མཚོ་སྔོན་གསེར་ཆེན་འབྲོག་པའི་གྲོང་ཚོ་མཛེས་ལྗོངས་ཁུལ་དུ་གྱུར་བ་དང་འབྲོག་པ་སྣེ་ཤན་པར་གྱུར་བ།
སྤེལ་དུས 2020-08-14
ཡོང་ཁུངས། མི་དམས་ཉིན་རེའི་ཚགས་པར།
རྩོམ་པ་པོ།
ཡུལ་སྐོར་བར་སྣེ་ལེན་ཞུ་མཁན་གྱི་ལོ་43ལ་སླེབས་པའི་བདེ་ཆེན་སྒྲོལ་མ་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཀྲོའུ་གསེར་ཆེན་རྫོང་རིག་སྨོན་གྲོང་རྡལ་ཧ་དབྱིག་གྲོང་ཚོའི་གྲོང་མི་ཡིན། སྔོན་ཆད་ཁོང་གི་གྲོང་ཚོ་ནི་འབྲོག་ལས་རྐྱང་པའི་གྲོང་ཚོ་ཞིག་ཡིན་པ་དང་། དུད་ཚང་253ཡི་མི་གྲངས་823ཡོད། དེའི་ནང་དུད་ཚང་དབུལ་པོ་40ཡི་མི་གྲངས་115ཡོད། མི་འབོར་མང་ལ་ས་ཞིང་ཉུང་བར་བརྟེན་གྲོང་ཚོའི་ནང་གི་མི་ཕྱེད་ཀ་ལྷག་ཙམ་གྱིས་ནོར་ལུག་དང་། བལ། ལུག་ལྤགས་བཅས་བཙོངས་ནས་ལྟོ་གོས་འཕྱིད་ཐབས་བྱེད་པ་དང་། གྲོང་མི་གཞན་ཚོས་དབྱར་རྩྭ་དགུན་འབུ་འཐུ་བ་དང་ཕྱུགས་འཚོས་ནས་ལྟོ་གོས་འཕྱིད་ཐབས་བྱེད་ཀྱི་ཡོད།
2017ལོར་སྲིད་གཞུང་གིས་གཙང་གསུམ་ཆུ་འགོ་སྲུང་སྐྱོང་བྱ་ཆེད། གྲོང་མི་མི་ཉུང་བ་ཞིག“སྐྱས་སྤོས་རྩྭ་གསོ”བྱེད་དུ་བཅུག་སྟེ། རང་བྱུང་ཆ་རྐྱེན་བལྟོས་བཅས་ལེགས་པའི་ཧ་དབྱིག་གྲོང་ཚོར་ཡུལ་སྐོར་མཛེས་ལྗོངས་ཁུལ་བཙུགས་པ་དང་། དུད་ཚང་དབུལ་པོ་40ཡི་གྲོང་མིར་མི་རིགས་ཀྱི་ཉམས་འགྱུར་ལྡན་པའི་ཁང་པ་40བསྐྲུན་པ་དེ་དག་བོད་ཀྱི་རིག་གནས་ཀྱི་ཁྱད་ཆོས་མངོན་གསལ་དོད་པའི་ཐང་བོད་ཧྲེ་ཅིང་གྲོང་གི་ཧ་དབྱིག་བོད་ཀྱི་གྲོང་སྡེར་གྱུར་ཡོད། དེ་སྔ་སྤྱི་སྐད་འགྲན་བསྡུར་ནང་ཨང་དང་པོ་ཐོབ་པའི་བདེ་ཆེན་སྒྲོལ་མ་གྲོང་ཚོའི་ནང་གི་བོད་ཀྱི་རིག་གནས་སྒྲོག་འགྲེལ་པར་གྱུར་བ་དང་། དུས་དེ་ནས་བཟུང་ཁྱིམ་གྱི་སྒོ་རྩར་གླ་ཆ་ལེན་རྒྱུ་བྱུང་ཡོད།
2020ལོའི་ཟླ་8ཚེས་11ཉིན་མཚོ་སྔོན་གསེར་ཆེན་རྫོང་གི་ཧ་དབྱིག་གྲོང་ཚོའི་གྲོང་མི་བདེ་ཆེན་སྒྲོལ་མས་ཡུལ་སྐོར་བར་བོད་ཀྱི་དངུལ་ཆས་ངོ་སྤྲོད་བྱེད་བཞིན་པ།
རྩོམ་སྒྲིག་པ། སངས་སྐྱབས།