རྩལ་ལུས་སྦྱོང་བྱེད་སྒོའི་ནང་ཞུགས་ཐུབ་པ་དགོས།