རོང་བྲག་རྫོང་གིས་ཡུལ་སྐོར་ལམ་བུ་གསར་བ་གཏོད་པ།
སྤེལ་དུས 2021-01-18
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
ཉེ་བའི་ལོ་འགའི་རིང་ལ་རོང་བྲག་རྫོང་གིས“སྐྱེ་ཁམས+རིག་གནས་ཡུལ་སྐོར”རྒྱུན་འཁྱོངས་དང་། ཞིང་ལས་རྣམ་པ་གསར་བ་བཏོད་པ། རིག་གནས་ཡུལ་སྐོར་ལམ་བུ་གསར་བ་ཕྱེས་ནས་ཕན་ནུས་ལྡན་པའི་སྒོ་ནས་ཡོང་འབབ་ཡར་འཕར་བ་དང་། སྔར་ལས་ལྷག་པར་ཡུལ་སྐོར་འཕེལ་རྒྱས་ཀྱི་སྒུལ་ཤུགས་གསར་བ་བསྐྲུན་པ་རེད། རོང་བྲག་རྫོང་གིས་ཁྱོན་བསྡོམས་ཞིང་ཞོར་ཐོན་རྫས་གཅིག་བསྡུས་ལས་སྣོན་ར་བ1དང་། ཁྱད་ལྡན་ཞིང་ལས་ཐོན་ལས་རྟེན་གཞི5། མཐོ་སྒང་གི་ཁྱད་ལྡན་ཕྱུགས་ལས་ཐོན་རྫས་རྟེན་གཞི4བཅས་འཛུགས་སྐྲུན་བྱས་ནས་རིགས་སོ་སོའི་ཞིང་ལས་དང་འབྲེལ་བའི་མ་དངུལ་སྒོར་དུང་ཕྱུར2.16གཅིག་བསྡུ་བྱས་ཤིང་། སྲིད་འཛིན་གྲོང་ཚོ28དུ་གྲོང་གསེབ་དར་རྒྱས་འཐབ་ཇུས་ལག་བསྟར་བྱས་པ་རེད།
མ་དངུལ་སྒོར་དུང་ཕྱུར0.89བཏང་སྟེ་གྲངས་འཛིན་གློག་བརྙན་ཁང་དང་། རིག་གནས་ཁང་སོགས་ཀྱི་ལས་གཞི17ལེགས་འགྲུབ་བྱུང་བ་མ་ཟད། ཆེས་མཛེས་ཡུལ་ལྗོངས་ལམ་བུ་དང་རིག་གནས་ལྗོངས་ཁུལ་སོགས་ཀྱི་རིག་གནས་དང་ཡུལ་སྐོར་མཉམ་འདྲེས་ལས་གཞི15ལག་བསྟར་བྱས་ལ། ཁུལ་དང་རྫོང་ཡོངས་ཀྱི་རླུང་འཕྲིན་དང་བརྙན་འཕྲིན་ལེ་ཚན་དང་། འཕྲལ་བསྟུན་རླུང་འཕྲིན་སྟེགས་བུ་ཡུལ་ཕྱོགས་སོ་སོར་ཁྱབ་པ་སོགས་ཀྱི་ལས་གཞི6འཛུགས་སྐྲུན་བྱས།
“ལོ་ལྔའི་འཆར་གཞི་བཅུ་གསུམ་པའི”སྐབས་སུ། རྫོང་ཡོངས་ཀྱིས་བསྡོམས་པས་ཡུལ་སྐོར་བ་མི་ཐེངས་ཁྲི893.4སྣེ་ལེན་ཞུས་ཏེ་དུས་མཉམ་དང་བསྡུར་ན261.4%འཕར་བ་དང་། ཡུལ་སྐོར་ཡོང་འབབ་བསྡོམས་པས་སྒོར་དུང་ཕྱུར94.4ལ་སླེབས་ཏེ་དུས་མཉམ་དང་བསྡུར་ན356.3%འཕར། སྒོ་འཛིན་ཡོང་འབབ་སྒོར་ཁྲི3462.1སླེབས་ཏེ་དུས་མཉམ་དང་བསྡུར་ན185%འཕར་ཡོད། །
རྩོམ་སྒྲིག་པ། བདེ་སྒྲོལ།