གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ཁུལ་གསར་འགྱུར།

སི་ཁྲོན་ལི་ཐང་གིས་ན་གཞོན་གྱི་ལས་གཏོད་ལ་རམ་འདེགས་བྱས་པ།

སྤེལ་དུས 2018-06-13 ཡོང་ཁུངས། མི་དམངས་ཉིན་རེའི་ཚགས་པར། རྩོམ་པ་པོ། སངས་སྐྱབས་ཀྱིས་བསྒྲིགས།
           “ཉེ་ཆར་ང་ཉིན་ལྟར་གྲོང་མིའི་སར་དབྱར་རྩྭ་དགུན་འབུ་ཉོ་བར་འགྲོ་ཡི་ཡོད། དེ་དག་དྲ་ཐོག་ཚོང་དོན་ལས་སྟེགས་བརྒྱུད་ནས་འཛད་སྤྱོད་པར་ཐད་ཀར་འཚོང་གི་ཡོད”ཅེས་སི་ཁྲོན་ཞིང་ཆེན་དཀར་མཛེས་ཀྲོའུ་ལི་ཐང་རྫོང་ཇ་རྟའི་ཚོང་ལམ་དྲ་ཐོག་ཚོང་དོན་ཚད་ཡོད་འགན་འཁྲི་ཀུང་སིའི་སྲོལ་གཏོད་པ་བཀྲ་ཤིས་རྡོ་རྗེ་ཀུང་སིའི་འཕེལ་རྒྱས་ཀྱི་མདུན་ལམ་ཐད་ཡིད་ཆེས་ཀྱིས་ཁེངས་བཞིན་བཤད།
           བཀྲ་ཤིས་ཀྱི་ཀུང་སི་2017ལོའི་ཟླ་3པར་བཙུགས་པ་དང་། དབྱར་རྩྭ་དགུན་འབུའི་དུས་ཚིགས་འདས་རྗེས་ཁོ་ཚོས་བེ་ཤ་སོགས་བོད་རིགས་ས་ཁུལ་གྱི་ཁྱད་ལྡན་ཐོན་ཟོག་འཚོང་གི་ཡོད། ད་ཆར་ཀུང་སིར་རོགས་ཟླ་3ཇེ་མང་དུ་སོང་བ་དང་ཁོ་ཚོ་ཡང་བཀྲ་ཤིས་དང་འདྲ་བར་ཕ་ཡུལ་གྱི་འཕེལ་རྒྱས་ལ་ནུས་པ་འབུལ་འདོད་ཡོད་པའི་ཕ་ཡུལ་དུ་ལོག་པའི་སློབ་གྲྭ་ཆེ་མོ་བ་ཡིན།
           ལི་ཐང་རྫོང་ཀའོ་ཁྲེང་གྲོང་རྡལ་ཏང་ཨུད་ཀྱི་འགན་འཁུར་བས་ངོ་སྤྲོད་བྱས་པ་ལྟར་ན། ལི་ཐང་རྫོང་གི་དྲ་ཐོག་ཚོང་དོན་གཉིས་གཏོད་སྐྱེད་སྲིང་ལྟེ་གནས་2017ལོའི་ཟླ་8པ་ནས་བཟུང་གཉེར་སྐྱོང་བྱས་པ་དང་བཟོ་སྐྲུན་རྒྱ་ཁྱོན་སྨི་ངོས་གྲུ་2600ཟིན་ཡོད། མིག་སྔར་ཁེ་ལས་23ལྟེ་གནས་སུ་བཅའ་སྡོད་བྱས་པའི་ནང་སློབ་གྲྭ་ཆེ་མོ་བའི་གསར་གཏོད་ལས་གཏོད་ཁེ་ལས་10དང་། དངོས་ཟོག་མྱུར་སྐྱེལ་ཀུང་སི་7 ཞིང་ལས་ཁྱད་ལྡན་ཐོན་ཟོག་ལས་སྣོན་ཁེ་ལས་6བཅས་ཚུད་ཡོད་པ་རེད།
           བཀྲ་ཤིས་རྡོ་རྗེས་ལི་ཐང་ལ“འཛམ་གླིང་གི་ས་མཐོའི་གྲོང་རྡལ”ཞེས་པའི་མཚན་སྙན་ཡོད་པ་དང་། རང་བྱུང་ཁམས་ཆེན་མོས་ས་མཐོའི་ཡུལ་དུ་ཁྱད་ལྡན་ཐོན་ཟོག་མང་པོ་མཁོ་འདོན་བྱས་ཡོད་པ་དེ་དག་ཡུལ་ལུང་མང་པོར་ཁྱབ་རྒྱུའི་རེ་བ་ཡོད་ལ། ཕ་ཡུལ་དུ་ཕྱིར་ལོག་པའི་ལས་གཏོད་སློབ་གྲྭ་ཆེ་མོ་བའི་ངོས་ནས་བོད་རིགས་ས་ཁུལ་གྱི“ཚོང་ཟོག་ཡག་པོ”ས་ཆ་མང་པོར་བཙོང་ཐུབ་པར་བྱ་རྒྱུ་ཡིན་ཞེས་གསར་འགོད་པར་བཤད།