ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ལྗོངས་གསར་འགྱུར།

བོད་ལྗོངས་ཀྱི་དགེ་རྒན་360ལ“ལོ་ངོ་25རིང་གྲོང་གསེབ་དགེ་རྒན་གྱི་ལས་ལ་གཞོལ་བའི་ཚེ་གང་གྲུབ་འབྲས་ཀྱི་བྱ་དགའ”འཐོབ་པར་རྟེན་འབྲེལ་ཞུ།

སྤེལ་དུས 2019-09-11 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། པད་མ་རྒྱལ་གྱིས་བསྒྱུར།
        ཀྲུང་གོའི་བོད་ལྗོངས་དྲ་བའི་འཕྲིན། ཏང་གི་ཚོགས་ཆེན་བཅུ་དགུ་པ་འཚོགས་པ་ནས་བཟུང་། རང་སྐྱོང་ལྗོངས་ཏང་ཨུད་དང་སྲིད་གཞུང་གི་བློ་བརྟན་འགྱུར་མེད་ཀྱི་འགོ་ཁྲིད་འོག  ལྗོངས་ཡོངས་ཀྱི་རྒྱ་ཆེའི་དགེ་རྒན་དང་སློབ་གསོའི་ལས་དོན་པ་ཡོངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་བྱ་རྒྱུ་མཐའ་འཁྱོངས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་ཀྱི་སློབ་གསོའི་ཚོགས་ཆེན་དང་སློབ་གྲྭའི་བསམ་བློ་ཆབ་སྲིད་རིགས་པའི་གཞུང་ལུགས་ཀྱི་དགེ་རྒན་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱས་པ་དང་། སྤྱི་ཁྱབ་ཧྲུའུ་ཅིའི་མཐའ་སྐྱོང་བོད་བརྟན་སྐོར་གྱི་གཏམ་བཤད་གལ་ཆེན་དང་བོད་ལྗོངས་མི་རིགས་སློབ་ཆེན་བཙུགས་ནས་ལོ་ངོ60འཁོར་བར་རྟེན་འབྲེལ་ཞུ་བའི་འཕྲིན་ཡིག་གི་དགོངས་དོན་ལག་བསྟར་དོན་འཁྱོལ་དང་། ལྗོངས་ཡོངས་ཀྱི་སློབ་གསོའི་ཚོགས་ཆེན་གྱི་དགོངས་དོན་དང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་བླང་བྱ་ལག་བསྟར་བྱས་ནས་མི་གང་འདྲ་ཞིག་གསོ་སྐྱོང་བྱེད་པ་ དང་། ཇི་ལྟར་གསོ་སྐྱོང་བྱེད་པ། སུའི་ཆེད་དུ་མི་གསོ་སྐྱོང་བྱེད་པ་བཅས་ཀྱི་རྩ་བའི་ལས་འགན་ལ་དམ་པོར་དམིགས་ཏེ་ཕྱོགས་ཡོངས་ནས་ཏང་གི་སློབ་གསོའི་བྱེད་ཕྱོགས་ལག་ལེན་མཐའ་འཁྱོངས་དང་། ཏང་གིས་སློབ་གསོའི་ལས་དོན་ལ་ཕྱོགས་ཡོངས་ནས་འགོ་ཁྲིད་བྱ་རྒྱུ་མཐའ་འཁྱོངས། མི་གསོ་སྐྱོང་བྱ་རྒྱུ་རྩ་བར་འཛིན་པ་དང་ཀུན་སྤྱོད་ལ་བརྟེན་ནས་མི་སྣ་གསོ་སྐྱོང་བྱ་རྒྱུ་མཐའ་འཁྱོངས་བྱས་ཏེ་སློབ་གྲྭའི་བསམ་བློ་ཆབ་སྲིད་ཀྱི་ལས་དོན་ལ་ཕྱོགས་ཡོངས་ནས་ཤུགས་སྣོན་རྒྱག་པ་དང་། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ལ་སྲུང་སྐྱོང་མཐའ་གཅིག་ཏུ་བྱས་ཏེ་བོད་ལྗོངས་ཀྱི་སློབ་གསོ་སྒྱུར་བཅོས་དང་འཕེལ་རྒྱས་ལ་སྐུལ་འདེད་གཏོང་བའི་ཁྲོད་གྲུབ་འབྲས་མངོན་གསལ་དོད་པོ་བྱུང་སྟེ། སྔོན་ཐོན་སྡེ་ཚན་དང་སྔོན་ཐོན་གྱི་མི་སྒེར་ཁག་གཅིག་བྱུང་བ་རེད།
