མཐོ་སློབ་སློབ་ཐོན་སློབ་མས་ལས་གཏོད་བྱས་ནས་ལོ་གཅིག་ཕྱིན་པར་སྡོད་ཁང་སྤྱི་གསོག་མ་དངུལ་གྱི་ཁ་གསབ་འདུན་ཞུ་བྱེད་ཆོག

       ཤེས་རྟོགས་བྱུང་བར་གཞིགས་ན། མཐོ་སློབ་སློབ་ཐོན་སློབ་མ་ལས་གཏོད་བྱས་ནས་ལོ་གཅིག་ནས་ལྔ་བར་ལ་ཁ་གསབ་100%དང་། ལོ་དྲུག་ནས་བརྒྱད་བར་ལ་ཁ་གསབ་50% ལོ་དགུ་ནས་བཅུ་བར་ལ་ཁ་གསབ་30%བཅས་སྤྲོད་ཀྱི་ཡོད། དེའི་རིང་། རྒྱུ་རྐྱེན་སྣ་ཚོགས་རྐྱེན་གྱིས་གནས་སྐབས་འཇལ་མི་ཐུབ་པའི་ལས་གཏོད་མཁན་གྱིས་ས་གནས་ དེ་གའི་མི་སྤྱི་སྡེ་ཚན་དང་སྡོད་ཁང་འཛུགས་སྐྲུན་སྡེ་ཚན་ལ་འདུན་ཞུ་བྱེད་ཆོག་པ་དང་། མོས་མཐུན་བྱུང་བའི་རྗེས་ནར་འགྱངས་བྱེད་ཆོག་པས་དེའི་བར་ལ་ཁ་གསབ་སྤྲོད་རྒྱུ་མིན་པ་དང་རང་བརྟེན་ལས་གཏོད་བྱས་ནས་ལོ་གཉིས་ཕྱིན་ཡང་སྤྱི་གསོག་མ་དངུལ་གྱི་རྩིས་ཁྲ་བཟོས་མེད་མཁན་ལ་རྩིས་ཐོ་བཟོས་མེད་པའི་རིང་ཁ་གསབ་སྤྲོད་རྒྱུ་མིན་པ་རེད།

       《ལག་བསྟར་བྱ་ཐབས》ནང་། 2017ལོའི་ཟླ་1ཚེས་1ཉིན་རྗེས་ནས་ལས་གཏོད་བྱས་པའི་མཐོ་སློབ་སློབ་ཐོན་སློབ་མས་གཏན་འབེབས་ལྟར་དེ་མཚུངས་ཀྱི་སྡོད་ཁང་སྤྱི་གསོག་མ་དངུལ་གྱི་ཁ་གསབ་ལོངས་སུ་སྤྱོད་ཆོག་པ་དང་། 2017ལོའི་ཟླ་1ཚེས་1ཉིན་གོང་དུ་ལས་གཏོད་བྱས་པའི་མཐོ་སློབ་སློབ་ཐོན་སློབ་མས་སྡོད་ཁང་སྤྱི་གསོག་མ་དངུལ་གྱི་ཁ་གསབ་འདུན་ཞུའི་ལོ་ཚད་དེ་2017ལོའི་ཟླ་1ཚེས་1ཉིན་གོང་གི་ལས་གཏོད་ལོ་ཚད་དང་མཉམ་དུ་རྩིས་རྒྱག་རྒྱུ་དང་བསྡོམས་ལོ་10ལས་བརྒལ་མེད་ན། ལས་གཏོད་ཀྱི་བབ་མཚུངས་ཀྱི་ལོ་ཚད་བཞིན་སྤྱི་གསོག་མ་དངུལ་གྱི་ཁ་གསབ་སྤྲོད་པའི་ཚད་གཞི་རྩིས་རྒྱག་རྒྱུའི་གཏན་འབེབས་བྱས་ཡོད།

       “གོམ་སྟབས་རྗེས་མར། ལྗོངས་ཡོངས་ཀྱི་སྡོད་ཁང་སྤྱི་གསོག་མ་དངུལ་དོ་དམ་ལྟེ་གནས་ཁག་གིས་ད་དུང་ཞབས་འདེགས་ཞུ་སྟངས་ལེགས་སུ་དང་མཆན་འགོད་འགྲོ་ལུགས་སྟབས་བདེ་རུ་བཏང་ནས་འཇལ་མཁན་ལས་བཟོའི་སྡོད་ཁང་གི་ཆ་རྐྱེན་ཡག་པོ་ཞིག་ཐོབ་རྒྱུའི་འདུན་པ་ཟམ་མི་ཆད་པར་བསྐངས་ཏེ། འཇལ་མཁན་ལས་བཟོའི་སྡོད་ཁང་གི་ཆ་རྐྱེན་ཡག་ཏུ་གཏོང་རྒྱུར་རྒྱབ་སྐྱོར་ཧུར་ཐག་བྱ་རྒྱུ་ཡིན”ཞེས་རང་སྐྱོང་ལྗོངས་སྡོད་ཁང་འཛུགས་སྐྲུན་ཐིང་གི་འབྲེལ་ཡོད་འགན་འཁུར་བས་ངོ་སྤྲོད་བྱས།