སྤྱི་ཚོགས་རོགས་སྐྱོབ་ཀྱི་མཐའ་སྐྱོང་འགན་སྲུང་ནུས་ཤུགས་འདོན་སྤེལ་གང་ལེགས་བྱས་ཏེ། དཀའ་ངལ་ཡོད་པའི་མང་ཚོགས་ཀྱི་གཞི་རྩའི་འཚོ་བར་འགན་སྲུང་བྱ་ཆེད། ཉེ་བའི་ཉིན་འགའི་རིང་ལ། ལྷ་ས་གྲོང་ཁྱེར་ཁྲེང་ཀོན་ཆུས་དམངས་སྲིད་ཅུའུ་ཡིས་རོགས་སྐྱོབ་མ་དངུལ་སོ་སོ་དངོས་འབེབས་བྱས་ཏེ། མ་མཐའི་འཚོ་བའི་འགན་སྲུང་མ་དངུལ་དང་། འཚོ་བར་དཀའ་ངལ་ཡོད་པའི་མི་སྣའི་གཞི་རྩའི་འཚོ་བའི་ཁ་གསབ་མ་དངུལ། རིན་གོང་གི་གནས་སྐབས་ཁ་གསབ། གནས་སྐབས་རོགས་སྐྱོབ་མ་དངུལ་སོགས་དུས་ཐོག་ཏུ་ཁ་ཚང་ངང་རྩིས་སྤྲོད་བྱེད་པར་ཁག་ཐེག་བྱས་པ་དང་། རོགས་སྐྱོབ་ཆ་རྐྱེན་དང་མཐུན་པའི་མི་སྣ་མ་མཐའི་འཚོ་བ་འགན་སྲུང་སོགས་ཀྱི་རོགས་སྐྱོབ་ཁྱབ་ཁོངས་ནང་དུས་ཐོག་ཏུ་བཅུག་པ་རེད།
ལྷ་ས་གྲོང་ཁྱེར་དམངས་སྲིད་ཅུའུ་ཡི་ཏང་ཙུའུ་ཡི་ཁོངས་མིའམ་ཅུའུ་ཀྲང་གཞོན་པ་ལིའུ་ཕུའུ་ཕིང་གིས་གསར་འགོད་པར་བཤད་རྒྱུར། “དཀའ་ངལ་ཡོད་པའི་མང་ཚོགས་ཀྱི་གཞི་རྩའི་འཚོ་བར་འགན་སྲུང་བྱེད་པའི་སྐོར་གྱི་དམངས་སྲིད་པུའུ་ཡི་བྱེད་ཐབས་ཁག་ལྔ་ལྟར། ལྷ་ས་གྲོང་ཁྱེར་དམངས་སྲིད་ཅུའུ་ཡིས་སྤྱི་ཚོགས་ཀྱི་རོགས་སྐྱོབ་མ་དངུལ་དང་མ་མཐའི་འཚོ་བ་འགན་སྲུང་མ་དངུལ་གཞན་དག་དུས་ཐོག་ཏུ་ཁ་ཚང་ངང་དངོས་འབེབས་བྱས་ནས། འཚོ་བར་དཀའ་ངལ་ཡོད་པའི་ལྗོངས་ཕྱི་ནང་གི་མང་ཚོགས་ལ་དུས་ཐོག་ཏུ་གནས་སྐབས་ཀྱི་འཚོ་བའི་རོགས་སྐྱོབ་བྱས་ཏེ། མ་མཐའི་འཚོ་བ་འགན་སྲུང་གི་ཆ་རྐྱེན་དང་མཐུན་པའི་འགན་སྲུང་བྱ་ཡུལ་ཡོད་ཚད་འགན་སྲུང་བྱས་པ་ཡིན་ཟེར།
རྒྱུས་ལོན་པ་ལྟར་ན། ལྷ་ས་གྲོང་ཁྱེར་གྱིས་གྲོང་ཁྱེར་དང་ཞིང་སྡེའི་མ་མཐའི་འཚོ་བ་འགན་སྲུང་ཁྱིམ་ཚང8070ཡི་མང་ཚོགས14654ལ་གྲོང་ཁྱེར་དང་ཞིང་སྡེའི་མ་མཐའི་འཚོ་བ་འགན་སྲུང་མ་དངུལ་སྒོར་ཁྲི2161.8རྩིས་སྤྲོད་བྱས། གཞན་ཡང་འཚོ་བའི་དཀའ་ངལ་ཡོད་པའི་གསོ་སྐྱོང་མི་སྣ1341ལ་གསོ་སྐྱོང་མ་དངུལ་སྒོར་ཁྲི370.36སྤྲད་པ་དང་། མི10ལ་གནས་སྐབས་ཀྱི་རོགས་སྐྱོབ་མ་དངུལ་སྒོར་ཁྲི5.25ཐག་གཅོད་བྱས་པ་རེད། །
རྩོམ་སྒྲིག་པ། བདེ་སྒྲོལ།