ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ཁུལ་གསར་འགྱུར།

གཙང་གསུམ་ཆུ་འགོའི་སྣོད་བཅུད་སྲུང་སྐྱོང་གི་དུས་ཐེངས་གཉིས་པའི་ལས་གྲྭར་སྒོར་དུང་ཕྱུར་100ཙམ་བཏང་བ།

སྤེལ་དུས 2018-02-14 ཡོང་ཁུངས། མི་དམངས་དྲ་བ། རྩོམ་པ་པོ། སྙིང་ལྕགས།
ས་གནས་དེ་གའི་སྣོད་བཅུད་རྒྱུན་ཆད་མེད་པར་ལེགས་སུ་ཕྱིན་པ།
          གཙང་གསུམ་ཆུ་འགོའི་སྣོད་བཅུད་སྲུང་སྐྱོང་དང་འཛུགས་སྐྲུན་གྱི་དུས་ཐེངས་གཉིས་པའི་ལས་གྲྭ་ལག་བསྟར་བྱས་ནས་ལོ་4སོང་རིང་ས་ཁུལ་དེའི་སྣོད་བཅུད་བཅོས་སྐྱོང་ཐད་རྒྱལ་ཁབ་ཀྱིས་སྒོར་དུང་ཕྱུར་100ཙམ་བཏང་ཡོད། ལྟ་ཞིབ་ཚད་ལེན་གྱི་འབྲས་བུ་གསར་ཤོས་ལས་མངོན་པར། ས་གནས་དེའི་སྣོད་བཅུད་གནས་ཚུལ་རྒྱུན་ཆད་མེད་པར་ལེགས་སུ་འགྲོ་བཞིན་ཡོད་པ་རེད།
          མཚོ་སྔོན་ཞིང་ཆེན་གྱི་ལྷོ་རྒྱུད་དུ་གནས་པའི་གཙང་གསུམ་ཆུ་འགོའི་ས་ཁུལ་ནི་འབྲི་ཆུ་དང་། རྨ་ཆུ། རྫ་ཆུ་བཅས་ཀྱི་འབྱུང་ཁུངས་དང་ཆུ་རྩ་གསོ་འཁྱོངས་ཁུལ་ཡིན་པ་རེད། དུས་རབས་གོང་མའི་དུས་མཇུག་ཏུ་མིའི་རིགས་ཀྱིས་བྱེད་སྒོ་སྤེལ་བ་དང་གནམ་གཤིས་འགྱུར་ལྡོག་སོགས་རྒྱུ་རྐྱེན་གྱིས་རྐྱེན་པས་ས་གནས་དེ་གའི་སྣོད་བཅུད་རིམ་བཞིན་ཞན་དུ་ཕྱིན་ཡོད་པ་རེད། 2005ལོར་རང་རྒྱལ་གྱིས་དུས་ཡུན་ལོ་9རིང་གི་གཙང་གསུམ་ཆུ་འགོའི་སྣོད་བཅུད་སྲུང་སྐྱོང་དང་འཛུགས་སྐྲུན་གྱི་དུས་ཐེངས་དང་པོའི་ལས་གྲྭ་ལག་བསྟར་བྱེད་འགོ་བཙུགས་ནས་རིམ་རྩིས་བྱས་ན་མ་དངུལ་སྒོར་དུང་ཕྱུར་7605བཏང་བས་ས་ཁུལ་དེའི་སྣོད་བཅུད་ཞན་དུ་འགྲོ་ཚུལ་བཀག་འགོག་རགས་ཙམ་ཐུབ་ཡོད་པ་རེད། 2014ལོའི་ཟླ་དང་པོར་གཏོང་ཆ་མང་ཤོས་དང་ཚད་གཞི་ནན་ཤོས་ཀྱི་དུས་ཐེངས་གཉིས་པའི་ལས་གྲྭ་མུ་མཐུད་ལག་བསྟར་བྱེད་འགོ་བཙུགས་ནས་སྣོད་བཅུད་སླར་གསོ་དང་བཅོས་སྐྱོང་བྱེད་ཚད་སྤྱི་ལེ་ངོས་གྲུ་ཁྲི་39.5ཟིན་ཡོད་པ་རེད།
          མཚོ་སྔོན་ཞིང་ཆེན་འཕེལ་སྒྱུར་ཨུ་ལྷན་གྱི་ཀྲུའུ་རེན་གཞོན་པ་ལི་ཞའོ་ནན་གྱིས་ངོ་སྤྲོད་བྱས་པར། གཙང་གསུམ་ཆུ་འགོའི་སྣོད་བཅུད་སྲུང་སྐྱོང་གི་དུས་ཐེངས་གཉིས་པའི་ལས་གྲྭ་ལག་བསྟར་བྱས་ནས་ད་བར་ལོ་4ཡི་རིང་རྒྱལ་ཁབ་ཀྱིས་རིམ་རྩིས་བྱས་ན་སྒོར་དུང་ཕྱུར་97.11བཏང་ནས་འཆར་འགོད་ཀྱི་སྤྱིའི་མ་དངུལ་གྱི་60.5%ལེགས་གྲུབ་ཟིན་ཡོད་པ་རེད། མི་ཐབས་ལ་བརྟེན་ནས་རྩྭ་གསབ་འདེབས་དང་རྩྭ་ཐང་གི་གནོད་ལྡན་སྐྱེ་དངོས་སྔོན་འགོག་ཚོད་འཛིན་ལ་སྐུལ་འདེད་གཏོང་རྒྱུ་སོགས་ཀྱི་བྱ་ཐབས་རབ་དང་རིམ་པ་བརྒྱུད་ས་ཁུལ་དེའི་རྩྭ་ཐང་ཉམས་ཞན་དུ་འགྲོ་ཚད་ཅུང་འགོར་དུ་ཕྱིན་པ་དང་། ཆུ་རྩ་གསོ་འཁྱོངས་ནུས་པ་མངོན་གསལ་དོད་པོས་མཐོ་རུ་ཕྱིན་པ། ས་ཆུ་སྲུང་འཛིན་གྱི་ནུས་པ་རྒྱུན་ཆད་མེད་པར་ཆེ་རུ་ཕྱིན་ཡོད་པ་རེད།
          རྒྱང་ཚོར་ལྟ་ཞིབ་ཚད་ལེན་གྱི་འབྲས་བུ་གསར་ཤོས་ལས་མངོན་པར། དུས་ཐེངས་གཉིས་པའི་ལས་གྲྭ་ལག་བསྟར་བྱས་ནས་ལོ་4སོང་རིང་ས་གནས་དེའི་སྡོང་ཐུང་ནགས་ཚལ་ཆ་སྙོམས་ཁྱབ་ཚད་0.21%ཆེ་རུ་ཕྱིན་ནས་ཆ་སྙོམས་མཐོ་ཚད་ལི་སྨི་0.82འཕར་བ་དང་། བྱེ་འགྱུར་ས་ཆའི་སྔོ་ཁེབས་ཚད་གཞི་33.36%ནས་39.4%བར་འཕར་བ། འདམ་རའི་སྔོ་ཁེབས་ཚད་གཞི་4.67%འཕར་ཡོད་པ་བཅས་རེད།