ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ཁུལ་གསར་འགྱུར།

ཡོངས་འཛིན་འཚོལ་བཤེར་ལ་མཚོ་སྔོན་ཞིང་ཆེན་ཚན་རིག་ལག་རྩལ་གྲུབ་འབྲས་དཔང་ཡིག་ཐོབ་པ།

སྤེལ་དུས 2018-03-14 ཡོང་ཁུངས། མཚོ་སྔོན་པོ་དྲ་བ། རྩོམ་པ་པོ། ལྷ་མོ་ཚེ་སྐྱིད།

          སྤྱི་ཟླ3པའི་ཚེས12ཉིན། མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ཞིབ་འཇུག་ལེགས་འགྲུབ་བྱུང་བའི་ཡོངས་འཛིན་བོད་ཡིག་འཚོལ་བཤེར་མ་ལག་ལ་མཚོ་སྔོན་ཞིང་ཆེན་ཚན་རིག་ལག་རྩལ་ཐིང་གིས་གནང་བའི“མཚོ་སྔོན་ཞིང་ཆེན་ཚན་རིག་ལག་རྩལ་གྲུབ་འབྲས་དཔང་ཡིག”ཐོབ།
          ཚན་རིག་ལག་རྩལ་གྲུབ་འབྲས་འདིའི་གསལ་འབྱེད་ནི་མཚོ་སྔོན་ཞིང་ཆེན་ཚན་རིག་ལག་རྩལ་ཐིང་གིས་འབྲེལ་ཡོད་ཆེད་མཁས་པ་རྩ་འཛུགས་བྱས་ཏེ་གྲུབ་འབྲས་ལ་དཔྱད་འཇོག་གནང་བ་ཡིན་ལ། གསལ་འབྱེད་གྲོས་ཚོགས་སུ་ཆེད་མཁས་པའི་ཨུ་ཡོན་ལྷན་ཚོགས་ཀྱིས་འབྲེལ་ཡོད་ཡིག་ཆར་ལྟ་ཀློག་དང་འདྲི་རྩད། གྲོས་བསྡུར་བཅས་བྱེད་པར་བརྒྱུད། གཅིག་མཐུན་གྱིས་ཡོངས་འཛིན་འཚོལ་བཤེར་ནི་དྲ་ངོས་དང་གསར་འགྱུར། པར་རིས། གླུ་དབྱངས། བརྙན་རིས། རིག་མཛོད། ཡིག་ཚང་། དྲིས་ལན་སོགས་གཞི་གཅིག་ཏུ་གྲུབ་པའི་བོད་ཡིག་འཚོལ་བཤེར་མ་ལག་ཅིག་ཡིན་པ་དང་། སྐད་བརྡ་མཐུད་མཚམས་དང་སྐད་བརྡའི་ལག་རྩལ་གཙོ་བོ་བསྒྱུར་ལས་བཅས་ཡོངས་སུ་བོད་ཡིག་ཅན་དུ་མངོན་འགྱུར་བྱུང་ཡོད་པ་བསྟན། 《ཆ་འཕྲིན་བསྒྱུར་ལས་སུ་སྤྱོད་པའི་བོད་ཡིག་མིང་མཚམས་འབྱེད་པའི་ལས་གྲྭའི་ཚད་གཞི》དང《ཆ་འཕྲིན་བསྒྱུར་ལས་སུ་སྤྱོད་པའི་བོད་ཡིག་མིང་མཚམས་རིགས་དབྱེ་དང་རྟགས་མཚན་འགོད་ཚོགས་ཀྱི་ཚད་གཞི》བཤེར་སྒུག་ཚད་གཞི་ལྟར། སྟེགས་བུ་ལས་བརྒལ་བའི་བོད་ཡིག་མིང་མཚམས་རང་འབྱེད་དང་སྐད་བརྡའི་རིག་ནུས་དབྱེ་ཞིབ་མ་ལག་གསར་སྤེལ་བྱས་ཏེ། བོད་ཡིག་དོན་གཅིག་མིང་གི་རྣམ་གྲངས་འཚོལ་བཤེར་དང་བོད་ཡིག་སྐད་དོད་ལ་ཏིང་སྒྲ་འཚོལ་བཤེར། བོད་ཡིག་སྦྱོར་འབྲིའི་ཞིབ་བཤེར་མ་ལག་སོགས་བོད་ཡིག་རིག་ནུས་ཆ་འཕྲིན་བསྒྱུར་ལས་ཀྱི་ལག་རྩལ་གཙོ་བོའི་དཀའ་གནད་སེལ། དེ་མིན་ཡོངས་འཛིན་འཚོལ་བཤེར་མ་ལགAPPགསར་སྤེལ་བྱས་ལ། ཡོངས་འཛིན་འཚོལ་བཤེར་དེ་འཛམ་གླིང་བོད་ཡིག་འཚོལ་བཤེར་མ་ལག་ཐོག་མར་གཏོགས། ཆེད་མཁས་པའི་ཨུ་ཡོན་ལྷན་ཚོགས་ཀྱིས་གྲུབ་འབྲས་དཔྱད་འཇོག་ལ་མོས་མཐུན་བྱུང་བར་བརྒྱུད། གྲུབ་འབྲས་འདི་རྒྱལ་སྤྱིའི་སྔོན་ཐོན་ཆུ་ཚད་དུ་སླེབས་ཤིང་། དུས་མཚུངས་སུ་ལག་རྩལ་གྲུབ་འབྲས་དཔང་ཡིག་ཐོབ་པ་འདིས་ཞིང་ཆེན་རིམ་པའི་ཚན་རྩལ་འཕེལ་རྒྱས་བྱ་དགའ་སྙན་ཞུ་དང་། བདེ་བླག་ངང་འབྲེལ་ཡོད་གསར་གཏོད་ཀྱི་ཆེད་ཁེ་སྙན་ཞུ་བྱེད་པ་སོགས་ཀྱི་ཐད་རྨང་གཞི་སྲ་བརྟན་བཏིངས།
          ཡོངས་འཛིན་བོད་ཡིག་འཚོལ་བཤེར་མ་ལག་འཛུགས་སྐྲུན་ལས་གཞི་ནི2013ལོའི་ཟླ4བར་དངོས་སུ་ལས་མགོ་བརྩམས་ཤིང་། ལོ་ངོ་གསུམ་རིང་གི་དཀའ་ཚགས་ཞིབ་འཇུག་དང་གསར་སྤེལ་བྱེད་པར་བརྒྱུད། 2016ལོའི་ཟླ8པའི་ཚེས22ཉིན་དངོས་སུ་ཤར་གཏོང་བྱས། མིག་སྔར། ལྟ་ཀློག་དང་དོ་སྣང་བྱེད་ཚད་མངོན་གསལ་གྱིས་གོང་འཕར་བྱུང་ཞིང་། སྔ་ཕྱིའི་སྡེབ་རྩིས་ཀློག་ཐེངས་དུང་ཕྱུར4ལས་བརྒལ་བ་དང་། ཉིན་རེའི་ཆ་སྙོམས་ཀློག་ཐེངས་ཁྲི300ཡས་མས་ཡིན་ལ། རྒྱལ་ནང་དུ་ལྟ་ཀློག་ས་ཁུལ་ནི་གཙོ་ཆེར་མཚོ་སྔོན་དང་བོད་ལྗོངས། སི་ཁྲོན། ཀན་སུའུ། ཧྲའན་ཞི། ཡུན་ནན། ཀོང་ཏུང་། ལའོ་ཉིང་། ཅང་སུའུ། པེ་ཅིང་། ཧོང་ཁོང་སོགས་ཞིང་ཆེན་དང་གྲོང་ཁྱེར། རང་སྐྱོང་ལྗོངས་དང་ཐད་གཏོགས་གྲོང་ཁྱེར31དང་། རྒྱལ་ཁབ་ཕྱིའི་ལྟ་ཀློག་ས་ཁུལ་ལ་ཨ་རི་དང་སུའེ་ཙེར། ཧྥ་རན་སི། འཇར་མན། ཁ་ན་ཏ། པི་ལི་ཧྲི། དབྱིན་ཇི། འབྲུག་ཡུལ་སོགས་རྒྱལ་ཁབ་དང་ས་ཁུལ70ལྷག་ལ་ཁྱབ་ཡོད།