དཔལ་ཡུལ་རྫོང་སྒྱུ་རྩལ་ཚོགས་པའི་འཁྲབ་སྟོན་པས་མཉམ་དུ་མཛུབ་མོའི་སྒོར་བྲོ་སྦྱོང་བརྡར་བྱེད་བཞིན་པ།
མངོན་མིན་ཤུལ་བཞག་རིག་གནས་རྒྱུན་འཛིན་པ་ཨ་ཞིས་(གཡོན་གྱི་དང་པོ།) སྒྱུ་རྩལ་ཚོགས་པའི་འཁྲབ་སྟོན་པར་མཛུབ་མོའི་སྐོར་བྲོའི་སྟངས་སྟབས་འགྲེལ་བཤད་རྒྱག་བཞིན་པ།
དཔལ་ཡུལ་རྫོང་གི་སྒྱུ་རྩལ་ཚོགས་པའི་ན་གཞོན་འཁྲབ་སྟོན་པ་ཚོས་ཐང་ཆེན་དུ་མང་ཚོགས་ལ་མཛུབ་མོའི་སྒོར་བྲོ་འཁྲབ་སྟོན་བྱས།
འཁྲབ་སྟོན་པ་ཚོས་ཕན་ཚུན་གྱི་ལག་པའི་སྟེང་གསོན་ཉམས་དོད་ཅིང་མི་རིགས་ཀྱི་ཁྱད་ཆོས་ལྡན་པའི་མི་སྣའི་གཟུགས་བརྙན་འབྲི་བཞིན་པ།
2017ལོའི་ཟླ་12པའི་ཚེས་22ཉིན། དཔལ་ཡུལ་རྫོང་གྲོང་དུ་ཉི་འོད་ཕྱོགས་བཞིར་འཕྲོ། རྫོང་སྒྱུ་རྩལ་ཚོགས་པའི་“ལོ་རབས་དགུ་བཅུ་པའི་རྗེས་”ཀྱི་བོད་རིགས་འཁྲབ་སྟོན་པས་ཚོན་རྒྱུས་ཕན་ཚུན་གྱི་གོང་མཛུབ་དང་དཀྱིལ་མཛུབ་སྟེང་། བྱང་ཆ་ལྡན་པའི་སྒོ་ནས་ས་གནས་དེ་གའི་ཁྱད་ཆོས་ལྡན་པའི་དམངས་སྲོལ་ཀྱི་མི་སྣའི་རི་མོ་བྲིས། རོལ་མོ་གྲགས་པ་དང་མཉམ་དུ་འཁྲབ་སྟོན་པ་རྣམས་ཀྱིས་མཛུབ་མོས་དབྱངས་འགྲོས་དང་བསྟུན་ནས་གར་སྟབས་ལིང་ལིང་དུ་བསྒྱུར། གཡོན་དུ་སྣུར་ཞིང་གཡས་སུ་འཁོར། གཞས་ཚིག་དང་དབྱངས་ཀྱི་འགྱུར་ཁུག་དང་བསྟུན་མཛུབ་མོའི་འགུལ་སྟངས་དང་འགྲོས་སྟོབས་ཀྱང་དེ་དང་བསྟུན་ནས་འགྱུར་བཞིན་ཡོད། སྒྱུ་རྩལ་པའི་བརྩེ་དུང་དང་དགའ་སྐྱོ་ཆགས་སྡང་དེ་“མི་ཆུང་”ལྟ་བུའི་མཛུབ་མོས་གང་ལེགས་ཀྱིས་མངོན་པར་བྱས་ཡོད།
དཔལ་ཡུལ་རྫོང་གིས་2015ལོར་མངོན་མིན་ཤུལ་བཞག་རིག་གནས་བཤེར་འགོད་ཁྲོད་“མཛུབ་མོའི་སྐོར་བྲོ་”ཞེས་པ་ཤེས་རྟོགས་བྱུང་བ་དང་། ཁམས་པའི་བོད་རིགས་ས་ཁུལ་གྱི་ཐུན་མོང་མ་ཡིན་པའི་ཞབས་བྲོའི་རྣམ་པ་ཞིག་རེད། རྒྱལ་ནང་གི་ཆེད་ལས་མཁས་པས་ཡུལ་དངོས་སུ་རྟོག་ཞིབ་བྱས་པ་བརྒྱུད་“མཛུབ་མོའི་སྐོར་བྲོ་”དེ་དཔལ་ཡུལ་རྫོང་ཁོ་ནར་ཡོད་པ་བདེན་དཔང་བྱས། མིག་སྔར་རྙེད་ཟིན་པའི་མཛུབ་མོས་འཁྲབ་པའི་སྐོར་བྲོ་གཅིག་པུ་ཡིན། དེའི་ཐུན་མིན་གྱི་ཁྱད་ཆོས་ནི་“ མཛུབ་མོས་ལུས་ཀྱི་ཚབ་”བྱས་ཏེ། “ལུས་ཡོངས་ཞུགས་པའི་”སྐོར་བྲོ་དེ་ལག་པའི་སྟེང་གཅིག་སྡུད་ཀྱིས་ལག་གཡས་པའི་གོང་མཛུབ་དང་དཀྱིལ་མཛུབ་ཀྱིས་ཞབས་བྲོའི་གཞི་རྟེན་གཙོ་བོ་བྱས་ཏེ། གཞས་ཚིག་དང་ཟུང་འབྲེལ་གྱིས་གྲུབ་པ་ཡིན།
མིག་སྔར་“མཛུབ་མོའི་སྐོར་བྲོའི་”ཞབས་བྲོའི་གཞི་རྩའི་གོམ་སྟབས་ལ་ཚན་པ་8གྱིས་གྲུབ་པ་ཡིན། རོལ་དབྱངས་120ལྷག་ཡོད། སྤྱིར་བཏང་གི་གཉེན་སྟོན་དང་མཆོད་འབུལ། ལྷན་འཛོམས་ཀྱི་དུས་སུ་འཁྲབ་སྟོན་བྱེད་པ་ཡིན། སྲོལ་རྒྱུན་གྱི་འཁྲབ་སྟོན་བྱེད་ཚུལ་ནི་སྤྱིར་བཏང་ལག་པའི་སྟེང་མི་སྣའི་རི་མོ་མི་འབྲི་བར་མཛུབ་མོ་གཅེར་བུས་འཁྲབ་སྟོན་བྱེད་པ་ཡིན། སྒ་རྗེ་ཤང་སྤང་མགོ་གྲོང་ཚོའི་ལོ་46ལ་སླེབས་པའི་ཨ་ཞི་ནི་“མཛུབ་མོའི་སྐོར་བྲོའི་”རྒྱུན་འཛིན་པ་ཡིན། ཁོང་གིས་“ན་གཞོན་ཚོས་ལག་པའི་སྟེང་རི་མོ་བྲིས་ནས་འཁྲབ་སྟོན་བྱེད་པས། སྐོར་བྲོའི་རྣམ་པ་ཤུགས་ཀྱིས་མངོན་ཡོད། འདི་ནི་སྲོལ་རྒྱུན་རྒྱུན་འཛིན་དང་འཕེལ་རྒྱས་བཏང་བ་ཡིན་པས། ཁོ་ཚོས་དར་རྒྱས་གོང་འཕེལ་གཏོང་ཐུབ་པའི་རེ་བ་བྱེད་ཀྱིན་ཡོད་ཟེར།།”
མཛུབ་མོའི་སྐོར་བྲོས་ཕྱག་ཕྲེང་རྫོང་ཕྲེང་སྨད་ཤང་ནས་ཡོང་བའི་ཁྲི་སྒྲ་སྨོན་གྱི་ཡིད་སེམས་དབང་མེད་དུ་བཀུག “ང་རང་མཐར་ཕྱིན་རྗེས་དཔལ་ཡུལ་རྫོང་སྒྱུ་རྩལ་ཚོགས་པར་ལས་ཞུགས་བྱས། ལས་རོགས་པ་རྣམས་ཀྱིས་མཛུབ་མོའི་སྐོར་བྲོ་འཁྲབ་བཞིན་མཐོང་བས་ཧ་ཅང་ཡ་མཚན་སྐྱེས་ཏེ་སློབ་སྦྱོང་བྱེད་འགོ་བརྩམས། མིག་སྔར་ལོ་གཉིས་ཀྱི་རིང་སྦྱོར་བརྡར་བྱས།” དཔལ་ཡུལ་རྫོང་རིག་གནས་ཡུལ་སྐོར་དང་རླུང་འཕྲིན་བརྙན་འཕྲིན་གློག་བརྙན་ཅུས་ཀྱི་ཅུས་ཀྲང་ཉི་མ་གཡང་སྒྲོན་གྱིས་ངོ་སྤྲོད་བྱེད་རྒྱུར། དཔལ་ཡུལ་རྫོང་གི་མཛུབ་མོའི་སྐོར་བྲོ་ནི་རྒན་རབས་ཉུང་ཤས་ཀྱིས་འཁྲབ་ཤེས་པ་ནས། ད་ལྟ་རྫོང་ཡོངས་སུ་མི་100ལྷག་ཙམ་གྱིས་འཁྲབ་ཤེས།
མིག་སྔར། རྫོང་རིམ་པའི་མངོན་མིན་ཤུལ་བཞག་རིག་གནས་རྣམ་གྲངས་སུ་རེ་ཞུ་ལེགས་གྲུབ་བྱུང་། རིམ་གྱིས་ཞིང་ཆེན་རིམ་པ་དང་རྒྱལ་ཁབ་རིམ་པའི་མངོན་མིན་ཤུལ་བཞག་རིག་གནས་རྣམ་གྲངས་སུ་རེ་ཞུ་བྱ་གྲབས་ཡོད། མིག་སྔར་དཔལ་ཡུལ་རྫོང་གིས་མངོན་མིན་རིག་གནས་ཤུལ་བཞག་གཞི་མཛོད་གྲངས་ལས་གྲྭ་འཛུགས་སྐྲུན་བྱ་འགོ་ཚུགས། དུས་ཡུན་ཟླ་གཉིས་ཀྱི་རིང་བརྙན་གཟུགས། པར་རིས། རོལ་དབྱངས་ཀྱི་རྣམ་པས་རོལ་གཞས་བརྒྱ་ལྷག་བསྡུ་གསོག་བྱས། ད་དུང་“མཛུབ་མོའི་སྐོར་བྲོའི་”རོལ་དབྱངས་124རྩོམ་སྒྲིག་བྱས། རྒན་པས་གཞོན་པ་འཁྲིད་པ་སོགས་བྱ་ཐབས་བརྒྱུད་སྔར་བའི་མང་བས་མང་ཚོགས་ཀྱིས་“མཛུབ་མོའི་སྐོར་བྲོ་”རྒྱུས་ལོན་དང་རྒྱུད་འཛིན་བྱ་དགོས།
