སི་ཁྲོན་བོད་ཁུལ་གྱི་སློབ་གཉེར་ཆ་རྐྱེན་ལེགས་སུ་གཏོང་རྒྱུ།
སྤེལ་དུས 2019-03-25
ཡོང་ཁུངས། མི་དམངས་དྲ་བ།
རྩོམ་པ་པོ། པད་མ།
ཉེ་ཆར། སི་ཁྲོན་ཞིང་ཆེན་སློབ་གསོ་ཐིང་ནས་ཤེས་རྟོགས་བྱུང་བར་གཞིགས་ན། ད་ལོར་སི་ཁྲོན་ཞིང་ཆེན་གྱིས་སྔོན་དཔག་བྱས་ན་སྒོར་དུང་ཕྱུར་10ཙམ་བཏང་ནས་བོད་རིགས་ས་ཁུལ་གྱི་སློབ་གྲྭའི་སློབ་གཉེར་གྱི་ཆ་རྐྱེན་ལེགས་སུ་གཏོང་རྒྱུ་དང་འབྲེལ་གྲོང་ཚོ་རེ་ལ་བུ་བཅོལ་ཁང་རེའི་འཆར་གཞི་དང་9+3གྱི་འཆར་གཞི་གཏིང་ཟབ་ཏུ་གཏོང་རྒྱུ་རེད།
སི་ཁྲོན་ཞིང་ཆེན་གྱིས་མི་རིགས་ས་ཁུལ་གྱི་སློབ་གསོ་འཕེལ་རྒྱས་ཀྱི་ལོ་བཅུའི་བྱ་སྤྱོད་འཆར་གཞི་སོགས་སློབ་གསོའི་ལས་གཞི་གལ་ཆེན་ལག་བསྟར་བྱས་པ་བརྒྱུད། བོད་རིགས་ས་ཁུལ་གྱི་སློབ་གྲྭ་འཛུགས་སྐྲུན་ཐད་མེད་པ་གཅིག་དང་ཡོད་པ་གཉིས་(ཉེན་ཁ་ཆེ་བའི་ཁང་པ་མེད་པ་དང་། འཛིན་གྲྭ་ཚང་མར་སློབ་ཁང་ཡོད་པ་དང་སློབ་མ་ཚང་མར་ཤིང་གི་སྒྲོག་རྩེ་དང་རྐུབ་སྟེགས་ཡོད་པ)ཐག་གཅོད་བྱས་པ་ནས་ཚད་ལྡན་ཅན་གྱི་འཛུགས་སྐྲུན་བར་འགྱུར་ལྡོག་བྱུང་ཡོད། ད་ལོ་སི་ཁྲོན་ཞིང་ཆེན་གྱི་མི་རིགས་ས་ཁུལ་གྱི་སློབ་གསོ་འཕེལ་རྒྱས་ཀྱི་ལོ་བཅུའི་བྱ་སྤྱོད་འཆར་གཞི་དང་ས་ཁོངས་གསུམ་དང་ཁུལ་གསུམ་གྱི་སློབ་གསོའི་དབུལ་སྒྲོལ་འགག་སྒྲོལ་ལས་གཞི། བོད་རིགས་ས་ཁུལ་གྱི་ཆེད་སྤྱོད་མ་དངུལ་སོགས་སློབ་གསོའི་ལས་གཞི་ཆེན་མོ་གསུམ་ལ་སྐུལ་འདེད་གཏིང་ཟབ་བཏང་སྟེ་བོད་རིགས་ས་ཁུལ་གྱི་སློབ་གྲྭ་ཚད་ལྡན་ཅན་གྱི་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་རྒྱུ་རེད།
རྩོམ་སྒྲིག་པ། སངས་སྐྱབས།