ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་ཁུལ་གསར་འགྱུར།

དཀར་མཛེས་ཁུལ་བརྒྱད་ཟིལ་རྫོང་གིས་དབུལ་ཐར་མཁྲེགས་གཏོར་ཐད་གྲུབ་འབྲས་མངོན་གསལ་བླངས་པ།

སྤེལ་དུས 2019-01-09 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ། སངས་སྐྱབས་ཀྱིས་བསྒྲིགས།
འདི་ནི་བརྒྱད་ཟིལ་རྫོང་གི་སློབ་གྲྭ་རེད། 
འདི་ནི་ལུས་པོ་ཤིན་ཏུ་ཆེ་བའི་བརྒྱད་ཟིལ་འབྲི་གཡག་རེད།
            ཀྲུང་གོ་བོད་ཀྱི་དྲ་བའི་འཕྲིན། 2018ལོ་ནས་བཟུང་། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་བརྒྱད་ཟིལ་རྫོང་ཏང་ཨུ་དང་། རྫོང་སྲིད་གཞུང་གིས་དབུལ་ཐར་མཁྲེགས་གཏོར་གྱི་དམག་འཐབ་ལ་རྒྱལ་ཁ་ལེན་རྒྱུ་དེ་ཆབ་སྲིད་ཀྱི་འགན་འཁྲི་ཆེ་ཤོས་དང་། དམངས་འཚོའི་ལས་གཞི་ཆེ་ཤོས། འཕེལ་རྒྱས་ཀྱི་གོ་སྐབས་ཆེ་ཤོས་སུ་བརྩི་བ་རྒྱུན་འཁྱོངས་བྱས་ཏེ། གཙོ་གནད་རོགས་སྐྱོར་དང་ཞིང་འབྲོག་མང་ཚོགས་ཀྱིས་མུ་མཐུད་འབབ་འཕར་ཟུང་འབྲེལ་བྱ་རྒྱུ་རྒྱུན་འཁྱོངས་དང་། གནད་ཕིགས་དབུལ་སྐྱོར་དང་ཐོན་ལས་དབུལ་སྐྱོར་ཕན་ཚུན་ཟུང་འབྲེལ། དུད་ཚང་རེར་གནད་སྨིན་ཐུབ་པ་དང་ཚོགས་སྤྱི་རེར་གནད་སྨིན་ཐུབ་པ་ཟུང་འབྲེལ་བྱས་ཤིང་། དེ་བཞིན“སྤྱིའི་འཆར་འགོད་དང་། སྔོན་ཚུད་ནས་ལག་བསྟར། ཞན་ཆ་ཁ་གསབ། འབབ་འཕར་ལ་དམིགས་པ”བཅས་ཀྱི་བསམ་ཕྱོགས་ལ་གཞིགས་ནས་བྱ་ཐབས་སྣ་མང་སྲ་བརྟན་དུ་བཏང་སྟེ་དབུལ་ཐར་མཁྲེགས་གཏོར་ཐད་ཕན་འབྲས་མངོན་གསལ་བླངས་པ་རེད།
            2018ལོའི་ཟླ12པའི་ཚེས31ཉིན་གྱི་ཚུན་དུ། བརྒྱད་ཟིལ་རྫོང་གི་དུད་ཚང1890དང་དབུལ་ཕོངས་མི་འབོར6985ཡོངས་སུ་དབུལ་ཐར་བྱས་ཏེ། དབུལ་ཕོངས་གྲོང་ཚོ19ཕྱིར་འགྲོལ་བ་ངོས་འཛིན་བྱས། བརྒྱད་ཟིལ་རྫོང་གི་དབུལ་ཐར་མཁྲེགས་གཏོར་གྱི་དམག་འཐབ་ལ་དུས་རིམ་རང་བཞིན་གྱི་གྲུབ་འབྲས་བྱུང་བ་དེ་གཙོ་བོ་རྫོང་དེ་གའི་ཏང་འཛུགས་སྐྱོང་དང་། ཐོན་ལས། སློབ་གསོ་གསུམ་གྱི་ཐད་ཐབས་ཇུས་ལེགས་པོ་བེད་སྤྱོད་བྱས་པར་རག་ལས་ཡོད་དེ། ཏང་འཛུགས་སྐྱོང་གིས་སྣེ་ཁྲིད་བྱས་པ་བརྒྱུད“ཞན་ཆ”ལེགས་ཆར་འགྱུར་བར་སྐུལ་འདེད་བྱས། ལྷག་པར་དུ“མེ་ཏོག་སེར་པོ་ལྔ+”ལངས་གཟུགས་ཐོན་ལས་འཕེལ་རྒྱས་སྒྲིག་གཞི་བཙུགས་པ་དེས་དབུལ་ཕོངས་དུད་ཚང་ལ་རོགས་རམ་བྱས་ནས་ཐོན་ལས་འཕེལ་རྒྱས་སུ་བཏང་སྟེ་དབུལ་ཐར་ཕྱུག་འགྱུར་གྱི་ལམ་དུ་བགྲོད། བརྒྱད་ཟིལ་རྫོང་གིས་དབུལ་ཕོངས་གྲོང་ཚོར་ཐོན་ཁུངས་དང་། ས་གཞི། ངལ་རྩོལ་ནུས་ཤུགས་ཡོད་མོད། འོན་ཀྱང་མ་དངུལ་དང་། ལག་རྩལ། འཇོན་མི་དཀོན་པའི་གནད་དོན་ལ་དམིགས་ནས“ཚོགས་སྒྲིག+བསྡམས་སྒྲིལ”ཀྱི་ལམ་ལུགས་བཙུགས་ནས་ཕྱུག་འགྱུར་གྱི་ཐོན་ལས་འཕེལ་རྒྱས་སུ་བཏང་སྟེ། དཀར་མཛེས་བོད་ཁུལ་གྱི་ཤིན་ཏུ་དབུལ་བའི་རྫོང་གི་ཐོན་ལས་དབུལ་ཐར་གྱི་སྣེ་ཁྲིད་པ་རུ་གྱུར་ཡོད།