ཉེ་སྔོན་གསར་འགོད་པས་ལྷོ་ཁ་གྲོང་ཁྱེར་གྱི་འཐབ་ཕྱོགས་གཅིག་གྱུར་མི་རིགས་ཆོས་ལུགས་ལས་དོན་གྱི་ཚོགས་འདུ་ཐོག་ནས་རྒྱུས་ལོན་པ་ལྟར་ན། ལྷོ་ཁ་གྲོང་ཁྱེར་གྱིས་བྱེད་ཐབས་མང་པོ་སྤྱད་དེ་འཐབ་ཕྱོགས་གཅིག་གྱུར་གྱི་མི་རིགས་ཆོས་ལུགས་ལས་དོན་ལ་ཤུགས་སྣོན་བྱས་པ་རེད།
ལྷོ་ཁ་གྲོང་ཁྱེར་གྱིས་བྱ་བའི་དུས་བབ་ལ་དབྱེ་ཞིབ་གཏིང་ཟབ་བྱས་ཏེ། བྱ་བའི་ཆོས་ཉིད་ཚོད་འཛིན་ཡང་དག་བྱས་པ་དང་། ལས་དོན་ཡག་པོ་སྒྲུབ་པའི་རང་རྟོགས་རང་བཞིན་དང་འགན་འཁྲི་རང་བཞིན་ལ་ཤུགས་སྣོན་བྱས་ལ། སྤྱི་ཡོངས་ལ་ཞབས་འདེགས་ཞུ་ཚད་ཇེ་ཆེར་བཏང་ནས་འཐབ་རྩོད་ཀྱི་སྙིང་སྟོབས་ལ་མུ་མཐུད་ཤུགས་སྣོན་རྒྱབ་པ་དང་། ལས་དོན་སོ་སོ་ཏན་ཏིག་ངང་ཡག་པོ་བསྒྲུབས་ཏེ་སྤྱི་ཚོགས་ཀྱི་དུས་བབ་རྒྱུན་མཐུད་ཞི་མཐུན་བརྟན་ལྷིང་ཡོང་བར་ཁག་ཐེག་བྱས།
རྒྱུས་ལོན་པ་ལྟར་ན། ན་ནིང་ནས་བཟུང་། ལྷོ་ཁ་གྲོང་ཁྱེར་གྱིས་མི་རིགས་མཐུན་སྒྲིལ་ལ་ཤུགས་སྣོན་དང་། རྒྱལ་ཡོངས་ཀྱི་མི་རིགས་མཐུན་སྒྲིལ་དཔེ་སྟོན་གྲོང་ཁྱེར་སྐྲུན་རྒྱུ། ཆོས་ལུགས་འཆམ་མཐུན་ལ་སྐུལ་འདེད་དང་། སྤྱི་ཚོགས་བརྟན་རླིང་ལ་སྲུང་འཛིན་བྱེད་པ་བཅས་ཀྱི་ཕྱོགས་ལ་འབད་བརྩོན་བྱས་ཏེ། དམངས་གཉེར་ཁེ་ལས་ལ་རྒྱབ་སྐྱོར་དང་། དཔལ་འབྱོར་འཕེལ་རྒྱས་ལ་ཞབས་འདེགས། དབུལ་ཐར་མཁྲེགས་གཏོར་ལ་རོགས་སྐྱོར་བྱེད་པ་བཅས་གཙོ་བོར་བཟུང་ཡོད་པས། ལྷོ་ཁ་གྲོང་ཁྱེར་གྱི་འཕེལ་རྒྱས་ཆེན་པོ་དང་ཡུན་རིང་བདེ་འགོད་ལ་སྐུལ་འདེད་གཏོང་བར་བྱས་རྗེས་བཞག་ཡོད་པ་རེད། །
རྩོམ་སྒྲིག་པ། བདེ་སྒྲོལ།