        ད་ལོའི་ཟླ་9པའི་ཚེས་10ཉིན་ནི་རང་རྒྱལ་གྱི་སྐབས་35པའི་དགེ་རྒན་དུས་ཆེན་ ཡིན་ཞིང་། ཁོང་ཚོའི་སྔོན་ཐོན་གྱི་བྱ་གཞག་ལ་གཟེངས་བསྟོད་དང་།  བླ་ན་མེད་པའི་དགེ་རྒན་གྱི་ཀུན་སྤྱོད་དར་སྤེལ། སྔོན་ཐོན་དཔེ་མཚོན་གྱི་དཔེ་སྟོན་དང་སྐུལ་ཁྲིད་ཀྱི་ནུས་པ་འདོན་སྤེལ་གང་ལེགས་དང་། རྒྱ་ཆེའི་དགེ་རྒན་དང་སློབ་གསོའི་ལས་དོན་པ་རྣམས་ཀྱི་དཔེ་ཁྲིད་མི་སྐྱོང་གི་བྱ་གཞག་སྒྲུབ་སེམས་དང་འགན་འཁྲི་འཁུར་སེམས་སྔར་བས་ཆེ་རུ་གཏོང་ཆེད། རིམ་པ་བཞིན་འོས་སྦྱོར་དང་། འདེམས་སྒྲུག ཞིབ་བཤེར་རྩིས་ལེན། ཡོངས་བསྒྲགས་བཅས་བྱས་པ་བརྒྱུད་དར་རྒྱས་སོགས་བློ་མཐུན་360ལ་“ལོ་ངོ་25རིང་གྲོང་གསེབ་དགེ་རྒན་གྱི་ལས་ལ་གཞོལ་བའི་ཚེ་གང་གྲུབ་འབྲས་ཀྱི་བྱ་དགའ”གནང་བ་དང་།  པ་སངས་བསྟན་འཛིན་སོགས་བློ་མཐུན་1118ལ“ལོ་ངོ་20རིང་གྲོང་གསེབ་དགེ་རྒན་གྱི་ལས་ལ་གཞོལ་བའི་གཟི་བརྗིད་བྱ་དགའ”དང་།  ཀོའུ་ཅི་ཆང་སོགས་བློ་མཐུན་150ལ“ལྗོངས་ཡོངས་ཀྱི་ཕུལ་བྱུང་དགེ་རྒན”  ཀྲའོ་ཏུང་ལའེ་སོགས་བློ་མཐུན་50ལ“ལྗོངས་ཡོངས་ཀྱི་ཕུལ་བྱུང་སློབ་གསོའི་ལས་དོན་པ”དང་། སྒྲོལ་དཀར་སོགས་བློ་མཐུན་55ལ“ལྗོངས་ཡོངས་ཀྱི་ཕུལ་བྱུང་སློབ་གཙོ” ལྷག་པ་ཚེ་རིང་སོགས་བློ་མཐུན་80ལ“ལྗོངས་ཡོངས་ཀྱི་མིག་དཔེ་ཅན་གྱི་འཛིན་བདག” ལི་ཀྲི་ཞུའེ་སོགས་བློ་མཐུན་124ལ“ལྗོངས་ཡོངས་ཀྱི་ཕུལ་བྱུང་བསམ་བློ་ཆབ་སྲིད་ཀྱི་སློབ་གསོ་ལས་དོན་པ”དང་།  ཀྲའོ་ཡན་སོགས་བློ་མཐུན་29ལ“བོད་སྐྱོར་གདོང་ལེན་པ”དང་།  ཀྲང་ཀུའོ་ཆན་སོགས་བློ་མཐུན་72ལ“ཕུལ་བྱུང་བོད་སྐྱོར་དགེ་རྒན” ལི་ཡུང་མེ་སོགས་བློ་མཐུན་25ལ“ཕུལ་བྱུང་བོད་སྐྱོར་སློབ་གསོའི་ལས་དོན་པ” དང་། ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་སྐད་གཉིས་བྱིས་སྐྱོང་ཁང་གཉིས་པ་སོགས་སྡེ་ཚན་55ལ“ལྗོངས་ཡོངས་ཀྱི་སློབ་གསོའི་མ་ལག་སྔོན་ཐོན་སྡེ་ཚན”གྱི་གཟི་བརྗིད་མཚན་སྙན་བཅས་གནང་བ་རེད།