དཔྱིད་ཀའི་སློབ་དུས་ཀྱི་སློབ་འགོ་ཚུགས་པའི་གྲ་སྒྲིག་ལས་དོན་ཡག་པོ་སྒྲུབ་ཆེད། ཉེ་ཆར། ཆབ་མདོ་གྲོང་ཁྱེར་སློབ་གསོ་ཅུས་དང་ཤིན་ཧྭ་དཔེ་ཚོང་ཁང་གིས་དཔྱིད་ཀའི་བསླབ་གཞི་དང་ཟུར་ཁྲིད་སློབ་དེབ་ཁྱོན་བསྡོམས་1973588ཚང་མ་རྫོང(ཆུས)ཁག་གི་སློབ་གསོ་ཅུས་དང་ཅུས་ཐད་གཏོགས་ཀྱི་སློབ་གྲྭ་ཁག་ལ་སྤྲད་དེ། སློབ་འགོ་མ་ཚུགས་གོང་བསླབ་གཞི་སློབ་མའི་ལག་ཏུ་འབྱོར་བའི་འགན་ལེན་བྱས་ཡོད།
ཆབ་མདོ་གྲོང་ཁྱེར་སློབ་གསོ་ཅུས་དང་ཤིན་ཧྭ་དཔེ་ཚོང་ཁང་གིས་བསླབ་གཞིའི་གྲངས་འབོར་དང་ལམ་ཐག་རིང་ཐུང་གཞིར་བཟུང་། བསླབ་གཞི་སྤྲོད་པའི་དུས་ཚོད་ཀྱི་རེའུ་མིག་ལུགས་མཐུན་བཟོས་ཏེ་རྫོང(ཆུས)ཁག་གི་སློབ་གྲྭ་ཁག་ལ་དུས་མཚམས་དབྱེ་ནས་བསླབ་གཞི་ལེན་རྒྱུའི་བླང་བྱ་བཏོན་ཡོད། གཞན་ཡང་། བསླབ་གཞི་ཉར་ཡུལ་དུ་དུག་སེལ་དང་གཙང་སྦྲ་ཡག་པོ་བྱས་ཏེ། བསླབ་གཞི་སྤྲོད་པའི་བརྒྱུད་རིམ་ནང་འགོག་སྲུང་བྱ་ཐབས་གནད་ལ་འཁེལ་བའི་འགན་ལེན་བྱས་ཡོད། །
རྩོམ་སྒྲིག་པ། བདེ་སྒྲོལ།