གཅན་ཚ་རྫོང་གིས་བྱ་འགུལ་རབ་དང་རིམ་པ་སྤེལ་ནས་ཏང་བཙུགས་ནས་ལོ་99འཁོར་བར་རྟེན་འབྲེལ་ཞུས།
སྤེལ་དུས 2020-07-02
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
ཉེ་ཆར། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་གིས“ཏང་གི་བཀའ་དྲིན་ཚོར་བ་དང་། ཐོག་མའི་བསམ་འདུན་སྲུང་བ། དཔའ་ངར་ཆེན་པོས་འགན་འཁུར་བ”བཅས་ཀྱི་བྱ་འགུལ་རབ་དང་རིམ་པ་སྤེལ་ནས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་99འཁོར་བར་རྟེན་འབྲེལ་ཞུ་བ་དང་། སྔར་ལས་ལྷག་པར་རྫོང་ཡོངས་ཀྱི་རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན་གྱིས་ལས་སྐྲུན་གསར་གཏོད་ལ་སྐུལ་འདེད་བྱས།
བྱ་འགུལ་ནང་གཅན་ཚ་རྫོང་གི་རྫོང་རིམ་པའི་འགོ་ཁྲིད་28ཀྱིས་སྣེ་ཁྲིད་ནས་སྡེ་བའི་ལས་བྱེད་པ་དང་རོང་འབྲོག་ཁུལ་གྱི་ཡིག་ཚགས་དང་བྱང་བུ་བཟོས་པའི་འཚོ་བར་དཀའ་ངལ་ཡོད་པའི་ཏང་ཡོན་དང་ཏང་ཞུགས་ལོ་30ལས་བརྒལ་བའི་ཏང་ཡོན་རྒན་གྲས109ལ་འཚམས་འདྲི་བྱས་པ་རེད། རིམ་པ་སོ་སོའི་ཏང་རྩ་འཛུགས་ཀྱིས་ཏང་ཡོན་ལས་བྱེད་པ་སྣེ་ཁྲིད་དེ“ཧྲུའུ་ཅིས་ཏང་གི་སློབ་ཚན་ཁྲིད་པ”དང“ཏང་ནང་ཞུགས་པའི་དམ་ཚིག་བསྐྱར་དྲན་དང་། ཏང་ནང་ཞུགས་པའི་ལོ་རྒྱུས་བསྐྱར་དྲན། ཏང་ནང་ཞུགས་པའི་ཐོག་མའི་བསམ་འདུན་བསྐྱར་འདྲི་བྱེད་པ”སོགས་ཏང་གཤིས་སློབ་གསོའི་བྱེད་སྒོ་སྤེལ་བ་དང་། 《རྒྱལ་སྟོན་མཛད་སྒོ་ཆེན་མོ》དང《རིམས་འགོག་གི་འཐབ་ས་དང་པོའི་ཏང་གི་དར་ཆ་དམར་པོ》སོགས་གསར་བརྗེའི་གློག་བརྙན་ལ་བལྟས་ཤིང་། ཏང་ཡོན་དང་བླངས་ཞབས་ཞུའི་རུ་ཁག94འགྲིམ་འགྲུལ་ཁྲིད་སྟོན་དང་འཕྲོད་བསྟེན་བཅོས་སྒྲིག་ནང་ཞུགས། །