དཀར་མཛེས་ཁུལ་ཡོངས་ཀྱི་རིམས་ནད་འགོག་བཅོས་ཚོད་འཛིན་གྱི་གྲུབ་འབྲས་རྒྱུན་མཐུད་དུ་སྲ་བརྟན་བཏང་ནས་ཐོན་སྐྱེད་དང་འཚོ་བའི་རྒྱུན་ལྡན་སྒྲིག་ལམ་ཁྱོན་ཡོངས་ནས་སླར་གསོ་བྱ་དགོས།

          སྤྱི་ཟླ3པའི་ཚེས27ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་སྲིད་གཞུང་གི་ཁུལ་དཔོན། ཁུལ་ཨུས་ཏོག་གསར་གློ་རིམས་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོ་ཆུང་གི་འགོ་གཙོ། ཁུལ་འཚུབ་བསྟུན་བཀོད་འདོམས་པུའུ་ཡི་བཀོད་འདོམས་པ་ཞའོ་ཡིའུ་ཚའེ་ཡིས་གཙོ་འགན་བཞེས་ནས་དཀར་མཛེས་ཁུལ་གྱིས་ཏོག་གསར་གློ་རིམས་ལ་ཁ་གཏད་གཅོག་པའི་འཚུབ་བསྟུན་བཀོད་འདོམས་པུའུ་ཡི་ཚོགས་འདུ་ཐེངས34པ་འཚོགས་ནས་ཀྲུང་དབྱང་གིས་ཏོག་གསར་གློ་རིམས་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོ་ཆུང་གི་ཚོགས་འདུ་དང་ཞིང་ཆེན་ཏང་ཨུའི་རྒྱུན་ཨུ་ཚོགས་འདུ། ཞིང་ཆེན་ཏང་ཨུས་ཏོག་གསར་གློ་རིམས་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོ་ཆུང་གི་ཚོགས་འདུ་ཐེངས8པ་དང་། ཞིང་ཆེན་ཡོངས་ཀྱིས་ཕྱི་ནས་སིམ་འཛུལ་བྱས་པའི་རིམས་ནད་ཁྱོན་ཡོངས་ནས་འགོག་བཅོས་ཚོད་འཛིན་ལས་ཀ་སྤེལ་ཤུགས་ཆེ་རུ་གཏོང་བའི་བརྙན་འཕྲིན་བརྒྱུད་ལམ་ཚོགས་འདུའི་སྙིང་དོན་བརྒྱུད་བསྒྲགས་དང་སློབ་སྦྱོང་བྱས་ཤིང་། འབྲེལ་ཡོད་ལས་ཀར་གྲོས་ཞིབ་དང་ཞིབ་འཇུག་བྱས་པའི་དུས་མཚུངས་སུ་ལས་སྒྲུབ་ཚོ་ཆུང་སོ་སོ་དང་ཁུལ་རིམ་པའི་འབྲེལ་ཡོད་སྡེ་ཚན་གྱི་ལས་ཀའི་གནས་ཚུལ་གྱི་སྙན་ཞུ་ལ་གསན་འཇོག་གནང་ཞིང་ཕྱིན་ཆད་ཀྱི་ལས་ཀ་བཀོད་སྒྲིག་བྱས་པ་རེད།
          ཚོགས་འདུའི་ཐོག་འཐབ་ཕྱོགས་གཅིག་གྱུར་དང་མི་རིགས་ཆོས་ལུགས་སྡེ་ཚན་གྱིས་བརྟག་ཞིབ་གང་ལེགས་དང་ཚན་རིག་དང་མཐུན་པའི་ཞིབ་འཇུག་བརྡར་གཅོད་བྱེད་པའི་རྨང་གཞིའི་ཐོག དུས་རིམ་དང་ཚན་པ་བགོས་ནས་བཅའ་ཁྲིམས་ལྟར་གོ་རིམ་ལྡན་པའི་སྒོ་ནས་ཆོས་ལུགས་སྤེལ་ཡུལ་ནང་ཁུལ་གྱི་བྱེད་སྒོ་སླར་གསོ་བྱ་དགོས། རྫོང﹙གྲོང་ཁྱེར﹚དང་སློབ་གསོའི་གཙོ་གཉེར་སྡེ་ཁག་གིས་དགེ་སློབ་ཀྱི་ཉེན་མེད་འགན་ལེན་བྱེད་པའི་སྔོན་འགྲོའི་ཆ་རྐྱེན་འོག རིམ་པ་དང་དུམ་མཚམས་བགོས་པ། དུས་ཚོད་གཡོལ་ཟུར་བྱས་ཏེ་སྔོན་རྗེས་སུ་སློབ་འགོ་བཙུགས་ནས་སློབ་ཁྲིད་སླར་གསོ་བྱ་དགོས་པ་དང་། ཆ་རྐྱེན་འཛོམས་པའི་སློབ་གྲྭས་བཀག་སྡོམ་བྱེད་སྟངས་ཀྱི་དོ་དམ་བྱ་དགོས། རྟའུ་རྫོང་གིས་རིམས་ནད་འགོག་བཅོས་ཚོད་འཛིན་བྱེད་པའི་དུས་བབ་ལ་ཚན་རིག་དང་མཐུན་པའི་དཔྱད་དཔོག་དང་རིམས་ནད་ནང་དུ་སིམ་འཛུལ་ཡོང་བར་ནན་འགོག་དང་ཐབས་ཇུས་ཚོད་འཛིན་ཁྱོན་ཡོངས་ནས་དོན་འཁྱོལ་བྱེད་པ་དང་ཆབས་ཅིག ཐོན་སྐྱེད་དང་འཚོ་བའི་རྒྱུན་ལྡན་སྒྲིག་ལམ་གོ་རིམ་ལྡན་པའི་སྒོ་ནས་སླར་གསོ་བྱ་དགོས། རིམ་པ་ཁག་དང་སྡེ་ཚན་ཁག་གིས་རིམས་ནད་འགོག་བཅོས་ཚོད་འཛིན་ལས་ཀ་དམ་འཛིན་ཡག་པོ་བྱེད་པ་དང་ཆབས་ཅིག ཁུལ་ཨུས་ཏོག་གསར་གློ་རིམས་ལ་ཁ་གཏད་གཅོག་པའི་འཚུབ་བསྟུན་བཀོད་འདོམས་པུའུ་ཡི་སྤྱི་བསྒྲགས་ཨང12པའི་བླང་བྱ་ཁྱོན་ཡོངས་ནས་དོན་འཁྱོལ་བྱས་ཏེ། ཐོན་སྐྱེད་དང་འཚོ་བའི་རྒྱུན་ལྡན་སྒྲིག་ལམ་ཁྱོན་ཡོངས་ནས་སླར་གསོ་བྱེད་པ་དང་ནུས་ཤུགས་ཡོད་རྒུས་རིམས་ནད་འགོག་བཅོས་ཚོད་འཛིན་དང་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བར་རྒྱལ་ཁ་གཉིས་ཐོབ་དགོས་ཞེས་ནན་གསུང་གནང་བ་རེད། །

རྩོམ་སྒྲིག་པ། བདེ་སྒྲོལ།