གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ལྗོངས་གསར་འགྱུར།

ཆབ་མདོའི་འཇོ་མདའ་རྫོང་ཁོངས་སུ་གློ་བུར་དུ་རི་ཉིལ་འདུག

སྤེལ་དུས 2018-10-12 ཡོང་ཁུངས། བོད་ལྗོངས་ཉིན་རེའི་ཚགས་པར་བོད་ཡིག་སྨྱན་སྦྱོར། རྩོམ་པ་པོ། སངས་སྐྱབས་ཀྱིས་བསྒྲིགས།
          ཚེས་11ཉིན་གྱི་ཐོ་རེངས་ཆུ་ཚོད་བཞི་པ་ཙམ་ལ། ཆབ་མདོ་གྲོང་ཁྱེར་འཇོ་མདའ་རྫོང་སྤོ་ལོ་ཤང་མངའ་ཁོངས་ཀྱི་འབྲི་ཆུའི་གཡས་གཡོན་གྱི་རི་གློ་བུར་དུ་ཤུགས་ཆེན་པོ་ཉིལ་བ་དང་ཆུ་ཁ་རྒྱས་ཤུགས་ཆེ་བས། ཆུ་ལམ་གཙོ་བོ་འགག་ནས། འཁྱིལ་ཆུས་ཉེ་འགྲམ་གྱི་འབམ་གོང་གྲོང་ཚོ་དང་ཉིང་པ་གྲོང་ཚོའི་བདེ་འཇགས་ལ་ཉེན་ཁ་བཟོས་པ་མ་ཟད། སྤོ་ལོ་ཤང་དུ་སྐྱོད་སའི་ཟམ་པ་དང་ཞིང་ཁ་ཁ་ཤས་ཀྱང་ཆུས་བསྣུབས་པས། འཇོ་མདའ་རྫོང་གིས་དེ་མ་ཉིད་དུ་འཕྲལ་སྡོམ་རོགས་སྐྱོབ་ཇུས་གཞི་ལག་ལེན་བསྟར་བ་དང་། སྤོ་ལོ་ཤང་སློབ་ཆུང་གི་དགེ་སློབ་287གང་མགྱོགས་གནས་སྤོས་ཡོད་ལ། འབམ་གོང་གྲོང་ཚོ་དང་ཉིང་པ་གྲོང་ཚོའི་གྲོང་མི་400ཀྱང་དུས་ཐོག་ཏུ་གནས་སྤོས་པས། མིག་སྔར། མི་ཤི་རྨས་བྱུང་བའི་གནས་ཚུལ་ཐོན་མེད། 
          གསར་འགོད་པར་འཇོ་མདའ་རྫོང་དྲིལ་བསྒྲགས་པུའུ་ནས་ཤེས་རྟོགས་བྱུང་བར། མིག་སྔར། ནགས་ཚལ་མེ་ཟོན་ཅུས་བོད་ལྗོངས་སྤྱི་ཁྱབ་རུ་ཁག་ཆབ་མདོ་ཉིང་ལག་རུ་ཁག་འཇོ་མདའ་རུ་འབྲིང་གནས་ཚུལ་ཐོན་ཡུལ་དུ་འཕྲལ་མར་རོགས་སྐྱོབ་བྱེད་པར་སོང་བ་དང་། རོགས་སྐྱོབ་རུ་ཁག་གིས་འབྲི་ཆུ་བརྒལ་ཏེ་ཆུའི་ཕ་རོལ་དུ་རོགས་སྐྱོབ་བྱེད་པར་འགྲོ་རྒྱུའི་ཐབས་ཤེས་གཏོང་བཞིན་ཡོད། དེ་དང་ཆབས་ཅིག ཆབ་མདོ་གྲོང་ཁྱེར་གྱིས་ཀྱང་རྒྱལ་ཁབ་ས་ཆ་དང་། ཆུ་བེད། འགྲིམ་འགྲུལ། འཕྲོད་བསྟེན། སློབ་གསོ། དམངས་སྲིད་བཅས་སྡེ་ཚན་འཕྲལ་མར་སྒྲིག་འཛུགས་བྱས་ཏེ་གནས་ཚུལ་ཐོན་ཡུལ་དུ་རོགས་སྐྱོབ་བྱེད་པར་བསྐྱོད་པ་མ་ཟད། ཉེ་འཁོར་གྱི་གོ་འཇོ་རྫོང་དང་སི་ཁྲོན་དཔལ་ཡུལ་རྫོང་སོགས་འབྲི་ཆུ་དང་ཐག་ཉེ་བའི་ཤང་གྲོང་དང་ཁེ་ལས་ལ་འབྲེལ་བ་བྱས་ཏེ། མང་ཚོགས་བདེ་འཇགས་ཁུལ་ལ་དུས་ཐོག་ཏུ་གནས་སྤོས་པ་རེད།
(པར་རིས་ཡོང་ཁུངས། འཇོ་མདའ་རྫོང་དྲིལ་བསྒྲགས་པུའུ)